ਹੁਸਿ਼ਆਰਪੁਰ : ਹੁਸਿ਼ਆਰਪੁਰ ‘ਚ 2 ਨੌਜਵਾਨਾਂ ਤੇ 1 ਲੜਕੀ ਨੂੰ ਇਤਰਾਜਯੋਗ ਹਾਲਤ ‘ਚ ਕੀਤਾ ਕਾਬੂ

ਹੁਸ਼ਿਆਰਪੁਰ 8 ਦਸੰਬਰ 20223:  ਹੁਸਿ਼ਆਰਪੁਰ ਦੇ ਕਸਬਾ ਮਾਹਿਲਪੁਰ ਜਿੱਥੇ ਕਿ ਬੀਤੇ ਦਿਨ ਮਾਹਿਲਪੁਰ ਦੇ ਵਾਰਡ ਨੰਬਰ 11 ਚ ਮਾਹੌਲ ਉਸ ਵਕਤ ਹੰਗਾਮਾ ਹੋ ਗਿਆ ਜਦੋਂ ਮੁਹੱਲਾ ਵਾਸੀਆਂ ਨੇ ਮੁਹੱਲੇ ਚ ਬੰਦ ਪਈ ਇਕ ਕੋਠੀ ਚ 2 ਨੌਜਵਾਨਾਂ ਤੇ 1 ਲੜਕੀ ਨੂੰ ਇਤਰਾਜਯੋਗ ਹਾਲਤ ਚ ਕਾਬੂ ਕਰ ਲਿਆ ਤੇ ਇਸ ਦੌਰਾਨ ਇਕ ਨੌਜਵਾਨ ਨੂੰ ਤਾਂ ਲੋਕਾਂ ਵਲੋਂ ਕਾਬੂ ਕਰ ਲਿਆ ਗਿਆ ਪਰੰਤੂ ਦੂਜਾ ਨੌਜਵਾਨ ਮੌਕੇ ਤੋਂ ਭੱਜ ਗਿਆ ਜਿਸਨੂੰ ਕਿ ਕੁਝ ਸਮੇਂ ਬਾਅਦ ਹੀ ਸਥਾਨਕ ਲੋਕਾਂ ਵਲੋਂ ਕਾਬੂ ਕਰ ਲਿਆ ਗਿਆ ।

ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਮੁਹੱਲਾ ਵਾਸੀਆਂ ਨੇ ਦੱਸਿਆ ਕਿ ਮੁਹੱਲੇ ਚ ਬਣੀ ਇਹ ਕੋਠੀ ਪਿਛਲੇ ਕਈ ਸਾਲਾਂ ਤੋਂ ਬੰਦ ਪਈ ਹੈ ਤੇ ਇਥੇ ਅਕਸਰ ਮੋਟਰਸਾਈਕਲ ਖੜ੍ਹਦਾ ਹੁੰਦਾ ਸੀ ਜਿਸ ਤੋਂ ਬਾਅਦ ਲੋਕਾਂ ਵਲੋਂ ਇਸ ਤੇ ਨਿਗ੍ਹਾ ਵੀ ਰੱਖੀ ਜਾ ਰਹੀ ਸੀ। ਉਨ੍ਹਾਂ ਦੱਸਿਆ ਕਿ ਅੱਜ ਜਦੋਂ ਕੋਠੀ ਚੋਂ ਆਵਾਜ਼ਾ ਆ ਰਹੀਆਂ ਸੀ ਤਾਂ ਤੁਰੰਤ ਮੁਹੱਲੇ ਦੇ ਲੋਕ ਪਹੁੰਚੇ ਤੇ ਇਸ ਦੌਰਾਨ 2 ਮੁੰਡੇ ਤੇ 1 ਕੁੜੀ ਇਤਰਾਜਯੋਗ ਹਾਲਤ ਚ ਮਿਲੇ ਜਿਸ ਤੋਂ ਤੁਰੰਤ ਬਾਅਦ ਥਾਣਾ ਮਾਹਿਲਪੁਰ ਦੀ ਪੁਲਿਸ ਨੂੰ ਸੂਚਿਤ ਕੀਤਾ ਗਿਆ ਤੇ ਪੁਲਿਸ ਵੀ ਮੌਕੇ ਤੇ ਪਹੁੰਚ ਗਈ ਤੇ ਨੌਜਵਾਨ ਨੂੰ ਆਪਣੇ ਨਾਲ ਥਾਣੇ ਲੈ ਗਈ। ਦੂਜੇ ਪਾਸੇ ਮੁਹੱਲੇ ਦੇ ਕੌਂਸਲਰ ਸੀਤਾ ਰਾਮ ਨੇ ਕਿਹਾ ਕਿ ਇਸ ਤਰ੍ਹਾਂ ਦੀ ਘਟਨਾ ਦਾ ਮੁਹੱਲੇ ਚ ਵਾਪਰਨਾ ਬੇਹੱਦ ਚਿੰਤਾਜਨਕ ਅਤੇ ਸ਼ਰਮਸਾਰ ਕਰਨ ਵਾਲੀ ਗੱਲ ਹੈ। ਉਨ੍ਹਾਂ ਕਿਹਾ ਕਿ ਪੁਲਿਸ ਨੂੰ ਅਜਿਹੇ ਅਨਸਰਾਂ ਤੇ ਸਖਤ ਕਾਰਵਾਈ ਕਰਨੀ ਚਾਹੀਦੀ ਹੈ।