ਵਿਆਹ ਸਮਾਗਮ ਤੋਂ ਵਾਪਸ ਪਰਤ ਰਹੇ ਪਰਿਵਾਰ ਨਾਲ ਵਾਪਰਿਆ ਭਿਆਨਕ ਹਾਦਸਾ, ਪਿਤਾ ਸਣੇ ਦੋ ਪੁੱਤਰਾਂ ਦੀ ਹੋਈ ਮੌਤ…

ਪਟਿਆਲਾ 28 june 2023: ਬਰੇਲੀ ਨੇੜੇ ਫਤਿਹਗੰਜ ਟੋਲ ਪਲਾਜ਼ਾ ‘ਤੇ ਵਾਪਰੇ ਸੜਕ ਹਾਦਸੇ ‘ਚ ਸ਼ਹਿਰ ਦੇ ਆਨੰਦ ਨਗਰ ਐਕਸਟੈਨਸ਼ਨ ਦੇ ਵਸਨੀਕ ਪਰਮਜੀਤ ਸਿੰਘ ਚੱਢਾ ਅਤੇ ਉਸਦੇ ਦੋ ਪੁੱਤਰਾਂ ਦੀ ਮੌਤ ਹੋ ਗਈ। ਜਦਕਿ ਉਸ ਦੀ ਪਤਨੀ ਅਤੇ ਬੇਟੀ ਗੰਭੀਰ ਜ਼ਖਮੀ ਹੋ ਗਏ। ਇਸ ਘਟਨਾ ਕਾਰਨ ਪੂਰੇ ਸ਼ਹਿਰ ਵਿਚ ਸੋਗ ਦੀ ਲਹਿਰ ਦੌੜ ਗਈ। ਮ੍ਰਿਤਕਾਂ ਵਿੱਚ ਪਰਮਜੀਤ ਸਿੰਘ ਚੱਢਾ (42) ਤੋਂ ਇਲਾਵਾ ਉਸ ਦੇ ਦੋ ਪੁੱਤਰ 16 ਸਾਲਾ ਸਰਬਜੀਤ ਸਿੰਘ ਉਰਫ ਅਵੀ ਅਤੇ 14 ਸਾਲਾ ਅੰਸ਼ ਸਿੰਘ ਸ਼ਾਮਲ ਹਨ, ਜਦੋਂਕਿ ਉਸ ਦੀ ਪਤਨੀ ਇੰਦਰਪ੍ਰੀਤ ਕੌਰ ਅਤੇ 5 ਸਾਲਾ ਧੀ ਦੋਵੇਂ ਜ਼ਖਮੀ ਹੋ ਗਏ।

ਪ੍ਰਾਪਤ ਜਾਣਕਾਰੀ ਅਨੁਸਾਰ ਪਰਮਜੀਤ ਸਿੰਘ ਆਪਣੇ ਪਰਿਵਾਰ ਸਮੇਤ ਬਰੇਲੀ ਵਿਖੇ ਇਕ ਵਿਆਹ ਸਮਾਗਮ ਵਿਚ ਸ਼ਾਮਲ ਹੋਣ ਲਈ ਗਿਆ ਹੋਇਆ ਸੀ ਅਤੇ ਉਥੇ ਕੁਝ ਹੋਰ ਰਿਸ਼ਤੇਦਾਰ ਵੀ ਮੌਜੂਦ ਸਨ ਅਤੇ ਬੀਤੀ ਰਾਤ ਜਦੋਂ ਉਹ ਵਿਆਹ ਸਮਾਗਮ ਤੋਂ ਵਾਪਸ ਪਰਤ ਰਹੇ ਸਨ ਤਾਂ ਕਾਰ ਦਾ ਟਾਇਰ ਹਵਾ ਤੋਂ ਨਿਕਲ ਗਿਆ ਅਤੇ ਜਦੋਂ ਹਵਾ ਭਰਨ ਲਈ ਜਦੋਂ ਉਹ ਫਤਿਹਗੰਜ ਟੋਲ ਪਲਾਜ਼ਾ ਨੇੜੇ ਰੁਕਿਆ ਤਾਂ ਇੱਥੇ ਉਹ ਅਜੇ ਆਪਣੀ ਕਾਰ ਵਿਚ ਹਵਾ ਭਰ ਰਿਹਾ ਸੀ ਕਿ ਇਕ ਤੇਜ਼ ਰਫਤਾਰ ਕੈਂਟਰ ਆਇਆ ਜਿਸ ਨੇ ਪਹਿਲਾਂ ਕਾਰ ਦੇ ਪਿੱਛੇ ਖੜ੍ਹੇ ਪਰਮਜੀਤ ਸਿੰਘ ਚੱਢਾ ਦੇ ਰਿਸ਼ਤੇਦਾਰ ਦੀ ਕਾਰ ਨੂੰ ਟੱਕਰ ਮਾਰ ਦਿੱਤੀ ਅਤੇ ਫਿਰ ਹਵਾ ਭਰ ਕੇ ਉਸ ਨੂੰ ਬੁਰੀ ਤਰ੍ਹਾਂ ਟੱਕਰ ਮਾਰ ਦਿੱਤੀ। ਕਾਰ ਦੇ ਬਾਹਰ ਖੜ੍ਹੇ ਪੁੱਤਰ ਅਤੇ ਪਿਤਾ ਦੀ ਮੌਤ ਹੋ ਗਈ।