ਹਾਕੀ ਵਿਸ਼ਵ ਕੱਪ: ਭਾਰਤੀ ਹਾਕੀ ਟੀਮ ਦੀ ਸਪੇਨ ‘ਤੇ ਸ਼ਾਨਦਾਰ ਜਿੱਤ, 2-0 ਨਾਲ ਦਿੱਤੀ ਮਾਤ

ਬੀਤੇ ਦਿਨ ਹੋਏ ਹਾਕੀ ਵਿਸ਼ਵ ਕੱਪ ਦੇ ਭਾਰਤ- ਸਪੇਨ ਦੇ ਮੈਚ ‘ਚ ਭਾਰਤੀ ਟੀਮ ਨੇ ਜਿੱਤ ਦੇ ਨਾਲ ਆਪਣੀ ਮੁਹਿੰਮ ਦੀ ਧਮਾਕੇਦਾਰ ਸ਼ੁਰੂਆਤ ਕੀਤੀ ਹੈ। ਟੀਮ ਇੰਡੀਆ ਨੂੰ ਬਿਰਸਾ ਮੁੰਡਾ ਸਟੇਡੀਅਮ ‘ਚ ਹੋਏ ਮੈਚ ‘ਚ ਸਪੇਨ ਨੂੰ 2-0 ਨਾਲ ਹਰਾ ਦਿੱਤਾ ਹੈ। ਭਾਰਤੀ ਟੀਮ ਦੀ ਜਿੱਤ ਵਿੱਚ ਅਮਿਤ ਰੋਹੀਦਾਸ ਅਤੇ ਹਾਰਦਿਕ ਸਿੰਘ ਨੇ ਅਹਿਮ ਭੂਮਿਕਾ ਨਿਭਾਈ ਜਿਨ੍ਹਾਂ ਨੇ ਆਪਣੀ ਟੀਮ ਦੇ ਲਈ ਇੱਕ-ਇੱਕ ਗੋਲ ਕੀਤਾ ਹੈ।

ਹੁਣ ਭਾਰਤੀ ਹਾਕੀ ਦੇ ਸ਼ੋਕੀਨ ਲੋਕ ਅਗਲੇ ਮੇਚ ਦੀ ਬੇਸਬਰੀ ਨਾਲ ਉਡੀਕ ਕਰ ਰਹੇ ਹਨ। ਇਥੇ ਇਹ ਦੱਸ ਦੇਈਏ ਭਾਰਤੀ ਟੀਮ ਦੇ ਵੱਲੋਂ ਅਗਲਾ ਮੈਚ 15 ਜਨਵਰੀ ਨੂੰ ਇੰਗਲੈਂਡ ਨਾਲ ਖੇਡਿਆ ਜਾਵੇਗਾ। ਉਥੇ ਹੀ ਅਰਜਨਟੀਨਾ ਅਤੇ ਆਸਟਰੇਲੀਆ ਦੀਆਂ ਟੀਮਾਂ ਵੀ ਆਪਣਾ ਪਹਿਲਾ ਮੈਚ ਜਿੱਤਣ ਵਿੱਚ ਕਾਮਯਾਬ ਰਹੀਆਂ। ਅਰਜਨਟੀਨਾ ਨੇ ਦੱਖਣੀ ਅਫ਼ਰੀਕਾ ਨੂੰ 1-0 ਨਾਲ ਹਰਾਇਆ ਜਦਕਿ ਆਸਟ੍ਰੇਲੀਆ ਨੇ ਫਰਾਂਸ ਨੂੰ 8-0 ਨਾਲ ਹਰਾਇਆ।