Punjab
ਬਾਬਾ ਨਾਮਦੇਵ ਕਲੋਨੀ ‘ਚ ਪਰਿਵਾਰ ਤੇ ਮੁਹੱਲੇ ਤੇ ਹਮਲਾ ਕੀਤਾ ਗਿਆ
28 ਜਨਵਰੀ 2024: ਲੁਧਿਆਣਾ ਦੇ ਪੁਲਿਸ ਥਾਣਾ ਟਿੱਬਾ ਅਧੀਨ ਆਉਂਦੀ ਬਾਬਾ ਨਾਮਦੇਵ ਕਲੋਨੀ ਵਿੱਚ ਕੁਝ ਬਦਮਾਸ਼ ਵਿਅਕਤੀਆਂ ਵੱਲੋਂ ਪਰਿਵਾਰ ਸਣੇ ਮਹੱਲੇ ਦੇ ਕੁਝ ਲੋਕਾਂ ਉੱਪਰ ਹਮਲਾ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੀੜਤਾਂ ਦਾ ਆਰੋਪ ਹੈ ਕਿ ਆਰੋਪੀ ਨਸ਼ੇ ਤੋਂ ਸਨ ਅਤੇ ਉਹਨਾਂ ਨੇ ਇੱਟਾਂ ਨਾਲ ਹਮਲਾ ਕੀਤਾ। ਇਥੋਂ ਤੱਕ ਕਿ ਪੁਲਿਸ ਨੂੰ ਵੀ ਆਰੋਪੀਆਂ ਤੇ ਨੱਥ ਪਾਉਣ ਲਈ ਵੱਧ ਫੋਰਸ ਮੰਗਾਣੀ ਪਈ।
ਸਿਵਲ ਹਸਪਤਾਲ ਵਿਚ ਮੈਡੀਕਲ ਕਰਵਾਉਣ ਪਹੁੰਚੇ ਪੀੜਤਾਂ ਦਾ ਆਰੋਪ ਸੀ ਕਿ ਆਰੋਪੀ ਸਾਬੀ ਅਤੇ ਉਸਦੇ ਸਾਥੀ ਆਏ ਦਿਨ ਗਲੀ ਵਿੱਚ ਹੰਗਾਮਾ ਕਰਦੇ ਹਨ, ਜਿਸ ਕਰਕੇ ਲੋਕਾਂ ਦਾ ਜੀਣਾ ਮੁਸ਼ਕਿਲ ਹੋ ਚੁੱਕਾ ਹੈ। ਅੱਜ ਵੀ ਸ਼ਰਾਬ ਦੇ ਨਸ਼ੇ ਵਿੱਚ ਧੁੱਤ ਆਰੋਪੀਆਂ ਨੇ ਇਕ ਘਰ ਵਿੱਚ ਰਹਿਣ ਵਾਲੇ ਲੋਕਾਂ ਉੱਪਰ ਹਮਲਾ ਕਰ ਦਿੱਤਾ ਅਤੇ ਇੱਟਾਂ ਮਾਰਨੀਆਂ ਸ਼ੁਰੂ ਕਰ ਦਿੱਤੀਆਂ। ਜਦੋਂ ਮੁਹੱਲੇ ਵਾਲਿਆਂ ਨੇ ਰੋਕਣ ਦੀ ਕੋਸ਼ਿਸ਼ ਕੀਤੀ ਤਾਂ ਉਹਨਾਂ ਨੂੰ ਵੀ ਨਿਸ਼ਾਨਾ ਬਣਾਇਆ। ਇਥੋਂ ਤੱਕ ਕਿ ਕੁਝ ਨੌਜਵਾਨਾਂ ਨੂੰ ਘਰ ਵਿੱਚ ਅੰਦਰ ਘਸੀਟ ਕੇ ਕੁੱਟਿਆ ਜਿਨਾਂ ਨੇ ਬੜੀ ਮੁਸ਼ਕਿਲ ਨਾਲ ਆਪਣੀ ਜਾਨ ਬਚਾਈ। ਲੋਕਾਂ ਦਾ ਆਰੋਪ ਸੀ ਕਿ ਮੌਕੇ ਤੇ ਪਹੁੰਚੀ ਪੁਲਿਸ ਨੂੰ ਵੀ ਆਰੋਪੀਆ ਆਰੋਪੀਆਂ ਨੂੰ ਰੋਕਣ ਵਾਸਤੇ ਵਾਧੂ ਫੋਰਸ ਮੰਗਾਉਣੀ ਪਈ। ਆਰੋਪੀਆਂ ਨੇ ਉਹਨਾਂ ਉੱਪਰ ਇਸ ਕਰਕੇ ਹਮਲਾ ਕੀਤਾ ਕਿਉਂਕਿ ਉਹ ਇਹਨਾਂ ਲੋਕਾਂ ਦੀਆਂ ਗਲਤ ਤਖਤਾਂ ਦਾ ਵਿਰੋਧ ਕਰਦੇ ਹਨ।
ਜਦ ਕਿ ਜਾਂਚ ਅਫਸਰ ਦਾ ਕਹਿਣਾ ਸੀ ਕਿ ਪੀੜਤਾਂ ਦਾ ਮੈਡੀਕਲ ਕਰਵਾਇਆ ਗਿਆ ਹੈ। ਦੂਜਾ ਪੱਖ ਵੀ ਹਸਪਤਾਲ ਵਿੱਚ ਆਪਣਾ ਮੈਡੀਕਲ ਕਰਵਾ ਕੇ ਗਿਆ ਹੈ। ਜਾਂਚ ਦੌਰਾਨ ਬਣਦੀ ਕਾਰਵਾਈ ਕੀਤੀ ਜਾਵੇਗੀ।
