ਅੰਮ੍ਰਿਤਸਰ ਤੋਂ ਰਾਹਤ ਦੀ ਖ਼ਬਰ, ਇੱਕ ਹੋਰ ਕੋਰੋਨਾ ਮਰੀਜ਼ ਹੋਇਆ ਠੀਕ

ਅੰਮ੍ਰਿਤਸਰ, 26 ਅਪ੍ਰੈਲ (ਮਲਕੀਤ ਸਿੰਘ): ਪੰਜਾਬ ਚ ਜਿਥੇ ਕੋਰੋਨਾ ਦਾ ਕਹਿਰ ਵੱਧ ਰਿਹਾ ਹੈ ਉਥੇ ਹੀ ਇਸਤੋਂ ਠੀਕ ਹੋਣ ਵਾਲੇ ਮਰੀਜ਼ਾਂ ਦੀ ਗਿਣਤੀ ਚ ਵੀ ਵਾਧਾ ਹੋ ਰਿਹਾ ਹੈ ਜੋ ਕਿ ਇੱਕ ਬਹੁਤ ਵਧੀਆ ਖ਼ਬਰ ਹੈ। ਦੱਸ ਦਈਏ ਅਮ੍ਰਿਤਸਰ ਵਿੱਚ ਇੱਕ ਹੋਰ ਕੋਰੋਨਾ ਦੇ ਮਰਿਜ਼ ਨੇ ਕੋਰੋਨਾ ਤੋਂ ਜੰਗ ਜਿੱਤ ਲਈ ਹੈ। ਇਹ ਔਰਤ ਕ੍ਰਿਸ਼ਨਾ ਨਗਰ ਦੀ ਰਹਿਣ ਵਾਲੀ ਹੈ ਜਿਸਦਾ ਨਾਂਅ ਪਰਮਜਿਤ ਕੌਰ ਹੈ ਅਤੇ ਇਸਦਾ ਪਤੀ ਪਿੱਛਲੇ ਹਫਤੇ ਹੀ ਕੋਰੋਨਾ ਤੋਂ ਜੰਗ ਜਿੱਤ ਹਸਪਤਾਲ ਤੋਂ ਘਰ ਪਰਤਿਆ ਸੀ ਹੁਣ ਇਸਦੀ ਪਤਨੀ ਵੀ ਕੋਰੋਨਾ ਮੁਕਤ ਹੋ ਚੁੱਕੀ ਹੈ। ਹੁਣ ਅੰਮ੍ਰਿਤਸਰ ਚ ਕੋਰੋਨਾ ਦੇ 6 ਮਰੀਜ਼ ਮੌਜੂਦ ਹਨ ਜਿਨ੍ਹਾਂ ਵਿੱਚੋਂ 5 ਮਰੀਜ਼ ਗੁਰੂ ਨਾਨਕ ਹਸਪਤਾਲ ਵਿਚ ਹਨ ਅਤੇ 1 ਮਰੀਜ਼ ਅੰਮ੍ਰਿਤਸਰ ਦੇ ਫੋਰਟਿਸ ਹਸਪਤਾਲ ਚ ਭਰਤੀ ਹੈ।