ਪੰਜਾਬ ‘ਚ ਨਵਾਂ ਸੰਕਟ ਹੋਇਆ ਪੈਦਾ,ਟੈਂਡਰ ਨਾ ਹੋਣ ਕਾਰਨ ਆਟਾ ਮਿੱਲਾਂ ਠੱਪ, ਮੰਡੀ ‘ਚ ਆਟਾ-ਰੋਟੀ ਹੋਇਆ ਮਹਿੰਗਾ

ਭਾਰਤੀ ਖੁਰਾਕ ਨਿਗਮ (ਐਫਸੀਆਈ) ਵੱਲੋਂ ਕਰੀਬ ਪੰਜ ਮਹੀਨਿਆਂ ਤੋਂ ਕਣਕ ਦੇ ਟੈਂਡਰ ਜਾਰੀ ਨਾ ਕੀਤੇ ਜਾਣ ਕਾਰਨ ਪੰਜਾਬ ਦੀਆਂ ਆਟਾ ਮਿੱਲਾਂ ਦਾ ਕੰਮ ਲਗਭਗ ਠੱਪ ਹੋ ਕੇ ਰਹਿ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਕੇਂਦਰ ਸਰਕਾਰ ਵੱਲੋਂ ਓਪਨ ਮਾਰਕੀਟ ਸੇਲ ਸਕੀਮ (ਓ.ਐੱਮ.ਐੱਸ.ਐੱਸ.) ਨੂੰ ਸੋਧਿਆ ਨਹੀਂ ਗਿਆ ਹੈ, ਜਿਸ ਕਾਰਨ ਐੱਫ.ਸੀ.ਆਈ. ਦੇ ਆਨਲਾਈਨ ਟੈਂਡਰਾਂ ਨੂੰ ਮੁਅੱਤਲ ਕਰ ਦਿੱਤਾ ਗਿਆ ਹੈ। ਇਸ ਕਾਰਨ ਆਟਾ ਅਤੇ ਮੈਦਾ ਸਮੇਤ ਇਨ੍ਹਾਂ ਤੋਂ ਬਣੇ ਉਤਪਾਦ ਬਾਜ਼ਾਰ ਵਿੱਚ ਮਹਿੰਗੇ ਹੋ ਗਏ ਹਨ।

ਪੰਜਾਬ ਕੋਲ 116.32 ਲੱਖ ਮੀਟਰਕ ਟਨ ਅਨਾਜ ਹੈ: ਘਨਸ਼ਿਆਮ
ਐਫਸੀਆਈ ਪੰਜਾਬ ਦੇ ਚੰਡੀਗੜ੍ਹ ਸਥਿਤ ਡਿਪਟੀ ਡਾਇਰੈਕਟਰ ਜਨਰਲ (ਜਨਰਲ) ਸੀਐਚ ਘਨਸ਼ਿਆਮ ਨੇ ਦੱਸਿਆ ਕਿ ਪੰਜਾਬ ਵਿੱਚ ਨਿਗਮ ਦੇ ਗੋਦਾਮਾਂ ਵਿੱਚ 116.32 ਮੀਟ੍ਰਿਕ ਲੱਖ ਟਨ (ਐਮਐਲਟੀ) ਅਨਾਜ ਮੌਜੂਦ ਹੈ। ਇਸ ਵਿੱਚ ਕਣਕ ਤੋਂ ਇਲਾਵਾ ਚੌਲ ਵੀ ਸ਼ਾਮਲ ਹੈ। ਪੀਡੀਸੀ ਲਈ ਅਨਾਜ ਦੀ ਕੋਈ ਕਮੀ ਨਹੀਂ ਹੈ। ਕੇਂਦਰ ਵੱਲੋਂ ਨੀਤੀ ਜਾਰੀ ਨਹੀਂ ਕੀਤੀ ਗਈ ਹੈ। ਇਸ ਦੇ ਜਾਰੀ ਹੁੰਦੇ ਹੀ ਓਪਨ ਮਾਰਕੀਟ ਸੇਲ ਸਕੀਮ ਤਹਿਤ ਆਨਲਾਈਨ ਟੈਂਡਰ ਖੋਲ੍ਹੇ ਜਾਣਗੇ।

ਇੱਥੇ ਆਟੇ (ਪ੍ਰਤੀ 10 ਕਿਲੋ) ਦੀ ਕੀਮਤ ਵਿੱਚ 2 ਰੁਪਏ ਦਾ ਵਾਧਾ ਹੋਇਆ ਹੈ।
ਸ਼ਹਿਰ ਆਟਾ ਪਹਿਲਾਂ (ਬ੍ਰਾਂਡੇਡ) ਹੁਣ (ਔਸਤ)
ਲੁਧਿਆਣਾ 320 350
ਚੰਡੀਗੜ੍ਹ 300 350
ਪੰਚਕੂਲਾ 340 360
ਮੋਹਾਲੀ 340 390