ਗੁਰਪ੍ਰੀਤ ਨੇ ਕੋਰੋਨਾ ਤੋਂ ਜਿੱਤੀ ਜੰਗ, ਡਾਕਟਰਾਂ ਨੇ ਤਾੜੀਆਂ ਨਾਲ ਘਰ ਲਈ ਕੀਤਾ ਰਵਾਨਾ

ਪਟਿਆਲਾ, 15 ਅਪ੍ਰੈਲ (ਇੰਦਰ ਸਬਰਵਾਲ): ਕੋਰੋਨਾ ਵਾਇਰਸ ਨੂੰ ਹਰਾ ਕੇ ਪਟਿਆਲਾ ਦੇ ਪਹਿਲੇ ਕੋਰੋਨਾ ਪਾਜ਼ੀਟਿਵ ਮਰੀਜ ਨੇ ਜ਼ਿੰਦਗੀ ਦੀ ਜੰਗ ਜਿੱਤ ਲਈ ਹੈ। ਦੱਸ ਦਈਏ ਕਿ ਮੁੱਖ ਮੰਤਰੀ ਦੇ ਸ਼ਹਿਰ ਪਟਿਆਲਾ ਦੇ ਕੋਰੋਨਾ ਮਰੀਜ਼ ਗੁਰਪ੍ਰੀਤ ਸਿੰਘ ਨੇ ਕੋਰੋਨਾ ਨੂੰ ਹਰਾ ਕੇ ਜੰਗ ਜਿੱਤ ਲਈ ਹੈ। ਠੀਕ ਹੋਣ ਮਗਰੋਂ ਜਦੋਂ ਇਸਨੂੰ ਹਸਪਤਾਲ ਤੋਂ ਛੁੱਟੀ ਮਿਲੀ ਤਾਂ ਰਾਜਿੰਦਰਾ ਹਸਪਤਾਲ ਦੀ ਟੀਮ ਨੇ ਤਾੜੀਆਂ ਨਾਲ ਉਸਦਾ ਹੌਸਲਾ ਵਧਾਇਆ ਤੇ ਘਰ ਭੇਜਿਆ।
ਇਸ ਬਾਰੇ ਗੁਰਪ੍ਰੀਤ ਸਿੰਘ ਨੇ ਕਿਹਾ ਕਿ ਕੋਰੋਨਾ ਤੋਂ ਡਰਨ ਦੀ ਕੋਈ ਜ਼ਰੂਰਤ ਨਹੀਂ ਹੈ, ਜਿਹੜਾ ਵੀ ਇਸ ਦੀ ਪਕੜ ਵਿੱਚ ਹੈ, ਘਬਰਾਉਣ ਦੀ ਜ਼ਰੂਰਤ ਨਹੀਂ, ਬੱਸ ਇਸ ਨਾਲ ਲੜੋ। ਉਸਨੇ ਕਿਹਾ ਜਦੋਂ ਮੈਨੂੰ ਪਟਿਆਲੇ ਦੇ ਰਜਿੰਦਰਾ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਸੀ, ਸ਼ੁਰੂ ਵਿੱਚ ਕੁਝ ਸਮੱਸਿਆਵਾਂ ਆਈਆਂ ਸਨ ਬਾਅਦ ਵਿੱਚ ਸਭ ਕੁਝ ਠੀਕ ਹੋ ਗਿਆ, ਅਤੇ ਹਸਪਤਾਲ ਦੇ ਡਾਕਟਰਾਂ ਨੇ ਮੇਰਾ ਸਹੀ ਇਲਾਜ ਕੀਤੀ। ਉਸਨੇ ਡਾਕਟਰਾਂ ਦਾ ਵੀ ਧਨਵਾਦ ਕੀਤਾ।