ਪੰਚਕੂਲਾ ‘ਚ ਸਾੜਿਆ ਜਾਵੇਗਾ ਸਾਲ 2023 ਦਾ ਸਭ ਤੋਂ ਉੱਚਾ ਰਾਵਣ, ਦੇਖੋ ਕਿਉਂ ਹੈ ਖਾਸ

ਪੰਚਕੂਲਾ (ਹਰਿਆਣਾ) 23ਅਕਤੂਬਰ 2023 : ਦੁਸਹਿਰਾ ਮਨਾਉਣ ਲਈ ਟ੍ਰਾਈ ਸਿਟੀ ਸੈਕਟਰ 5 ਦੇ ਸ਼ਾਲੀਮਾਰ ਮੈਦਾਨ ‘ਚ 171 ਫੁੱਟ ਉੱਚੇ ਰਾਵਣ ਦਾ ਪੁਤਲਾ ਫੂਕਿਆ ਜਾਵੇਗਾ।

ਸਿਟੀ ਬਿਊਟੀਫੁੱਲ ‘ਚ ਦੁਸਹਿਰੇ ਦੀਆਂ ਤਿਆਰੀਆਂ ਜ਼ੋਰਾਂ ‘ਤੇ ਹਨ। ਹਰ ਵਾਰ ਦੀ ਤਰ੍ਹਾਂ ਇਸ ਦੁਸਹਿਰੇ ਨੂੰ ਖਾਸ ਬਣਾਉਣ ਲਈ ਟ੍ਰਾਈ ਸਿਟੀ ‘ਚ ਕੁਝ ਖਾਸ ਹੋ ਰਿਹਾ ਹੈ। ਪੰਚਕੂਲਾ, ਟ੍ਰਾਈ ਸਿਟੀ ਦੇ ਸੈਕਟਰ 5 ਸਥਿਤ ਸ਼ਾਲੀਮਾਰ ਗਰਾਊਂਡ ਵਿੱਚ 171 ਫੁੱਟ ਉੱਚੇ ਰਾਵਣ ਨੂੰ ਸਾੜਨ ਦੀਆਂ ਤਿਆਰੀਆਂ ਚੱਲ ਰਹੀਆਂ ਹਨ। ਇਹ ਰਾਵਣ ਇਸ ਸਾਲ ਪੂਰੀ ਦੁਨੀਆ ਦਾ ਸਭ ਤੋਂ ਉੱਚਾ ਰਾਵਣ ਬਣਨ ਜਾ ਰਿਹਾ ਹੈ, ਜਿਸ ਨੂੰ ਬਣਾਉਣ ‘ਚ ਕਰੀਬ 3 ਮਹੀਨੇ ਲੱਗੇ, 18 ਲੱਖ ਰੁਪਏ ਦੀ ਲਾਗਤ ਆਈ ਅਤੇ 25 ਤੋਂ 30 ਮਜ਼ਦੂਰਾਂ ਦੀ ਮਿਹਨਤ ਲੱਗੀ।

ਰਾਵਣ ਬਣਾਉਣ ਦੇ ਕੰਮ ਲਈ ਮਸ਼ਹੂਰ ਤੇਜਿੰਦਰ ਸਿੰਘ ਚੌਹਾਨ ਨੇ ANI ਨਾਲ ਗੱਲ ਕਰਦੇ ਹੋਏ ਕਿਹਾ, “ਮੈਂ 1987 ਤੋਂ ਰਾਵਣ ਬਣਾ ਰਿਹਾ ਹਾਂ। ਹਰ ਸਾਲ ਮੈਂ ਕੋਈ ਨਾ ਕੋਈ ਨਵਾਂ ਰਿਕਾਰਡ ਬਣਾਉਂਦਾ ਹਾਂ। ਮੇਰੇ ਕੋਲ ਲਗਭਗ 5 ਲਿਮਕਾ ਬੁੱਕ ਆਫ ਰਿਕਾਰਡ ਅਤੇ ਦੋ ਗਿਨੀਜ਼ ਵਰਲਡ ਰਿਕਾਰਡ ਹਨ।ਇਸ ਸਾਲ ਮੈਨੂੰ ਪੰਚਕੂਲਾ ਵਿੱਚ ਦੁਨੀਆ ਦਾ ਸਭ ਤੋਂ ਉੱਚਾ ਰਾਵਣ ਬਣਾਉਣ ਦਾ ਕੰਮ ਸੌਂਪਿਆ ਗਿਆ ਹੈ।ਇਹ ਕੰਮ ਮੈਨੂੰ ਮਾਤਾ ਮਨਸਾ ਦੇਵੀ ਚੈਰੀਟੇਬਲ ਟਰੱਸਟ ਦੀ ਤਰਫੋਂ ਸੌਂਪਿਆ ਗਿਆ ਹੈ।ਮੇਰੇ ਕੋਲ 25 – 30 ਮਜ਼ਦੂਰ ਲੱਗੇ ਹੋਏ ਹਨ, ਜੋ ਕਿ ਪਿਛਲੇ 3 ਮਹੀਨਿਆਂ ਤੋਂ ਇਸ ਰਾਵਣ ਨੂੰ ਬਣਾ ਰਹੇ ਹਨ।ਅਸੀਂ ਇਸ ਰਾਵਣ ਨੂੰ ਮਖਮਲੀ ਕੱਪੜੇ ਤੋਂ ਬਣਾਇਆ ਹੈ ਅਤੇ ਇਸਨੂੰ ਸਾੜਨ ਲਈ 12 ਇਲੈਕਟ੍ਰਿਕ ਪੁਆਇੰਟ ਹਨ ਜੋ ਰਿਮੋਟ ਕੰਟਰੋਲ ਰਾਹੀਂ ਕੰਮ ਕਰਨਗੇ।ਇਹ ਇਲੈਕਟ੍ਰੋਨਿਕ ਰਾਵਣ ਦੇ ਅੰਦਰ ਸਥਾਪਿਤ ਪੁਆਇੰਟ ਰਾਵਣ ਨੂੰ ਸਾੜਨ ਵਿੱਚ ਮਦਦ ਕਰਨਗੇ।