Punjab
ਮਜੀਠੀਆ ਨੇ ਸਿੱਧੂ ‘ਤੇ ਕਸੇ ਤੰਜ, ਕਿਹਾ ਮੁਨੀ ਦਾ ਮੁੰਨਾ ਹੁਣ ਬੋਲਣ ਦੇ ਨਾਲ ਨਾਲ ਨੱਚਦਾ ਵੀ ਹੈ
ਤਲਵੰਡੀ : ਜਿੱਥੇ ਪੰਜਾਬ ਦੇ ਹਾਕੀ ਖਿਡਾਰੀ ਸਾਰੇ ਦੇਸ਼ ਦਾ ਅਤੇ ਆਪਣੇ ਪੰਜਾਬ ਦਾ ਨਾਮ ਮੈਡਲ ਜਿੱਤ ਕੇ ਰੌਸ਼ਨ ਕਰ ਰਹੇ ਹਨ । ਓਥੇ ਹੀ ਪੰਜਾਬ ਸਰਕਾਰ ਨੇ ਜੋਂ ਚੋਣਾਂ ਤੋਂ ਪਹਿਲੇ ਆਪਣੇ ਵੱਡੇ-ਵੱਡੇ ਕੀਤੇ ਸਨ ਇਹ ਇਕ ਵਾਰ ਫੇਰ ਝੂਠੇ ਸਾਬਿਤ ਹੋਏ ਜਦੋਂ ਸ਼੍ਰੋਮਣੀ ਅਕਲੀ ਦਲ ਬਾਦਲ ਨੇ ਸਰਕਾਰ ‘ਚ ਨਾ ਹੋਣ ਦੇ ਬਾਵਜੂਦ ਵੀ ਨੌਜਵਾਨਾਂ ਨੂੰ ਖੇਡਾਂ ਵੱਲ ਨੂੰ ਪ੍ਰੇਰਿਤ ਕਰ ਅੱਜ ਹਲਕਾ ਮਜੀਠਾ ਦੇ ਕਰੀਬ 15 ਪਿੰਡਾ ਦੇ ਵੱਖ ਵੱਖ ਖੇਡਾਂ ਦੇ ਖਿਡਾਰੀਆਂ ਨੂੰ ਖੇਡ ਕਿੱਟਾਂ ਵੰਡੀਆਂ।
ਇਸ ਮੌਕੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਪੰਜਾਬ ਸਰਕਾਰ ਪੰਜਾਬ ਦੇ ਲੋਕਾਂ ਨਾਲ ਹਮੇਸ਼ਾ ਹੀ ਝੂਠ ਬੋਲਦੀ ਆ ਰਹੀ ਹੈ ‘ਤੇ ਜਿਹੜੇ ਵੱਡੇ -ਵੱਡੇ ਵਾਦੇ ਉਸਨੇ ਚੋਣਾਂ ਤੋਂ ਪਹਿਲਾਂ ਕੀਤੇ ਸੀ ਉਸ ਤੋਂ ਬਿਲਕੁਲ ਹੀ ਮੁਕਰ ਗਈ ਹੈ । ਇਸਦੇ ਨਾਲ ਹੀ ਮਜੀਠੀਆ ਨੇ ਸਿੱਧੂ ‘ਤੇ ਤੰਜ ਕਸਦਿਆਂ ਕਿਹਾ ਕਿ ਹੁਣ ਮੁੰਨੀ ਦਾ ਮੁੰਨਾ ਬੋਲਣ ਦੇ ਨਾਲ ਨਾਲ ਨੱਚਦਾ ਵੀ ਹੈ । ਉਨ੍ਹਾਂ ਇਹ ਵੀ ਕਿਹਾ ਕਿ ਜੇਕਰ ਪੰਜਾਬ ਸਰਕਾਰ ਖੇਡਾਂ ਅਤੇ ਖਿਡਾਰੀਆਂ ਪ੍ਰਤੀ ਇਮਾਨਦਾਰ ਹੁੰਦੀ ਤਾਂ ਪੰਜਾਬ ਦੀ ਨੁਹਾਰ ਬਦਲੀ ਹੁੰਦੀ ਪੰਜਾਬ ਚ ਖੇਡਾਂ ਵਾਸਤੇ ਸਟੇਡੀਅਮ ਬਣੇ ਹੁੰਦੇ ਉਨ੍ਹਾਂ ਇਹ ਵੀ ਕਿਹਾ ਕਿ ਜਿਹੜੇ ਵੀ ਇਸ ਵੱਕਤ ਪੰਜਾਬ ‘ਚ ਇੰਟਰਨੈਸ਼ਨਲ ਸਟੇਡੀਅਮ ਬਣੇ ਹਨ ਉਹ ਸਰਦਾਰ ਪਰਕਾਸ਼ ਸਿੰਘ ਬਾਦਲ ਜੀ ਦੀ ਸਰਕਾਰ ‘ਚ ਬਣੇ ਹਨ ਤੇ ਉਸ ਪ੍ਰੇਰਨਾ ਤਹਿਤ ਅੱਜ ਖਿਡਾਰੀਆਂ ਨੂੰ ਕਿੱਟਾਂ ਵੰਡੀਆਂ ਗਈਆਂ ਹਨ ਤੇ ਅੱਗੇ ਵੀ ਖਿਡਾਰੀਆਂ ਨੂੰ ਸ੍ਰੋਮਣੀ ਅਕਾਲੀ ਦਲ ਪ੍ਰੇਰਿਤ ਕਰਦਾ ਰਹੇਗਾ,ਇਸ ਮੌਕੇ ਪਿੰਡ ਵਾਸੀਆਂ ਨੇ ਸ਼੍ਰੋਮਣੀ ਅਕਾਲੀ ਦਲ ਅਤੇ ਬਿਕਰਮ ਮਜੀਠਿਆ ਦਾ ਧੰਨਵਾਦ ਵੀ ਕੀਤਾ।
