ਬਲੇਨਹਾਈਮ ਪੈਲੇਸ ‘ਚੋਂ ਰਾਤੋ-ਰਾਤ ਸੁਨਹਿਰੀ ਟਾਇਲਟ ਹੋਇਆ ਚੋਰੀ

8 ਨਵੰਬਰ 2023: ਸੋਨੇ ਦੇ ਟਾਇਲਟ ਚੋਰੀ ਕਰਨ ਦੇ ਮਾਮਲੇ ਵਿੱਚ ਚਾਰ ਵਿਅਕਤੀਆਂ ਖ਼ਿਲਾਫ਼ ਦੋਸ਼ ਆਇਦ ਕੀਤੇ ਗਏ ਹਨ। ਇਸ ਦੀ ਚੋਰੀ 6 ਨਵੰਬਰ 2019 ਨੂੰ ਹੋਈ ਸੀ। 18 ਕੈਰੇਟ ਸੋਨੇ ਨਾਲ ਬਣੇ ਇਸ ਟਾਇਲਟ ਨੂੰ ਆਰਟ ਸਥਾਪਨਾ ਦਾ ਹਿੱਸਾ ਬਣਾਇਆ ਗਿਆ ਸੀ। ਇਹ ਟਾਇਲਟ ਬਲੇਨਹਾਈਮ ਪੈਲੇਸ ਤੋਂ ਚੋਰੀ ਹੋਇਆ ਸੀ। ਇਸ ਟਾਇਲਟ ਦਾ ਨਾਂ ‘ਅਮਰੀਕਾ’ ਰੱਖਿਆ ਗਿਆ ਸੀ। ਇਸ ਦੀ ਕੀਮਤ 4.8 ਮਿਲੀਅਨ ਪੌਂਡ, ਲਗਭਗ 50 ਕਰੋੜ ਰੁਪਏ ਹੈ।

ਜਾਣੋ ਪੂਰਾ ਮਾਮਲਾ
ਇਹ ਘਟਨਾ 14 ਸਤੰਬਰ, 2019 ਦੀ ਹੈ, ਜਦੋਂ ਇਹ ਇੱਕ ਕਲਾ ਪ੍ਰਦਰਸ਼ਨੀ ਦੌਰਾਨ ਰੱਖੀ ਗਈ ਸੀ। ਬਲੇਨਹਾਈਮ ਪੈਲੇਸ ਯੂਕੇ ਦੇ ਸਾਬਕਾ ਪ੍ਰਧਾਨ ਮੰਤਰੀ ਵਿੰਸਟਨ ਚਰਚਿਲ ਦਾ ਜਨਮ ਸਥਾਨ ਹੈ। ਆਕਸਫੋਰਡਸ਼ਾਇਰ ਵਿੱਚ ਉਸਦੇ ਮਹਿਲ ਵਿੱਚ ਦਾਖਲ ਹੋ ਕੇ ਅਤੇ ਕਮੋਡ ਨੂੰ ਉਖਾੜ ਕੇ ਚੋਰ ਫਰਾਰ ਹੋ ਗਏ। ਚੋਰਾਂ ਨੇ ਇਸ ਨੂੰ ਲੱਕੜ ਦੇ ਫਰਸ਼ ਤੋਂ ਉਖਾੜ ਦਿੱਤਾ ਸੀ, ਜਿਸ ਨਾਲ ਮਹਿਲ ਵਿਚ ਹੜ੍ਹ ਆ ਗਿਆ ਅਤੇ ਭਾਰੀ ਨੁਕਸਾਨ ਹੋਇਆ।