ਜਲਾਲਾਬਾਦ : ਚੱਲਦੇ ਮੋਟਰਸਾਈਕਲ ‘ਚ ਹੋਇਆ ਧਮਾਕਾ, ਜ਼ਿੰਦਾ ਸੜਇਆ ਬਾਈਕ ਸਵਾਰ

ਜਲਾਲਾਬਾਦ : ਸ਼ਹਿਰ ਵਿੱਚ ਉਸ ਸਮੇਂ ਹਫੜਾ -ਦਫੜੀ ਮਚ ਗਈ ਜਦੋਂ ਜਲਾਲਾਬਾਦ ਦੇ ਪੀਐਨਬੀ ਬੈਂਕ ਚੌਕ ਵਿੱਚ ਇੱਕ ਚੱਲਦੇ ਮੋਟਰਸਾਈਕਲ ਵਿੱਚ ਧਮਾਕੇ ਕਾਰਨ ਇੱਕ ਨੌਜਵਾਨ ਬੁਰੀ ਤਰ੍ਹਾਂ ਸੜ ਗਿਆ। ਜਾਣਕਾਰੀ ਅਨੁਸਾਰ ਧਮਾਕਾ ਇੰਨਾ ਜ਼ਬਰਦਸਤ ਸੀ ਕਿ ਇਹ ਬੰਬ ਧਮਾਕੇ ਵਰਗਾ ਸੀ। ਮ੍ਰਿਤਕ ਦੀ ਪਛਾਣ ਬਲਵਿੰਦਰ ਸਿੰਘ ਵਜੋਂ ਹੋਈ ਹੈ, ਜੋ ਕਿ ਫਿਰੋਜ਼ਪੁਰ ਦੇ ਪਿੰਡ ਨਿਹੰਗਾ ਵਾਲਾ ਝੁਗੇ ਦਾ ਰਹਿਣ ਵਾਲਾ ਸੀ।

ਜਲਾਲਾਬਾਦ ਪੁਲਿਸ ਦੀ ਮੁੱਢਲੀ ਜਾਂਚ ਵਿੱਚ ਪਾਇਆ ਗਿਆ ਕਿ ਪੈਟ੍ਰੋਲ ਦੀ ਟੈਂਕੀ ‘ਚ ਬਲਾਸਟ ਹੋਇਆ ਹੈ। ਡੀਐਸਪੀ ਪਲਵਿੰਦਰ ਸਿੰਘ ਨੇ ਦੱਸਿਆ ਕਿ ਉਹ ਇੱਥੇ ਆਪਣੇ ਮਾਮੇ ਦੀ ਧੀ ਨੂੰ ਮਿਲਣ ਆਏ ਸਨ। ਇਸ ਦੌਰਾਨ ਅਚਾਨਕ ਅੱਗ ਲੱਗਣ ਕਾਰਨ ਨੌਜਵਾਨ ਨੂੰ ਬਚਾਅ ਦਾ ਮੌਕਾ ਨਹੀਂ ਮਿਲਿਆ ਅਤੇ ਉਹ ਬੁਰੀ ਤਰ੍ਹਾਂ ਝੁਲਸ ਗਿਆ। ਪੁਲਿਸ ਨੇ ਨੌਜਵਾਨ ਨੂੰ ਇਲਾਜ ਲਈ ਫਰੀਦਕੋਟ ਮੈਡੀਕਲ ਕਾਲਜ ਵਿੱਚ ਦਾਖਲ ਕਰਵਾਇਆ ਸੀ, ਜਿੱਥੇ ਉਸਦੀ ਮੌਤ ਹੋ ਗਈ।