ਪਾਕਿਸਤਾਨ ਦੀ ਕੋਸ਼ਿਸ਼ ਨਾਕਾਮ, ਬੀਐਸਐਫ ਵਲੋਂ ਸਰਹੱਦ ਤੋਂ 60 ਪੈਕੇਟ ਹੈਰੋਇਨ ਬਰਾਮਦ

ਗੁਰਦਸਪੂਰ, 19 ਜੁਲਾਈ (ਗੁਰਪ੍ਰੀਤ ਸਿੰਘ): ਪਾਕਿਸਤਾਨ ਦੇ ਵੱਲੋਂ ਹਮੇਸ਼ਾ ਭਾਰਤ ਦੇਸ਼ ਦੀ ਜਵਾਨੀ ਨੂੰ ਬਰਬਾਦ ਕਰਨ ਦੀਆਂ ਕੋਸ਼ਿਸ਼ਾਂ ਕੀਤੀਆਂ ਜਾਂਦੀਆਂ ਹਨ। ਪਰ ਭਾਰਤ ਦੇ ਵੱਲੋਂ ਹਮੇਸ਼ਾਂ ਇਹਨਾਂ ਕੋਸ਼ਿਸ਼ਾਂ ਨੂੰ ਨਾਕਾਮ ਕਰ ਦਿੱਤਾ ਜਾਂਦਾ ਹੈ। ਅੱਜ ਡੇਰਾ ਬਾਬਾ ਨਾਨਕ ਰਾਵੀ ਦਰਿਆ ਰਾਹੀਂ ਪਾਕਿਸਤਾਨ ਵਲੋਂ ਪਾਈਪ ਵਿੱਚ ਹੈਰੋਇਨ ਦੇ 60 ਪੈਕਟ ਛੁਪਾ ਕੇ ਪਾਈਪਾਂ ਨੂੰ ਬਲੈਡਰ ਬੰਨ ਕੇ ਰੱਸੀ ਰਾਹੀਂ ਭਾਰਤ ਭੇਜਿਆ ਜਾਣਾ ਸੀ। ਪਰ ਭਾਰਤ ਦੇ ਵਲੋਂ ਹਮੇਸ਼ਾਂ ਦੀ ਤਰ੍ਹਾਂ ਬੀ ਐੱਸ ਐਫ ਦੇ ਵੱਲੋਂ ਇੱਸ ਕੋਸ਼ਿਸ਼ ਨੂੰ ਨਾਕਾਮ ਕਰ ਦਿੱਤਾ ਗਿਆ। ਡੇਰਾ ਬਾਬਾ ਨਾਨਕ ਵਿੱਚ ਇਹ ਸਭ ਤੋਂ ਵੱਡੀ ਖੇਪ ਸੀ ਜੋ ਬੀ ਐਸ ਐਫ ਦੀ 10 ਬਟਾਲੀਅਨ ਨੇ ਬ੍ਰਾਮਦ ਕੀਤੀ ਹੈ।

ਜਾਣਕਾਰੀ ਦਿੰਦਿਆਂ ਬੀਐਸਐਫ ਦੇ ਡੀ.ਆਈ.ਜੀ ਰਾਜੇਸ਼ ਸ਼ਰਮਾ ਨੇ ਮੀਡੀਆ ਨੂੰ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਪਕਿਸਤਾਨ ਵੱਲੋਂ ਡੇਰਾ ਬਾਬਾ ਨਾਨਕ ਸਥਿਤ ਰਾਵੀ ਦਰਿਆ ਰਾਹੀਂ ਪਲਾਸਟਿਕ ਦੀ ਪਾਈਪ ਵਿੱਚ 60 ਪੈਕਟ ਹੈਰੋਇਨ ਪਾ ਕੇ ਪਾਈਪ ਨਾਲ ਬਲੈਡਰ ਬੰਨ ਕੇ ਪਕਿਸਤਾਨ ਤਰਫੋਂ ਰੱਸੀ ਨਾਲ ਉਪਰੇਟ ਕੀਤਾ ਜਾ ਰਿਹਾ ਸੀ। ਜਦ ਇਸ ਪਾਈਪ ਤੇ ਰਾਵੀ ਦਰਿਆ ਵਿੱਚ ਦੇਖੀ ਗਈ ਤਾਂ ਬੀਐਸਐਫ ਦੀ 10 ਬਟਾਲੀਅਨ ਦੇ ਜਵਾਨਾਂ ਵਲੋਂ ਇਸ ਨਸ਼ੇ ਦੀ ਖੇਪ ਨੂੰ ਆਪਣੇ ਕਬਜ਼ੇ ਵਿੱਚ ਲੈ ਲਿਆ। ਉਹਨਾਂ ਨੇ ਦੱਸਿਆ ਕਿ ਬੀ ਐਸ ਐਫ ਦ ਜਵਾਨਾਂ ਨੂੰ ਬਹੁਤ ਵੱਡੀ ਕਾਮਯਾਬੀ ਮਿਲੀ ਹੈ। ਪਹਿਲੀ ਵਾਰ ਪਾਕਿਸਤਾਨ ਨੇ ਇਕ ਵੱਖਰੇ ਢੰਗ ਨਾਲ ਇਨ੍ਹੀ ਵੱਡੀ ਖੇਪ ਭੇਜੀ ਹੈ ਅਤੇ ਸਾਡੇ ਜਵਾਨਾਂ ਨੇ ਪਕਿਸਤਾਨ ਦੀ ਇਹ ਕੋਸ਼ਿਸ਼ ਨਾਕਾਮ ਕਰ ਦਿਤੀ ਹੈ।