ਸੱਚਮੁੱਚ ਹੀ ਇਹ ਡਾਕਟਰ ਰੱਬ ਦਾ ਰੂਪ

16 ਨਵੰਬਰ: ਸੋਸ਼ਲ ਮੀਡੀਆ ‘ਤੇ ਇੱਕ ਅਜਿਹਾ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ ਨੂੰ ਦੇਖ ਕੇ ਤੁਸੀਂ ਵੀ ਭਾਵੁਕ ਹੋ ਜਾਵੋਂਗੇ ,ਵੀਡੀਓ ‘ਚ ਇੱਕ ਕੈਂਸਰ ਪੀੜਤ  ਛੋਟਾ ਬੱਚਾ ਹਾਲੀਵੁੱਡ ਫਿਲਮਾਂ ਦੇ ਸੁਪਰਹੀਰੋ ਅਤੇ ਆਪਣੇ ਪਸੰਦੀਦਾ ਕਿਰਦਾਰ ਬੈਟਮੈਨ ਨੂੰ ਮਿਲਣ ਦੀ ਅੰਤਿਮ ਇੱਛਾ ਰੱਖਦਾ ਹੈ ਤੇ ਉਸ ਬੱਚੇ ਨੂੰ ਲੱਗਦਾ ਹੈ ਕਿ ਉਸ ਨੂੰ ਮਿਲਣ ਲਈ ਅਸਲ ਵਿਚ ਬੈਟਮੈਨ ਆ ਗਿਆ ਹੈ ਜਦਕਿ ਅਸਲ ਵਿਚ ਡਾਕਟਰ ਖੁਦ ਬੈਟਮੈਨ ਬਣ ਕੇ ਉਸ ਦੀ ਇੱਛਾ ਪੂਰੀ ਕਰਦਾ ਹੈ। 

ਇਹ ਵੀਡੀਓ ‘ਦੀ ਫੀਲ ਗੁਡ ਪੇਜ’ ਦੇ ਟਵਿੱਟਰ ਹੈਂਡਲ ‘ਤੇ ਸ਼ੇਅਰ ਕੀਤਾ ਗਿਆ ਹੈ। ਇਸ ਵਿਚ ਕੈਪਸ਼ਨ ਲਿਖੀ ਗਈ ਹੈ,’ਇੱਕ ਡਾਕਟਰ ਇੱਕ ਕੈਂਸਰ ਪੀੜਤ ਬੱਚੇ ਨੂੰ ਪੁੱਛਦਾ ਹੈ ਕਿ ਉਸ ਦਾ ਸੁਫ਼ਨਾ ਕੀ ਹੈ। ਬੱਚਾ ਕਹਿੰਦਾ ਹੈ ਕਿ ਉਹ ਬੈਟਮੈਨ ਨਾਲ ਮਿਲਣਾ ਚਾਹੁੰਦਾ ਹੈ।ਅਗਲੇ ਦਿਨ ਡਾਕਟਰ ਖੁਦ ਸੁਪਰਹੀਰੋ ਦੇ ਕੱਪੜੇ ਪਹਿਨ ਕੇ ਉਸ ਨੂੰ ਮਿਲਦਾ ਹੈ।’

ਵੀਡੀਓ ਵਿੱਚ ਸਾਫ ਦਿਸ ਰਿਹਾ ਹੈ ਕਿ ਡਾਕਟਰ ਸੁਪਰਹੀਰੋ ਦੇ ਕੱਪੜੇ ਪਹਿਨ ਕੇ ਆਉਂਦਾ ਹੈ ਅਤੇ ਸਿੱਧਾ ਬੱਚੇ ਨੂੰ ਆ ਕੇ ਮਿਲਦਾ ਹੈ। ਇਸ ਦੇ ਬਾਅਦ ਉਹ ਬੱਚੇ ਦੇ ਸਾਹਮਣੇ ਆ ਕੇ ਬੈਠ ਜਾਂਦਾ ਹੈ। ਬੱਚਾ ਅਚਾਨਕ ਨਾਲ ਬੈਟਮੈਨ ਨੂੰ ਦੇਖ ਕੇ ਖੁਸ਼ ਹੋ ਜਾਂਦਾ ਹੈ। ਇਸ ਦੌਰਾਨ ਬੱਚਾ ਉਸ ਬੈਟਮੈਨ ਦੀ ਛਾਤੀ ਨਾਲ ਚਿਪਕ ਜਾਂਦਾ ਹੈ। ਡਾਕਟਰ ਵੀ ਬੱਚੇ ਨੂੰ ਘੁੱਟ ਕੇ ਜੱਫੀ ਪਾ ਲੈਂਦਾ ਹੈ। ਇਸ ਵੀਡੀਓ ਨੂੰ ਜੋ ਵੀ ਦੇਖਦਾ ਹੈ ਉਹ ਭਾਵੁਕ ਹੋ ਜਾਂਦਾ ਹੈ।ਫਿਲਹਾਲ ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ। ਲੋਕ ਇਸ ਨੂੰ ਕਾਫੀ ਪਸੰਦ ਕਰ ਰਹੇ ਹਨ ਅਤੇ ਸ਼ੇਅਰ ਕਰ ਰਹੇ ਹਨ।

ਡਾਕਟਰ ਨੂੰ ਲੋਕ ਰੱਬ ਦਾ ਰੂਪ ਕਿਉਂ ਮੰਨਦੇ ਨੇ ਅਤੇ ਅੱਜ ਡਾਕਟਰ ਨੇ ਇੱਕ ਵਾਰ ਫੇਰ ਕਰ ਦਿਖਾਇਆ ਇੱਕ ਬੱਚੇ ਦਾ ਇਲਾਜ ਕਰਨ ਦੇ ਨਾਲ-ਨਾਲ ਡਾਕਟਰ ਨੇ ਸੱਚਾ ਹਮਦਰਦ ਹੁੰਦਿਆਂ ਬੱਚੇ ਦੀ ਆਖਰੀ ਇੱਛਾ ਨੂੰ ਪੂਰਾ ਕਰਨ ਦੀ ਕੋਸ਼ਿਸ਼ ਕੀਤੀ ਤੇ ਮਾਸੂਮ ਬੱਚੇ ਨੂੰ ਖੁਸ਼ੀ ਦੇ ਪਲ ਦਿੱਤੇ ਤੇ ਖੁਸ਼ੀ ਤੋਂ ਵੱਡਾ ਇਸ ਦੁਨੀਆਂ ਤੇ ਹੋਰ ਕੋਈ ਤੋਹਫਾ ਨਹੀਂ ਹੁੰਦਾ।