ਕੋਲੰਬੀਆ ‘ਚ 316 ਸਾਲ ਪੁਰਾਣੇ ਜਹਾਜ਼ ਨੂੰ ਸਮੁੰਦਰ ‘ਚੋ ਕੱਢਿਆ ਜਾਵੇਗਾ ਬਾਹਰ

24 ਫਰਵਰੀ 2024: ਕੋਲੰਬੀਆ ਦੀ ਸਰਕਾਰ ਨੇ ਸ਼ੁੱਕਰਵਾਰ ਨੂੰ ਘੋਸ਼ਣਾ ਕੀਤੀ ਹੈ ਕਿ ਉਹ 316 ਸਾਲ ਪਹਿਲਾਂ ਕੋਲੰਬੀਆ ਦੇ ਕੈਰੇਬੀਅਨ (ਐਟਲਾਂਟਿਕ ਮਹਾਸਾਗਰ) ਵਿੱਚ ਡੁੱਬੇ ਸਪੈਨਿਸ਼ ਸਮੁੰਦਰੀ ਜਹਾਜ਼ ਸੈਨ ਜੋਸ ਦੇ ਮਲਬੇ ਅਤੇ ਖਜ਼ਾਨੇ ਨੂੰ ਮੁੜ ਪ੍ਰਾਪਤ ਕਰਨ ਲਈ ਪਾਣੀ ਦੇ ਹੇਠਾਂ ਖੋਜ ਸ਼ੁਰੂ ਕਰੇਗੀ। ਇਸ ਦੇ ਲਈ ਰੋਬੋਟ ਨੂੰ ਜਲ ਸੈਨਾ ਦੇ ਜਹਾਜ਼ ਦੀ ਨਿਗਰਾਨੀ ‘ਚ ਸਮੁੰਦਰ ‘ਚ ਭੇਜਿਆ ਜਾਵੇਗਾ।

ਇਹ ਰੋਬੋਟ ਸਾਲ ਪਹਿਲਾਂ ਡੁੱਬੇ ਸਪੈਨਿਸ਼ ਜਹਾਜ਼ ਬਾਰੇ ਜਾਣਕਾਰੀ ਇਕੱਠੀ ਕਰੇਗਾ। ਇਸ ਦੌਰਾਨ ਉਹ ਮਲਬੇ ਦਾ ਕੁਝ ਹਿੱਸਾ ਬਾਹਰ ਕੱਢੇਗਾ। ਫਿਰ ਦੇਖਿਆ ਜਾਵੇਗਾ ਕਿ ਸਾਲਾਂ ਬਾਅਦ ਜਦੋਂ ਪਾਣੀ ਨਿਕਲਦਾ ਹੈ ਤਾਂ ਮਲਬੇ ਵਿਚ ਕੀ ਬਦਲਾਅ ਆਉਂਦੇ ਹਨ। ਇਸ ਗੱਲ ਦੀ ਵੀ ਜਾਂਚ ਕੀਤੀ ਜਾਵੇਗੀ ਕਿ ਜਹਾਜ਼ ਦੇ ਬਾਕੀ ਬਚੇ ਮਲਬੇ ਦਾ ਕਿਹੜਾ ਹਿੱਸਾ ਬਾਹਰ ਕੱਢਿਆ ਜਾ ਸਕਦਾ ਹੈ। ਜਹਾਜ਼ ਦਾ ਮਲਬਾ ਸਮੁੰਦਰ ‘ਚ 2 ਹਜ਼ਾਰ ਫੁੱਟ ਦੀ ਡੂੰਘਾਈ ‘ਤੇ ਹੈ।