Punjab
ਜਸਟਿਨ ਟਰੂਡੋ ਦੇ ਉਕਸਾਹਟ ‘ਤੇ ਅੱਤਵਾਦੀ ਸੰਗਠਨ ਹੋਣ ਲੱਗੇ ਇਕਜੁੱਟ, ਜਾਣੋ
23ਸਤੰਬਰ 2023: ਕੈਨੇਡਾ ਵਿੱਚ ਅੱਤਵਾਦੀ ਸੰਗਠਨਾਂ ਨੇ ਇੱਕਜੁੱਟ ਹੋਣਾ ਸ਼ੁਰੂ ਕਰ ਦਿੱਤਾ ਹੈ। ਖਾਲਿਸਤਾਨੀ ਅਤੇ ਇਸਲਾਮਿਕ ਅੱਤਵਾਦੀ ਸੰਗਠਨ ਕੈਨੇਡੀਅਨ ਸਰਕਾਰ ਦੇ ਕਹਿਣ ‘ਤੇ ਇਕੱਠੇ ਹੋ ਰਹੇ ਹਨ। ਕਸ਼ਮੀਰ ਅਤੇ ਅਫਗਾਨਿਸਤਾਨ ਵਿੱਚ ਸਰਗਰਮ ਪਾਕਿਸਤਾਨ ਪੱਖੀ ਅੱਤਵਾਦੀ ਸੰਗਠਨਾਂ ਨੇ ਪਾਬੰਦੀਸ਼ੁਦਾ ਸਿੱਖ ਫਾਰ ਜਸਟਿਸ (SFJ) ਦੇ ਮੁਖੀ ਗੁਰਪਤਵੰਤ ਸਿੰਘ ਪੰਨੂ ਨਾਲ ਹੱਥ ਮਿਲਾਇਆ ਹੈ। ਪੰਨੂ ਵੱਲੋਂ ਕੈਨੇਡਾ ‘ਚ ਰਹਿ ਰਹੇ ਹਿੰਦੂਆਂ ਨੂੰ ਦੇਸ਼ ਛੱਡਣ ਦੀ ਧਮਕੀ ਦੇਣ ਤੋਂ ਬਾਅਦ ਇਸਲਾਮਿਕ ਅੱਤਵਾਦੀ ਖਾਲਿਸਤਾਨੀਆਂ ਦੇ ਨੇੜੇ ਹੋਣ ਲੱਗੇ ਹਨ। ਅਜਿਹੇ ਵਿੱਚ ਹਿੰਦੂਆਂ ਅਤੇ ਹੋਰ ਭਾਰਤੀਆਂ ਲਈ ਖ਼ਤਰਾ ਵੱਧ ਗਿਆ ਹੈ। ਇਹ ਵੀ ਪਤਾ ਲੱਗਾ ਹੈ ਕਿ ਕੈਨੇਡਾ ਦੀ ਸਰਕਾਰ ਨੇ ਪਾਕਿਸਤਾਨ ਵਿਚ ਆਜ਼ਾਦੀ ਲਈ ਮੁਹਿੰਮ ਚਲਾ ਰਹੇ ਬਲੋਚ ਨੇਤਾ ਦੇ ਕਤਲ ਨੂੰ ਖੁਦਕੁਸ਼ੀ ਦੱਸ ਕੇ ਇਸ ‘ਤੇ ਪਰਦਾ ਪਾ ਦਿੱਤਾ ਹੈ।
ਅੱਤਵਾਦੀ ਸੰਗਠਨਾਂ ਨੇ ਪੰਨੂ ਨਾਲ ਹੱਥ ਮਿਲਾ ਲਿਆ
ਭਾਰਤ ਦੇ ਅਕਸ ਨੂੰ ਖਰਾਬ ਕਰਨ ਲਈ ਪੰਨੂ ਨੇ ਜੀ-20 ਦੌਰਾਨ ਕਸ਼ਮੀਰ ‘ਚ ਸਰਗਰਮ ਪਾਕਿਸਤਾਨੀ ਅੱਤਵਾਦੀ ਸੰਗਠਨਾਂ ਨੂੰ ਦਿੱਲੀ ‘ਚ ਆਪਣੀਆਂ ਗਤੀਵਿਧੀਆਂ ਵਧਾਉਣ ਲਈ ਕਿਹਾ ਸੀ। ਹੁਣ ਕੈਨੇਡੀਅਨ ਸਰਕਾਰ ਦੇ ਉਕਸਾਉਣ ‘ਤੇ ਉਹੀ ਪਾਕਿਸਤਾਨੀ ਅੱਤਵਾਦੀ ਸੰਗਠਨ ਪੰਨੂ ਨਾਲ ਮਿਲ ਕੇ ਖਾਲਿਸਤਾਨ ਦੀ ਆੜ ‘ਚ ਕੈਨੇਡਾ ‘ਚ ਵਸੇ ਹਿੰਦੂਆਂ ਅਤੇ ਹੋਰ ਭਾਰਤੀਆਂ ਨੂੰ ਨਿਸ਼ਾਨਾ ਬਣਾਉਣ ਦੀ ਤਿਆਰੀ ਕਰ ਰਹੇ ਹਨ।
ਜਾਣਕਾਰੀ ਮੁਤਾਬਕ ਕਸ਼ਮੀਰ ‘ਚ ਸਰਗਰਮ ਆਈ.ਐੱਸ.ਆਈ. ਸਪਾਂਸਰਡ ਅੱਤਵਾਦੀ ਸੰਗਠਨਾਂ ਦੇ ਜ਼ਿਆਦਾਤਰ ਮੁਖੀ ਪਾਕਿਸਤਾਨ ਤੋਂ ਬਾਹਰ ਯੂਰਪ ਅਤੇ ਕੈਨੇਡਾ ‘ਚ ਲੁਕੇ ਹੋਏ ਹਨ ਤਾਂ ਜੋ ਪਾਕਿਸਤਾਨ ਦਾ ਅਕਸ ਸਾਫ ਰੱਖਿਆ ਜਾ ਸਕੇ। ਪਤਾ ਲੱਗਾ ਹੈ ਕਿ ਇਸਲਾਮਿਕ ਸਟੇਟ ਖੁਰਾਸਾਨ ਪਿਛਲੇ ਸਾਲ ਤੱਕ ਅਫਗਾਨਿਸਤਾਨ ਵਿੱਚ ਸਰਗਰਮ ਰਿਹਾ। ਇਸ ਤੋਂ ਇਲਾਵਾ ਜੈਸ਼ ਅਤੇ ਅਲ-ਕਾਇਦਾ ਨਾਲ ਜੁੜੇ ਅੱਤਵਾਦੀਆਂ ਨੇ ਪੰਨੂ ਨਾਲ ਸੰਪਰਕ ਕਰਕੇ ਤਾਲਮੇਲ ਸਥਾਪਤ ਕੀਤਾ ਹੈ।
