ਕੋਵਿਡ-19, ਸੋਹਣੇ ਸ਼ਹਿਰ ਨੂੰ ਹਾਟ ਸਪਾਟ ਐਲਾਨਿਆ , ਸਲਾਹਕਾਰ ਨੇ ਕੀਤਾ ਟਵੀਟ

ਚੰਡੀਗੜ੍ਹ , 15 ਅਪ੍ਰੈਲ , ( ਬਲਜੀਤ ਮਰਵਾਹਾ ) ਕੋਵਿਡ -19 ਨੂੰ ਲੈ ਕੇ ਸੋਹਣੇ ਸ਼ਹਿਰ ਚੰਡੀਗੜ੍ਹ ਨੂੰ ਹਾਟ ਸਪਾਟ ਐਲਾਨ ਦਿੱਤਾ ਗਿਆ ਹੈ । ਇਸ ਦੀ ਪੁਸ਼ਟੀ ਅੱਜ ਸ਼ਾਮੀ ਖੁੱਦ ਚੰਡੀਗੜ੍ਹ ਦੇ ਪ੍ਰਸ਼ਾਸ਼ਕ ਦੇ ਸਲਾਹਕਾਰ ਮਨੋਜ ਪਰਿਦਾ ਨੇ ਟਵੀਟ ਕਰਕੇ ਕੀਤੀ। ਉਹਨਾਂ ਟਵੀਟ ਵਿੱਚ ਲਿਖਿਆ ਕਿ ਕੇਂਦਰ ਵੱਲੋ ਅਜਿਹਾ ਤੈਅ ਕੀਤੇ ਗਏ ਪੈਮਾਨੇ ਦੇ ਤਹਿਤ ਕੀਤਾ ਗਿਆ ਹੈ । ਅਜਿਹਾ ਹੋਣ ਨਾਲ ਚੰਡੀਗੜ੍ਹ ਮੁਲਕ ਦੇ ਲਾਲ ਘੇਰੇ ( ਖ਼ਤਰੇ ) ਵਿੱਚ ਆ ਚੁੱਕੇ 170 ਜ਼ਿਲਿਆਂ ਵਿੱਚ ਸ਼ਾਮਲ ਹੋ ਗਿਆ ਹੈ ।
ਦੱਸਣ ਯੋਗ ਹੈ ਕਿ ਅਜੇ ਤੱਕ ਇੱਥੇ ਕੋਰੋਨਾ ਦੇ ਡੇਢ ਦਰਜਨ ਮਾਮਲੇ ਸਾਹਮਣੇ ਆ ਚੁੱਕੇ ਹਨ। ਕੁਝ ਸਮਾਂ ਪਹਿਲਾਂ ਚੰਡੀਗੜ੍ਹ ਦੇ ਪ੍ਰਸ਼ਾਸ਼ਕ ਅਤੇ ਪੰਜਾਬ ਦੇ ਰਾਜਪਾਲ ਵੀ ਪੀ ਸਿੰਘ ਬਦਨੋਰ ਵੱਲੋ ਦੱਸਿਆ ਗਿਆ ਸੀ ਕਿ ਕੋਰੋਨਾ ਵਾਇਰਸ ਫੈਲਣ ਦੇ ਸਮੇਂ ਦੌਰਾਨ ਇਸ ਸ਼ਹਿਰ ਵਿੱਚ 4500 ਦੇ ਕਰੀਬ ਐੱਨ ਆਰ ਆਈ ਆਏ ਸਨ। ਜੋ ਕਿ ਪੰਜਾਬ ਆਏ 94 ਹਜ਼ਾਰ ਲੋਕਾਂ ਵਿੱਚੋ ਸਨ।