ਪਾਕਿ ਤਸਕਰਾਂ ਨੇ ਸੁੱਟੀ ਢਾਈ ਕਿੱਲੋ ਹੈਰੋਇਨ

ਫ਼ਿਰੋਜ਼ਪੁਰ 17ਸਤੰਬਰ 2023:  ਪਾਕਿਸਤਾਨੀ ਸਮੱਗਲਰਾਂ ਨੇ ਇੱਕ ਵਾਰ ਫਿਰ ਡਰੋਨ ਦੀ ਵਰਤੋਂ ਕਰਕੇ ਭਾਰਤੀ ਸਰਹੱਦ ਵੱਲ ਹੈਰੋਇਨ ਦੀ ਖੇਪ ਭੇਜੀ ਹੈ। ਜਿਸ ਨੂੰ ਬੀਐਸਐਫ ਦੇ ਜਵਾਨਾਂ ਨੇ ਤਲਾਸ਼ੀ ਮੁਹਿੰਮ ਚਲਾ ਕੇ ਬਰਾਮਦ ਕਰ ਲਿਆ। ਬੀਐਸਐਫ ਮੁਤਾਬਕ ਇਹ ਬਰਾਮਦਗੀ ਫ਼ਿਰੋਜ਼ਪੁਰ ਜ਼ਿਲ੍ਹੇ ਦੇ ਸਰਹੱਦੀ ਪਿੰਡ ਗੱਟੀ ਰਾਜੋ ਨੇੜੇ ਕੀਤੀ ਗਈ।

ਐਤਵਾਰ ਸਵੇਰੇ 4.10 ਵਜੇ ਸਰਹੱਦ ਦੇ ਨੇੜੇ ਡਰੋਨ ਦੀ ਗਤੀਵਿਧੀ ਦੇਖੀ ਗਈ, ਜਿਸ ਨੂੰ ਅਲਰਟ ਕਰ ਕੇ ਬੀਐਸਐਫ ਦੇ ਜਵਾਨਾਂ ਨੇ ਰੋਕਣ ਦੀ ਕੋਸ਼ਿਸ਼ ਕੀਤੀ। ਇਸ ਤੋਂ ਬਾਅਦ ਬੀਐਸਐਫ ਅਤੇ ਪੰਜਾਬ ਪੁਲਿਸ ਵੱਲੋਂ ਉਸ ਇਲਾਕੇ ਵਿੱਚ ਤਲਾਸ਼ੀ ਮੁਹਿੰਮ ਚਲਾਈ ਗਈ।

ਤਲਾਸ਼ੀ ਮੁਹਿੰਮ ਦੌਰਾਨ ਇੱਕ ਵੱਡਾ ਬੈਗ ਬਰਾਮਦ ਹੋਇਆ। ਜਿਸ ਵਿੱਚ ਇੱਕ ਹੁੱਕ ਸੀ। ਜਿਸ ਦੇ ਅੰਦਰੋਂ ਢਾਈ ਕਿੱਲੋ ਹੈਰੋਇਨ ਬਰਾਮਦ ਹੋਈ। ਇਹ ਰਿਕਵਰੀ ਸਵੇਰੇ 6.35 ਵਜੇ ਹੋਈ।