ਲਿਫਟ ਦੇ ਬਹਾਨੇ ਟਰਾਂਸਜੈਂਡਰ ਦੇ ਨਾਲ ਕੀਤੀ ਸ਼ਰਮਨਾਕ ਹਰਕਤ

ਲੁਧਿਆਣਾ 2 ਨਵੰਬਰ 2023 : ਫਗਵਾੜਾ ਤੋਂ ਲੁਧਿਆਣਾ ਲਈ ਲਿਫਟ ਦੇਣ ਦੇ ਬਹਾਨੇ ਇੱਕ ਕਾਰ ਸਵਾਰ ਨੇ ਟਰਾਂਸਜੈਂਡਰ ਨਾਲ ਛੇੜਛਾੜ ਕੀਤੀ। ਜਦੋਂ ਉਸ ਨੇ ਵਿਰੋਧ ਕੀਤਾ ਤਾਂ ਉਹ ਉਸ ਨੂੰ ਟੋਲ ਪਲਾਜ਼ਾ ’ਤੇ ਛੱਡ ਕੇ ਭੱਜ ਗਿਆ।

ਟਰਾਂਸਜੈਂਡਰ ਨੇ ਦੋਸ਼ ਲਗਾਇਆ ਹੈ ਕਿ ਕਾਰ ਸਵਾਰ ਆਪਣੇ ਆਪ ਨੂੰ ਪੁਲਿਸ ਮੁਲਾਜ਼ਮ ਦੱਸ ਰਿਹਾ ਸੀ। ਉਸ ਨੇ ਉਸ ਨੂੰ ਗੱਡੀ ਵਿੱਚ ਬਿਠਾ ਕੇ ਪੈਸੇ ਦੇਣ ਦਾ ਲਾਲਚ ਦਿੱਤਾ। ਉਹ ਉਸ ਨੂੰ ਕੁਝ ਦੂਰੀ ‘ਤੇ ਲੈ ਗਿਆ ਅਤੇ ਉਸ ਨਾਲ ਸਰੀਰਕ ਸਬੰਧ ਬਣਾਏ ਅਤੇ ਲੁਧਿਆਣਾ ਆ ਕੇ ਪੈਸੇ ਦੇਣ ਤੋਂ ਵੀ ਇਨਕਾਰ ਕਰ ਦਿੱਤਾ। ਇਸ ਤੋਂ ਬਾਅਦ ਉਸ ਨੂੰ ਟੋਲ ਪਲਾਜ਼ਾ ‘ਤੇ ਕਾਰ ਤੋਂ ਧੱਕਾ ਦਿੱਤਾ ਗਿਆ। ਹਾਲਾਂਕਿ ਪੀੜਤ ਟਰਾਂਸਜੈਂਡਰ ਨੇ ਅਜੇ ਤੱਕ ਕੋਈ ਪੁਲਿਸ ਸ਼ਿਕਾਇਤ ਦਰਜ ਨਹੀਂ ਕਰਵਾਈ ਹੈ।