ਸਰ੍ਹੋਂ ਦਾ ਤੇਲ ਹੋਇਆ ਸਸਤਾ, ਡਿੱਗੀਆਂ ਸਾਰੀਆਂ ਦੀਆਂ ਕੀਮਤਾਂ

ਵੱਧ ਰਹੀਆਂ ਕੀਮਤਾਂ ਨੇ ਆਮ ਆਦਮੀ ਦੀਆਂ ਮੁਸ਼ਕਲਾ ਨੂੰ ਵੱਧਾ ਦਿੱਤਾ ਸੀ। ਇਸ ਲਈ ਹੁਣ ਕੀਮਤਾਂ ਦੇ ਡਿੱਗਣ ਨਾਲ ਆਮ ਆਦਮੀ ਨੂੰ ਰਾਹਤ ਮਿਲੀ ਹੈ। ਵਿਦੇਸ਼ੀ ਬਾਜ਼ਾਰਾਂ ‘ਚ ਗਿਰਾਵਟ ਆਉਣ ਤੋਂ ਬਾਅਦ ਤੇਲ ਦੀਆਂ ਕੀਮਤਾਂ ਵੀ ਘਟੀਆਂ ਹਨ ਯਾਨੀ ਖ਼ੁਰਾਕੀ ਤੇਲ ਪਹਿਲਾਂ ਦੇ ਮੁਕਾਬਲੇ ਸਸਤਾ ਹੋ ਗਿਆ ਹੈ। ਦਿੱਲੀ ਦੇ ਦਾਲਾਂ ਵਾਲੇ ਬਾਜ਼ਾਰ ‘ਚ ਬੀਤੇ ਹਫ਼ਤੇ ਸੋਇਆਬੀਨ, ਮੂੰਗਫਲੀ, ਬਿਨੌਲਾ ਤੇ ਪਾਮੋਲੀਨ ਕਾਂਡਲਾ ਤੇਲ ਕੀਮਤਾਂ ‘ਚ ਗਿਰਾਵਟ ਰਹੀ ਹੈ। ਜਦਕਿ ਸਥਾਨਕ ਮੰਗ ਵਧਣ ਤੇ ਡੀਓਸੀ ਦੀ ਬਰਾਮਦ ਮੰਗ ਵਧਣ ਕਾਰਨ ਤੇਲ ਦੇ ਭਾਅ ਲਾਭ ਦਰਸਾਉਂਦੇ ਬੰਦ ਹੋਏ। ਸਰ੍ਹੋਂ ਦੀ ਮੰਗ ਦੇ ਮੁਕਾਬਲੇ ਬਾਜ਼ਾਰ ‘ਚ ਆਵਕ ਘੱਟ ਹੈ ਤੇ ਕਿਸਾਨ ਰੁਕ-ਰੁਕ ਕੇ ਮਾਲ ਬਣਾ ਰਹੇ ਹਨ। ਇਨ੍ਹਾਂ ਹਾਲਾਤ ਦੇ ਬਾਵਜੂਦ ਪਿਛਲੇ ਹਫ਼ਤੇ ਦੀ ਸਮੀਖਿਆ ਦੌਰਾਨ ਸਰ੍ਹੋਂ ਦੇ ਤੇਲ ਤੇ ਬਾਕੀ ਤੇਲਾਂ ਦੀਆਂ ਕੀਮਤਾਂ ‘ਚ ਸੁਧਾਰ ਦੇਖਿਆ ਗਿਆ। ਮੌਜੂਦਾ ਸੈਸ਼ਨ ਵਿਚ ਸਰ੍ਹੋਂ ਕਿਸਾਨਾਂ ਨੂੰ ਜਿਹੜੇ ਭਾਅ ਮਿਲੀ ਹੈ, ਉਸ ਨਾਲ ਆਗਾਮੀ ਫ਼ਸਲ ਵਧੀਆ ਹੋਣ ਦੀ ਸੰਭਾਵਨਾ ਹੈ। ਮਾਹਿਰਾਂ ਦਾ ਮੰਨਣਾ ਹੈ ਕਿ ਕਿਸਾਨ ਕਣਕ ਦੀ ਜਗ੍ਹਾ ਸਰ੍ਹੋਂ ਦੀ ਜ਼ਿਆਦਾ ਬੁਆਈ ਕਰ ਸਕਦੇ ਹਨ। ਮਾਰਚ, ਅਪ੍ਰੈਲ ਤੇ ਮਈ ਮਹੀਨਿਆਂ ਦੌਰਾਨ ਦਰਾਮਦ ਤੇਲਾਂ ਦੇ ਮੁਕਾਬਲੇ ਸਸਤਾ ਹੋਣ ਦੀ ਵਜ੍ਹਾ ਨਾਲ ਸਰ੍ਹੋਂ ਦੀ ਖਪਤ ਵਧੀ ਹੈ। ਸਰ੍ਹੋਂ ਤੋਂ ਰਿਫਾਈਂਡ ਬਣਾਉਣ ਕਾਰਨ ਵੀ ਸਰ੍ਹੋਂ ਦੀ ਕਮੀ ਆਈ। ਖ਼ੁਰਾਕ ਰੈਗੂਲੇਟਰੀ FASSAI ਵੱਲੋਂ 8 ਜੂਨ ਤੋਂ ਸਰ੍ਹੋਂ ‘ਚ ਕਿਸੇ ਹੋਰ ਤੇਲ ਦੀ ਮਿਲਾਵਟ ‘ਤੇ ਰੋਕ ਲਾਉਣ ਨਾਲ ਵੀ ਖਪਤਕਾਰਾਂ ‘ਚ ਸ਼ੁੱਧ ਸਰ੍ਹੋਂ ਦੇ ਤੇਲ ਦੀ ਮੰਗ ਵਧੀ ਹੈ।

ਪਿਛਲੇ ਹਫ਼ਤੇ ਸਰ੍ਹੋਂ ਦੇ ਦਾਣੇ ਦਾ ਭਾਅ 150 ਰੁਪਏ ਦੇ ਲਾਭ ਨਾਲ 7,275-7,325 ਰੁਪਏ ਪ੍ਰਤੀ ਕੁਇੰਟਲ ਹੋ ਗਿਆ ਜੋ ਪਿਛਲੇ ਹਫ਼ਤੇ 7,125-7,175 ਰੁਪਏ ਪ੍ਰਤੀ ਕੁਇੰਟਲ ਸੀ। ਸਰ੍ਹੋਂ ਦਾਦਰੀ ਤੇਲ ਦਾ ਭਾਅ ਵੀ 150 ਰੁਪਏ ਵੱਧ ਕੇ 14,250 ਰੁਪਏ ਪ੍ਰਤੀ ਕੁਇੰਟਲ ਹੋ ਗਿਆ। ਸਰ੍ਹੋਂ ਪੱਕੀ ਘਾਨੀ ਤੇ ਕੱਚੀ ਘਾਨੀ ਟਿਨਾਂ ਦੇ ਭਾਅ ਵੀ ਹਫ਼ਤਾਵਾਰੀ ਸਮੀਖਿਆ ‘ਚ 25-25 ਰੁਪਏ ਦੇ ਲਾਭ ਨਾਲ 2,300-2,350 ਰੁਪਏ ਤੇ 2,400-2,500 ਰੁਪਏ ਪ੍ਰਤੀ ਟਿਨ ‘ਤੇ ਬੰਦ ਹੋਏ। ਸੋਇਆਬੀਨ ਤੇਲ ਰਹਿਤ ਖਲ਼ ਦੀ ਭਾਰੀ ਸਥਾਨਕ ਤੇ ਬਰਾਮਦ ਮੰਗ ਕਾਰਨ ਸੋਇਆਬੀਣ ਤਾਣਾ ਤੇ ਲੂਜ਼ ਦੇ ਭਾਅ ਲੜੀਵਾਰ 300 ਰੁਪਏ ਤੇ 250 ਰੁਪਏ ਦੇ ਲਾਭ ਨਾਲ ਲੜੀਵਾਰ 7,450-7,500 ਤੇ 7,350-7,400 ਰੁਪਏ ਪ੍ਰਤੀ ਕੁਇੰਟਲ ‘ਤੇ ਬੰਦ ਹੋਏ। ਇਸ ਤੋਂ ਇਲਾਵਾ ਵਿਦੇਸ਼ਾਂ ਵਿਚ ਮੰਗ ਦੀ ਘਾਟ ਨਾਲ ਤੇਲ ਦੀਆਂ ਕੀਮਤਾਂ ‘ਚ ਭਾਰੀ ਗਿਰਾਵਟ ਕਾਰਨ ਹਫ਼ਤਾਵਾਰੀ ਸਮੀਖਿਆ ‘ਚ ਸੋਇਆਬੀਨ ਦਿੱਲੀ, ਸੋਇਆਬੀਨ ਇੰਦੌਰ ਤੇ ਸੋਇਆਬੀਨ ਡੀਗਮ ਦੇ ਭਾਅ ਲੜੀਵਾਰ 250 ਰੁਪਏ, 250 ਰੁਪਏ ਤੇ 50 ਰੁਪਏ ਦੀ ਗਿਰਾਵਟ ਨਾਲ ਲੜੀਵਾਰ 13,400 ਰੁਪਏ, 13,300 ਰੁਪਏ ਤੇ 12,200 ਰੁਪਏ ਪ੍ਰਤੀ ਕੁਇੰਟਲ ‘ਤੇ ਬੰਦ ਹੋਏ।