ਰੱਖਿਆ ਮੰਤਰਾਲੇ ਨੂੰ ਮਿਲੇ 2 ਨਵੇਂ ਦਫਤਰ, PM ਮੋਦੀ ਨੇ 7000 ਕਰਮਚਾਰੀਆਂ ਲਈ ‘ਰੱਖਿਆ ਕੰਪਲੈਕਸ’ ਦਾ ਕੀਤਾ ਉਦਘਾਟਨ

ਨਵੀਂ ਦਿੱਲੀ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ ਦਿੱਲੀ ਦੇ ਕਸਤੂਰਬਾ ਗਾਂਧੀ ਮਾਰਗ ਅਤੇ ਅਫਰੀਕਾ ਐਵੇਨਿਊ ਵਿਖੇ ਰੱਖਿਆ ਦਫਤਰ ਕੰਪਲੈਕਸਾਂ ਦਾ ਉਦਘਾਟਨ ਕੀਤਾ। ਇਸ ਦੌਰਾਨ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਦੇ ਨਾਲ ਚੀਫ਼ ਆਫ਼ ਡਿਫੈਂਸ ਸਟਾਫ ਜਨਰਲ ਬਿਪਿਨ ਰਾਵਤ ਅਤੇ ਥਲ ਸੈਨਾ ਮੁਖੀ ਜਨਰਲ ਐਮ ਐਮ ਨਰਵਨੇ (M.M.Narvane) ਵੀ ਮੌਜੂਦ ਸਨ।

7 ਹਜ਼ਾਰ ਕਰਮਚਾਰੀਆਂ ਲਈ ਬਣਾਇਆ ਗਿਆ ਇਹ ਨਵਾਂ ‘ਡਿਫੈਂਸ ਕੰਪਲੈਕਸ’ ਦੋ ਵੱਖ -ਵੱਖ ਥਾਵਾਂ ‘ਤੇ ਤਿਆਰ ਕੀਤਾ ਗਿਆ ਹੈ। ਰੱਖਿਆ ਮੰਤਰਾਲੇ ਦੇ ਅਨੁਸਾਰ, ਲੁਟੀਅਨਜ਼ ਜ਼ੋਨ ਵਿੱਚ ਅਫਰੀਕਾ ਐਵੇਨਿ ਵਿਖੇ ਇਹ ਨਵੀਂ ਰੱਖਿਆ ਕੰਪਲੈਕਸ ਇਮਾਰਤ ਮੁਕੰਮਲ ਹੋ ਚੁੱਕੀ ਹੈ। ਇਸ ਤੋਂ ਇਲਾਵਾ ਇੰਡੀਆ ਗੇਟ ਦੇ ਨਜ਼ਦੀਕ ਕੇਜੀ ਮਾਰਗ ‘ਤੇ ਇਮਾਰਤ ਵੀ ਮੁਕੰਮਲ ਹੋ ਚੁੱਕੀ ਹੈ। ਇਨ੍ਹਾਂ ਦੋਵਾਂ ਇਮਾਰਤਾਂ ਵਿੱਚ, ਜਲ ਸੈਨਾ ਦੇ ਆਈਐਨਐਸ ਇੰਡੀਆ ਨੇਵਲ ਸਟੇਸ਼ਨ, ਆਰਮਡ ਫੋਰਸਿਜ਼ ਮੈਡੀਕਲ ਸਰਵਿਸ ਦਫਤਰ ਅਤੇ ਸੀਐਸਡੀ ਕੰਟੀਨ ਨੂੰ ਵੀ ਸਾਊਥ ਬਲਾਕ ਦੇ ਨੇੜੇ ਤਬਦੀਲ ਕੀਤਾ ਜਾਵੇਗਾ।