Tokyo Peralympic : ਜੈਵਲਨਿ ਥ੍ਰੋਅ ‘ਚ ਸੁਮਿਤ ਅੰਤਿਲ ਨੇ ਵਿਸ਼ਵ ਰਿਕਾਰਡ ਦੇ ਨਾਲ ਜਿੱਤਿਆ ਸੋਨ ਤਗਮਾ

ਟੋਕੀਓ : ਭਾਰਤੀ ਖਿਡਾਰੀ ਸੁਮਿਤ ਅੰਤਿਲ (Sumit Antil) ਨੇ ਟੋਕੀਓ ਪੈਰਾਲੰਪਿਕਸ ‘ਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਸੋਨ ਤਮਗਾ ਜਿੱਤ ਕੇ ਇਤਿਹਾਸ ਰਚ ਦਿੱਤਾ ਹੈ। ਉਸ ਨੇ ਜੈਵਲਿਨ ਥ੍ਰੋਅ ਦੇ ਐਫ -64 ਈਵੈਂਟ ਦੀ ਦੂਜੀ ਕੋਸ਼ਿਸ਼ ਵਿੱਚ 68.08 ਮੀਟਰ ਸੁੱਟਿਆ ਅਤੇ ਵਿਸ਼ਵ ਰਿਕਾਰਡ ਕਾਇਮ ਕੀਤਾ। ਸੁਮਿਤ ਨੇ ਆਪਣੀ ਪਹਿਲੀ ਕੋਸ਼ਿਸ਼ ਵਿੱਚ 66.95 ਮੀਟਰ ਦੀ ਦੂਰੀ ਤੋਂ ਜੈਵਲਿਨ ਸੁੱਟਿਆ ਜੋ ਕਿ ਇੱਕ ਰਿਕਾਰਡ ਵੀ ਹੈ। ਕਰੀਬ 6 ਸਾਲ ਪਹਿਲਾਂ ਸੜਕ ਹਾਦਸੇ ਵਿੱਚ ਆਪਣੀ ਲੱਤ ਗੁਆਉਣ ਵਾਲੇ ਸੁਮਿਤ ਨੇ ਸਖਤ ਮਿਹਨਤ ਦੇ ਬਲਬੂਤੇ ਇਹ ਮੁਕਾਮ ਹਾਸਲ ਕੀਤਾ ਹੈ।