World
ਯੂਕਰੇਨ ਦੇ ਸੰਸਦ ਮੈਂਬਰ ਨੇ ਤੁਰਕੀ ‘ਚ ਰੂਸੀ ਪ੍ਰਤੀਨਿਧੀ ਨੂੰ ਮਾਰਿਆ ਥੱਪੜ, ਸੋਸ਼ਲ ਮੀਡੀਆ ‘ਤੇ ਤੇਜੀ ਨਾਲ ਵਾਇਰਲ ਹੋਈ ਵੀਡੀਓ
ਰੂਸ ਅਤੇ ਯੂਕਰੇਨ ਵਿਚਾਲੇ ਚੱਲ ਰਹੀ ਜੰਗ ਦਰਮਿਆਨ ਦੋਵਾਂ ਦੇਸ਼ਾਂ ਵਿਚਾਲੇ ਤਣਾਅ ਇਸ ਹੱਦ ਤੱਕ ਵੱਧ ਗਿਆ ਹੈ ਕਿ ਦੋਵਾਂ ਦੇਸ਼ਾਂ ਦੇ ਨਾਗਰਿਕ ਹਮਲਾਵਰ ਬਣ ਚੁੱਕੇ ਹਨ। ਇਸੇ ਤਰ੍ਹਾਂ ਦੀ ਘਟਨਾ ਤੁਰਕੀ ਦੀ ਰਾਜਧਾਨੀ ਅੰਕਾਰਾ ‘ਚ ਦੇਖਣ ਨੂੰ ਮਿਲੀ, ਜਿੱਥੇ ਰੂਸ ਅਤੇ ਯੂਕਰੇਨ ਦੇ ਪ੍ਰਤੀਨਿਧੀਆਂ ਵਿਚਾਲੇ ਝਗੜਾ ਹੋ ਗਿਆ। ਇਸ ਘਟਨਾ ਦਾ ਇੱਕ ਵੀਡੀਓ ਵੀ ਸਾਹਮਣੇ ਆ ਰਿਹਾ ਹੈ, ਜਿਸ ਵਿੱਚ ਯੂਕਰੇਨ ਦੇ ਸੰਸਦ ਮੈਂਬਰ ਓਲੇਕਸੈਂਡਰ ਮੈਰੀਕੋਵਸਕੀ ਰੂਸੀ ਡੈਲੀਗੇਟ ਨੂੰ ਥੱਪੜ ਮਾਰਦੇ ਹੋਏ ਨਜ਼ਰ ਆ ਰਹੇ ਹਨ।
ਵੀਡੀਓ ਮੁਤਾਬਕ ਯੂਕਰੇਨ ਦੇ ਸੰਸਦ ਮੈਂਬਰ ਓਲੇਕਸੈਂਡਰ ਮੈਰੀਕੋਵਸਕੀ ਆਪਣੇ ਦੇਸ਼ ਦੇ ਝੰਡੇ ਨਾਲ ਖੜ੍ਹੇ ਹਨ। ਫਿਰ ਇੱਕ ਰੂਸੀ ਪ੍ਰਤੀਨਿਧੀ ਪਿੱਛੇ ਤੋਂ ਆਉਂਦਾ ਹੈ ਅਤੇ ਯੂਕਰੇਨ ਦਾ ਝੰਡਾ ਚੁੱਕ ਲੈਂਦਾ ਹੈ। ਇਹ ਦੇਖ ਕੇ ਯੂਕਰੇਨ ਦਾ ਪ੍ਰਤੀਨਿਧੀ ਵੀ ਗੁੱਸੇ ਨਾਲ ਉਸਦਾ ਪਿੱਛਾ ਕਰਦਾ ਹੈ ਅਤੇ ਉਸਦੇ ਮੂੰਹ ‘ਤੇ ਮੁੱਕਾ ਮਾਰਦਾ ਹੈ। ਦੋਵਾਂ ਵਿਚਾਲੇ ਝੜਪ ਨੂੰ ਦੇਖ ਕੇ ਸੁਰੱਖਿਆ ਕਰਮਚਾਰੀ ਪਹੁੰਚ ਗਏ ਅਤੇ ਦੋਵਾਂ ਨੂੰ ਵੱਖ ਕਰ ਦਿੱਤਾ। ਹਾਲਾਂਕਿ ਇਸ ਦੌਰਾਨ ਯੂਕਰੇਨ ਦੇ ਨੁਮਾਇੰਦਿਆਂ ਨੇ ਆਪਣਾ ਝੰਡਾ ਵਾਪਸ ਲੈ ਲਿਆ।
ਤੁਹਾਨੂੰ ਦੱਸ ਦੇਈਏ ਕਿ ਕਾਲਾ ਸਾਗਰ ਆਰਥਿਕ ਨਿਗਮ ਦੀ ਸੰਸਦੀ ਅਸੈਂਬਲੀ ਦੀ 61ਵੀਂ ਆਮ ਸਭਾ ਤੁਰਕੀ ਦੀ ਰਾਜਧਾਨੀ ਅੰਕਾਰਾ ਵਿੱਚ ਆਯੋਜਿਤ ਕੀਤੀ ਜਾ ਰਹੀ ਹੈ। ਇਸ ਬੈਠਕ ‘ਚ ਕਾਲੇ ਸਾਗਰ ਖੇਤਰ ਦੇ ਦੇਸ਼ ਇਕੱਠੇ ਹੋਏ ਹਨ ਅਤੇ ਇਸ ਬੈਠਕ ਦਾ ਮਕਸਦ ਦੁਵੱਲੇ, ਬਹੁਪੱਖੀ ਸਬੰਧਾਂ, ਆਰਥਿਕ ਅਤੇ ਖੁਸ਼ਹਾਲੀ ਦੀ ਦਿਸ਼ਾ ‘ਚ ਕੰਮ ਕਰਨਾ ਹੈ। ਇਸ ਬੈਠਕ ‘ਚ ਹਿੱਸਾ ਲੈਣ ਲਈ ਰੂਸ ਅਤੇ ਯੂਕਰੇਨ ਦੇ ਪ੍ਰਤੀਨਿਧੀ ਵੀ ਪਹੁੰਚੇ ਸਨ। ਪਰ ਦੁਵੱਲੇ, ਬਹੁਪੱਖੀ ਸਬੰਧਾਂ ਨੂੰ ਅੱਗੇ ਲਿਜਾਣ ਦੀ ਬਜਾਏ ਇਸ ਵਿੱਚ ਸਿਰਫ਼ ਰੂਸ ਅਤੇ ਯੂਕਰੇਨ ਦੇ ਨੁਮਾਇੰਦੇ ਹੀ ਹਿੰਸਾ ਕਰਦੇ ਨਜ਼ਰ ਆਏ।
