ਪਿੰਡ ਬਾਦਲ ਧਰਨੇ ਤੋਂ ਪਰਤ ਰਹੇ ਕਿਸਾਨਾਂ ਨੇ ਰਸਤੇ ਕਿਉਂ ਲਗਾਇਆ ਧਰਨਾ ?

ਬਠਿੰਡਾ 23 ਸਤੰਬਰ :(ਰਾਕੇਸ਼ ਕੁਮਾਰ) ਖੇਤੀ ਆਰਡੀਨੈਂਸ ਖ਼ਿਲਾਫ਼ ਅਕਾਲੀਆਂ ਦੇ ਪਿੰਡ ਬਾਦਲ ਵਿਖੇ ਕਿਸਾਨਾਂ ਵੱਲੋਂ ਰੋਸ-ਪ੍ਰਦਰਸ਼ਨ ਚੱਲ ਰਿਹਾ ਹੈ। ਪਰ ਇਸ ਪ੍ਰਦਰਸ਼ਨ ਦੇ ਚੱਲਦੇ ਇੱਕ ਹਾਦਸਾ ਵਾਪਰ ਗਿਆ ਹੈ।ਵੱਖ-ਵੱਖ ਥਾਵਾਂ ਤੋਂ ਕਿਸਾਨ ਬੱਸਾਂ ਭਰ ਕੇ ਪਿੰਡ ਬਾਦਲ ਵਿਖੇ ਧਰਨੇ ਵਿੱਚ ਸ਼ਾਮਿਲ ਹੋਣ ਲਈ ਪਹੁੰਚਦੇ ਹਨ।  

ਪਰ ਕੱਲ੍ਹ ਰਾਤ ਕਰੀਬ 8 ਵਜੇ ਪਿੰਡ ਬਾਦਲ ਦੇ ਮੋਰਚੇ ਤੋਂ ਮਾਨਸਾ ਜ਼ਿਲ੍ਹੇ ਦੇ ਪਿੰਡ ਕਿਸ਼ਨਗੜ੍ਹ ਦੇ ਕਿਸਾਨ ਬੱਸ ਵਿੱਚ ਜਦ ਬਾਦਲ ਧਰਨੇ ਤੋਂ ਵਾਪਿਸ ਪਰਤ ਰਹੇ ਸਨ ਤਾਂ ਪਿੰਡ ਕੋਟ ਭਾਰਾ ਕੋਲ ਉਹਨਾਂ ਦਾ ਐਕਸੀਡੈਂਟ ਹੋ ਗਿਆ। ਜਿੰਨ੍ਹਾਂ ਵਿੱਚ ਮੁਖਤਿਆਰ ਸਿੰਘ ਉਮਰ 62 ਦੀ ਮੌਤ ਹੋ ਅਤੇ 17 ਹੋਰ ਕਿਸਾਨ ਜ਼ਖਮੀ ਹੋ ਗਏ। ਇਹਨਾਂ ਨੂੰ ਬਠਿੰਡਾ ਮੈਕਸ ਹਸਪਤਾਲ ਵਿੱਚ ਭਰਤੀ ਕਰਵਾਇਆ ਗਿਆ। ਇੱਥੇ ਮਰੀਜ਼ਾਂ ਦਾ ਇਲਾਜ਼ ਨਾ ਕਰਨ ਤੇ ਕਿਸਾਨਾਂ ਅਤੇ ਜੱਥੇਬੰਦੀ ਵੱਲੋਂ ਆਈ ਟੀ ਆਈ ਚੌਂਕ ਤੇ ਜਾਮ ਲਗਾਇਆ।