ਕੋਰੋਨਾ ਕਾਲ ਦੌਰਾਨ ਬੈਂਗਲੁਰੂ ਦੇ ਇਸ ਹਸਪਤਾਲ ‘ਚ 300 ਗਰਭਵਤੀ ਔਰਤਾਂ ਦੀ ਹੋਈ ਡਲਿਵਰੀ, ਸਿਹਤ ਮੰਤਰੀ ਨੇ ਸਾਰਿਆਂ ਨੂੰ ਦਿੱਤੀ ਵਧਾਈ

ਕੋਰੋਨਾ ਕਾਲ ‘ਚ ਕਰਨਾਟਕ ਦੀ ਰਾਜਧਾਨੀ ਬੈਂਗਲੁਰੂ ‘ਚ ਘੱਟ ਤੋਂ ਘੱਟ 300 ਔਰਤਾਂ ਦੀ ਡਲਿਵਰੀ ਦੀ ਜਾਣਕਾਰੀ ਸਾਹਮਣੇ ਆਈ ਹੈ। 12 ਜੂਨ ਨੂੰ ਬੈਂਗਲੁਰੂ ਦੇ ਐੱਚਐੱਸਆਈਐੱਸ ਗੋਸ਼ਾ ਸਰਕਾਰੀ ਹਸਪਤਾਲ ਨੇ ਇਹ ਉਪਲਬਧੀ ਹਾਸਲ ਕੀਤੀ ਹੈ। ਕੋਰੋਨਾ ਇਨਫੈਕਟਿਡ ਗਰਭਵਤੀ ਔਰਤਾਂ ਵਿਚਕਾਰ ਇਹ ਡਲਿਵਰੀ ਹੋਈ। ਕਰਨਾਟਕ ਸਿਹਤ ਮੰਤਰੀ ਡਾ. ਕੇ ਸੁਧਾਕਰ ਨੇ ਹਸਪਤਾਲ ਦੇ ਸਾਰੇ ਡਾਕਟਰਾਂ ਨਰਸਾਂ ਤੇ ਮੁਲਾਜ਼ਮਾਂ ਨੂੰ ਵਧਾਈ ਦਿੱਤੀ ਹੈ। ਦੇਸ਼ ‘ਚ 24 ਘੰਟਿਆਂ ‘ਚ ਕੋਰੋਨਾ ਦੇ 80,834 ਨਵੇਂ ਕੇਸ ਸਾਹਮਣੇ ਆਏ ਹਨ ਜਦਕਿ 1,32,062 ਮਰੀਜ਼ ਡਿਸਚਾਰਜ ਹੋਏ ਹਨ। ਪਿਛਲੇ ਇਕ ਦਿਨ ਵਿਚ ਮਰਨ ਵਾਲਿਆਂ ਦਾ ਅੰਕੜਾ 3,303 ਰਿਹਾ ਹੈ। ਇਸੇ ਤਰ੍ਹਾਂ ਭਾਰਤ ਵਿਚ ਇਸ ਮਹਾਮਾਰੀ ਦੇ ਹੁਣ ਤਕ 2,94,39,989 ਮਰੀਜ਼ ਸਾਹਮਣੇ ਆ ਚੁੱਕੇ ਹਨ ਜਿਨ੍ਹਾਂ ਵਿਚੋਂ 2,80,43,446 ਨੇ ਕੋਰੋਨਾ ਨੂੰ ਮਾਤ ਦਿੱਤੀ ਹੈ। ਕੋਰੋਨਾ ਇਨਫੈਕਸ਼ਨ ਨੇ ਦੇਸ਼ ਵਿਚ ਹੁਣ ਤਕ 3,70,384 ਦੀ ਜਾਂਚ ਲਈ ਹੈ ਜਦਕਿ ਐਕਟਿਵ ਕੇਸ 10,26,159 ਹੈ। ਕੋਰੋਨਾ ਖਿਲਾਫ ਟੀਕਾਕਰਨ ਮੁਹਿੰਮ ਜਾਰੀ ਹੈ। ਹੁਣ ਤਕ 25,31,95,048 ਲੋਕਾਂ ਨੂੰ ਟੀਕਾ ਲਗਵਾਇਆ ਜਾ ਚੁੱਕਾ ਹੈ।