ਕੋਰੋਨਾ ਨੇ ਮੱਲਿਆ ਮਾਲਵੇ ਦਾ ਰਾਹ ,ਮੋਗਾ ਤੇ ਮੁਕਤਸਰ ‘ਚ ਕੋਰੋਨਾ ਬਲਾਸਟ

19 ਅਗਸਤ : ਦੁਆਬੇ ਤੋਂ ਹੁੰਦਾ ਹੋਇਆ ਕੋਰੋਨਾ ਹੁਣ ਮਾਲਵੇ ਦੇ ਇਲਾਕਿਆਂ ਵਿੱਚ ਵੀ ਤੇਜ਼ੀ ਨਾਲ ਫੈਲ ਰਿਹਾ ਹੈ। ਲੁਧਿਆਣਾ ਦੇ ਇਲਾਕੇ ਵਿੱਚ ਤਾਂ ਇਹ ਕਹਿਰ ਜਾਰੀ ਸੀ ਪਰ ਹੁਣ ਮੋਗਾ ਅਤੇ ਮੁਕਤਸਰ ਦੇ ਰਾਹ ਵੱਲ ਕੋਰੋਨਾ ਨੇ ਪੈਰ ਪਾ ਲਏ ਹਨ। ਮੋਗਾ ਵਿੱਚ ਅੱਜ ਵੱਡੀ ਗਿਣਤੀ ਯਾਨੀ 69 ਕੋਰੋਨਾ ਕੇਸਾਂ ਦੀ ਪੁਸ਼ਟੀ ਹੋਈ ਹੈ। ਇਹ ਅੰਕੜਾ ਬਹੁਤ ਜਿਆਦਾ ਹੈ ਜਿਸ ਤੋਂ ਬਾਅਦ ਭਿਆਨਕ ਹਾਲਾਤ ਬਣ ਸਕਦੇ ਹਨ ਅਤੇ ਕਰਫਿਊ ਲੱਗ ਸਕਦਾ ਹੈ।ਮੋਗਾ ਵਿੱਚ ਕੁੱਲ 965 ਕੇਸ ਹਨ ਜਿੰਨਾ ਵਿੱਚੋਂ 404 ਕੇਸ ਐਕਟਿਵ,550 ਰਿਕਵਰ ਅਤੇ 11 ਮੌਤਾਂ ਹੋ ਚੁੱਕੀਆਂ ਹੈ।  

ਜੇ ਗੱਲ ਮੁਕਤਸਰ ਜਿਲ੍ਹੇ ਦੀ ਕੀਤੀ ਜਾਵੇ ਤਾਂ ਮੁਕਤਸਰ ਵਿੱਚ ਵੀ ਹਾਲਾਤ ਸਾਜਗਾਰ ਨਹੀਂ ਹਨ,ਮੁਕਤਸਰ ਵਿੱਚ ਵੀ ਅੱਜ ਕੋਰੋਨਾ ਬਲਾਸਟ ਹੋਇਆ ਹੈ,ਜਿੱਥੇ 45 ਹੋਰ ਨਵੇਂ ਮਾਮਲੇ ਸਾਹਮਣੇ ਆਏ ਹਨ। ਮੁਕਤਸਰ ਵਿੱਚ ਵੀ ਖਤਰੇ ਦੀ ਘੰਟੀ ਵੱਜ ਚੁੱਕੀ ਹੈ। 

ਜੇ ਮਾਲਵੇ ਵਿੱਚ ਸਾਵਧਾਨੀਆਂ ਨਾ ਵਰਤੀਆਂ ਤਾਂ ਇਹ ਗਿਣਤੀ ਲਗਾਤਾਰ ਵੱਧਦੀ ਹੀ ਰਹੇਗੀ।