ਹਿਮਾਚਲ: HRTC ਵੱਡਾ ਬਦਲਾਅ, ਬੱਸਾਂ ‘ਚ ਫ਼ਰੀ ਲਿਜਾ ਸਕਣਗੇ ਯਾਤਰੀ ਸੇਬਾਂ ਦਾ ਡੱਬਾ

7ਅਕਤੂਬਰ 2023: ਹਿਮਾਚਲ ਰੋਡ ਟਰਾਂਸਪੋਰਟ ਕਾਰਪੋਰੇਸ਼ਨ (HRTC) ਨੇ ਯਾਤਰੀਆਂ ਨੂੰ ਵੱਡੀ ਖੁਸ਼ਖਬਰੀ ਸੁਣਾਈ ਹੈ|ਦੱਸ ਦੇਈਏ ਕਿ ਹੁਣ HRTC ਬੱਸਾਂ ਵਿੱਚ ਸਵਾਰ ਯਾਤਰੀ ਜਾ ਸਫ਼ਰ ਦੌਰਾਨ ਆਪਣੇ ਨਾਲ ਸੇਬਾਂ ਦਾ ਇੱਕ ਵੱਡਾ ਡੱਬਾ ਮੁਫ਼ਤ ਵਿੱਚ ਲੈ ਜਾ ਸਕਣਗੇ। ਯਾਤਰੀਆਂ ਦੀ ਮੰਗ ‘ਤੇ ਟਰਾਂਸਪੋਰਟ ਕਾਰਪੋਰੇਸ਼ਨ ਨੇ ਆਪਣੀ ਸਮਾਨ ਨੀਤੀ ‘ਚ ਸੋਧ ਕਰਕੇ ਯਾਤਰੀਆਂ ਨੂੰ ਵੱਡੇ ਡੱਬੇ ਮੁਫਤ ‘ਚ ਲਿਜਾਣ ਦੀ ਇਜਾਜ਼ਤ ਦੇ ਦਿੱਤੀ ਹੈ। ਇਸ ਤੋਂ ਪਹਿਲਾਂ ਯਾਤਰੀ ਬਿਨਾਂ ਕਿਰਾਏ ਦੇ ਆਪਣੇ ਨਾਲ ਸਿਰਫ਼ ਅੱਧਾ ਡੱਬਾ ਹੀ ਲੈ ਸਕਦੇ ਸਨ।

ਜੇਕਰ ਕੋਈ ਯਾਤਰੀ ਆਪਣੇ ਨਾਲ ਦੋ ਛੋਟੇ ਡੱਬੇ ਲੈ ਕੇ ਜਾ ਰਿਹਾ ਹੈ, ਤਾਂ ਇੱਕ ਮੁਫਤ ਹੋਵੇਗਾ ਅਤੇ ਇੱਕ ਦਾ ਚਾਰਜ ਦੇਣਾ ਹੋਵੇਗਾ। ਜੇਕਰ ਇੱਕ ਵੱਡਾ ਅਤੇ ਇੱਕ ਛੋਟਾ ਡੱਬਾ ਹੈ, ਤਾਂ ਵੱਡਾ ਬਕਸਾ ਮੁਫ਼ਤ ਹੋਵੇਗਾ ਅਤੇ ਛੋਟੇ ਤੋਂ ਚਾਰਜ ਕੀਤਾ ਜਾਵੇਗਾ। ਜੇ ਦੋ ਵੱਡੇ ਡੱਬੇ ਹਨ, ਤਾਂ ਇੱਕ ਮੁਫਤ ਹੋਵੇਗਾ ਅਤੇ ਇੱਕ ਕਿਰਾਏ ‘ਤੇ ਦੇਣਾ ਪਵੇਗਾ। ਜੇ ਕਾਰਪੋਰੇਸ਼ਨ ਦੀ ਬੱਸ ਵਿੱਚ ਬਿਨਾਂ ਸਵਾਰੀ ਤੋਂ ਸੇਬਾਂ ਦਾ ਇੱਕ ਛੋਟਾ ਡੱਬਾ ਭੇਜਣਾ ਹੋਵੇ ਤਾਂ ਇੱਕ ਯਾਤਰੀ ਦਾ ਅੱਧਾ ਕਿਰਾਇਆ, ਵੱਡਾ ਡੱਬਾ ਭੇਜਣਾ ਹੋਵੇ ਤਾਂ ਪੂਰਾ ਕਿਰਾਇਆ ਦੇਣਾ ਪਵੇਗਾ।

HRTC ਨੇ ਡੇਢ ਮਹੀਨੇ ‘ਚ 80 ਲੱਖ ਰੁਪਏ ਕਮਾਏ
ਸਮਾਨ ਨੀਤੀ ਲਾਗੂ ਹੋਣ ਕਾਰਨ HRTC ਦੀ ਕਮਾਈ ਵਧ ਰਹੀ ਹੈ। ਪਿਛਲੇ ਡੇਢ ਮਹੀਨੇ ਵਿੱਚ ਨਿਗਮ ਨੂੰ ਇਸ ਤੋਂ 80 ਲੱਖ ਰੁਪਏ ਦੀ ਆਮਦਨ ਹੋਈ ਹੈ। ਨਿਗਮ ਦੀ ਆਮਦਨ ਡੇਢ ਮਹੀਨੇ ਵਿੱਚ ਕਰੀਬ 25 ਫੀਸਦੀ ਵਧੀ ਹੈ। ਨਿਗਮ ਦੇ ਮੈਨੇਜਿੰਗ ਡਾਇਰੈਕਟਰ ਰੋਹਨਚੰਦ ਠਾਕੁਰ ਨੇ ਕਿਹਾ ਕਿ ਸਾਮਾਨ ਦੀ ਨੀਤੀ ਨਿਗਮ ਲਈ ਲਾਹੇਵੰਦ ਸਾਬਤ ਹੋਈ ਹੈ। ਇਸ ਨਾਲ ਯਾਤਰੀਆਂ ਨੂੰ ਬਿਨਾਂ ਸਫਰ ਕੀਤੇ ਕਾਰਪੋਰੇਸ਼ਨ ਦੀਆਂ ਬੱਸਾਂ ਵਿੱਚ ਆਪਣਾ ਸਮਾਨ ਭੇਜਣ ਦੀ ਸਹੂਲਤ ਦਿੱਤੀ ਗਈ ਹੈ।