ਮਾਮੂਲੀ ਤਕਰਾਰ ਤੇ ਅਣਪਛਾਤੇ ਨੌਜਵਾਨਾਂ ਨੇ ਕੀਤੀ ਫਾਇਰਿੰਗ ਦੋ ਨੌਜਵਾਨ ਸਕੇ ਭਰਾ ਹੋਏ ਜਖਮੀ

ਬਟਾਲਾ ਦੇ ਪਿੰਡ ਕੋਟ ਮਜਲਿਸ ਵਿਖੇ ਰਸਤੇ ਚ ਮੋਟਰਸਾਈਕਲ ਰੇਹੜਾ ਖੜਾ ਹੋਣ ਤੇ ਮੋਟਰਸਾਈਕਲ ਤੇ ਸਵਾਰ ਨੌਜਵਾਨਾਂ ਦੀ ਹੋਈ ਬਹਿਸ ਇਸ ਮਾਮੂਲੀ ਤਕਰਾਰ ਤੇ ਅਣਪਛਾਤੇ ਨੌਜਵਾਨਾਂ ਵਲੋਂ ਪਿੰਡ ਦੇ ਰਹਿਣ ਵਾਲੇ ਦੋ ਨੌਜਵਾਨਾਂ ਅਮਰਜੀਤ ਸਿੰਘ ਅਤੇ ਕੰਵਲਜੀਤ ਸਿੰਘ ਸਕੇ ਭਰਾਵਾਂ ਤੇ ਫਾਇਰ ਕੀਤੇ ਗਏ ਉਥੇ ਹੀ ਦੋਵੇ ਭਰਾ ਗੋਲੀ ਲੱਗਣ ਨਾਲ ਜਖਮੀ ਹੋ ਗਏ ਜਿਹਨਾਂ ਨੂੰ ਪਰਿਵਾਰ ਅਤੇ ਪਿੰਡ ਵਸਿਆ ਨੇ ਸਿਵਲ ਹਸਪਤਾਲ ਚ ਇਲਾਜ ਲਾਇ ਦਾਖਿਲ ਕਰਵਾਇਆ ਗਿਆ ਹੈ | ਉਥੇ ਹੀ ਫਾਇਰਿੰਗ ਕਰਨ ਵਾਲੇ ਵਾਰਦਾਤ ਨੂੰ ਅੰਜਾਮ ਦੇ ਮੌਕੇ ਤੋਂ ਫਰਾਰ ਹੋ ਗਏ | 

ਸਿਵਲ ਹਸਪਤਾਲ ਬਟਾਲਾ ਚ ਜੇਰੇ ਇਲਾਜ ਜਖਮੀ ਨੌਜਵਾਨ ਅਤੇ ਉਸਦੇ ਪਰਿਵਾਰ ਨੇ ਦੱਸਿਆ ਕਿ ਉਹ ਆਪਣੇ ਘਰ ਦੇ ਬਾਹਰ ਖੜੇ ਸਨ ਅਤੇ ਘਰ ਚ ਉਸਾਰੀ ਦਾ ਕੰਮ ਚਲ ਰਿਹਾ ਸੀ ਅਤੇ ਕੁਝ ਸਾਮਾਨ ਮੋਟਰਸਾਈਕਲ ਰੇਹੜਾ ਤੇ ਘਰ ਦੇ ਬਾਹਰ ਖੜਾ ਸੀ ਅਤੇ ਦੋ ਨੌਜਵਾਨ ਮੋਟਰਸਾਈਕਲ ਤੇ ਆਏ ਅਤੇ ਉਹਨਾਂ ਰਾਹ ਛੱਡਣ ਨੂੰ ਕਿਹਾ ਅਤੇ ਬਹਿਸ ਕਰਨ ਲਗੇ ਅਤੇ ਗਾਲੀ ਗਲੋਚ ਹੁੰਦੇ ਹੀ ਉਕਤ ਅਣਪਛਾਤੇ ਰਾਹਗੀਰ ਨੌਜਵਾਨਾਂ ਨੇ ਪਿਸਤੌਲ ਕੱਢ ਫਾਇਰਿੰਗ ਕਰ ਦਿਤੀ ਅਤੇ 4 ਫਾਇਰ ਕੀਤੇ ਜਿਹਨਾਂ ਚੋ ਦੋ ਉਥੇ ਖੜੇ ਗੱਲ ਕਰ ਰਹੇ ਸਕੇ ਭਰਾ ਅਮਰਜੀਤ ਸਿੰਘ ਅਤੇ ਕੰਵਲਜੀਤ ਸਿੰਘ ਦੇ ਲਗੇ ਹਨ ਉਥੇ ਹੀ ਪਰਿਵਾਰ ਨੇ ਦੱਸਿਆ ਕਿ ਉਹਨਾਂ ਦੀ ਕੋਈ ਰੰਜਿਸ਼ ਨਹੀਂ ਅਤੇ ਫਾਇਰ ਕਰਨ ਵਾਲੇ ਵੀ ਅਣਪਛਾਤੇ ਸਨ ਮਹਿਜ ਮਾਮੂਲੀ ਤਕਰਾਰ ਤੇ ਉਹਨਾਂ ਹਮਲਾ ਕੀਤਾ ਅਤੇ ਉਹ ਮੌਕੇ ਤੋਂ ਫਰਾਰ ਹੋ ਗਏ | 

ਉਧਰ ਇਸ ਮਾਮਲੇ ਚ ਸਿਵਲ ਹਸਪਤਾਲ ਬਟਾਲਾ ਦੇ ਸੀਨੀਅਰ ਮੈਡੀਕਲ ਅਫਸਰ ਡਾ ਰਵਿੰਦਰ ਸਿੰਘ ਨੇ ਦੱਸਿਆ ਕਿ ਉਹਨਾਂ ਕੋਲ ਦੋ ਨੌਜਵਾਨ ਜਖਮੀ ਹਾਲਤ ਚ ਇਲਾਜ ਲਈ ਪਹੁਚੇ ਹਨ ਜਿਹਨਾਂ ਦੇ ਗਨ ਸ਼ੋਟ ਹਨ ਅਤੇ ਜਦਕਿ ਫਾਇਰ ਪੱਟ ਤੇ ਲਗੇ ਹਨ ਅਤੇ ਦੋਵਾਂ ਨੌਜਵਾਨਾਂ ਦਾ ਇਲਾਜ ਉਹਨਾਂ ਵਲੋਂ ਕੀਤਾ ਜਾ ਰਿਹਾ ਹੈ ਉਧਰ ਪੁਲਿਸ ਨੂੰ ਵੀ ਸੂਚਿਤ ਕੀਤਾ ਗਿਆ ਹੈ |