ਪੰਜਾਬੀ ਗਾਇਕ ਜਸਬੀਰ ਜੱਸੀ ਤੇ ਹੰਸ ਰਾਜ ਹੰਸ ਵਿਚਾਲੇ ਛਿੜੀ ਸੋਸ਼ਲ ਮੀਡੀਆ ਜੰਗ

ਜਲੰਧਰ 3 ਨਵੰਬਰ 2023 : ਪੰਜਾਬੀ ਗਾਇਕ ਜਸਬੀਰ ਜੱਸੀ ਅਤੇ ਹੰਸਰਾਜ ਹੰਸ ਵਿਚਾਲੇ ਸੋਸ਼ਲ ਮੀਡੀਆ ‘ਤੇ ਜੰਗ ਛਿੜ ਗਈ ਹੈ। ਜਸਬੀਰ ਜੱਸੀ ਨੇ ਸੋਸ਼ਲ ਮੀਡੀਆ ‘ਤੇ ਵਾਰ-ਵਾਰ ਡੇਰਿਆਂ ‘ਚ ਨਾ ਜਾਣ ਅਤੇ ਗਾਉਣ ਦੀ ਗੱਲ ਕੀਤੀ ਅਤੇ ਅਜਿਹਾ ਕਰਨ ਵਾਲਿਆਂ ਦਾ ਵਿਰੋਧ ਕੀਤਾ।

ਹੰਸ ਨੇ ਕਿਹਾ, ”ਮੈਂ ਖੁਦ ਉਸ (ਜੱਸੀ) ਨੂੰ ਸਮਝਾਵਾਂਗਾ ਕਿ ਪੁੱਤਰ, ਬੋਲਣ ਤੋਂ ਪਹਿਲਾਂ ਸੋਚੋ। ਜੇਕਰ ਕੋਈ ਤੁਹਾਨੂੰ ਦਰਗਾਹ ‘ਤੇ ਜਾ ਕੇ ਗਾਉਣ ਲਈ ਕਹੇ, ਤਾਂ ਤੁਸੀਂ ਕਹਿੰਦੇ ਹੋ ਕਿ ਮੈਂ ਉੱਥੇ ਜਾ ਕੇ ਨਹੀਂ ਗਾਉਣਾ। ਜਦੋਂ ਅੱਜ ਤੱਕ ਤੁਹਾਨੂੰ ਕਿਸੇ ਨੇ ਸੱਦਾ ਨਹੀਂ ਦਿੱਤਾ ਅਤੇ ਤੁਸੀਂ ਘਰ ਬੈਠੇ ਕਹਿੰਦੇ ਹੋ ਕਿ ਵੱਡੇ ਘਰਾਂ ਵਿੱਚ ਵਿਆਹ ਹੋ ਰਿਹਾ ਹੈ, ਮੈਂ ਉੱਥੇ ਨਹੀਂ ਜਾਵਾਂਗਾ, ਉਨ੍ਹਾਂ ਨੇ ਤੁਹਾਨੂੰ ਸੱਦਾ ਵੀ ਨਹੀਂ ਦਿੱਤਾ।” ਹੰਸ ਨੇ ਕਿਹਾ ਕਿ ਘਰ ਬੈਠ ਕੇ ਮੈਂ ਵੀ ਫੈਸਲਾ ਕਰ ਸਕਦਾ ਹਾਂ। ਮੈਨੂੰ ਯਕੀਨ ਹੈ ਕਿ ਮੈਂ ਨਹੀਂ ਗਾਵਾਂਗਾ, ਪਰ ਜੇ ਕੋਈ ਨਾ ਬੁਲਾਵੇ ਤਾਂ ਗਾਉਣਾ ਕਿੱਥੇ ਹੈ? ਜੱਸੀ ਦਾ ਬਾਈਕਾਟ ਕਿਵੇਂ ਹੋ ਸਕਦਾ ਹੈ ਜਦੋਂ ਉਸ ਨੂੰ ਕਿਸੇ ਨੇ ਡੇਰੇ ਵਿੱਚ ਬੁਲਾਇਆ ਹੀ ਨਹੀਂ।

ਓਥੇ ਹੀ ਗਾਇਕ ਜਸਬੀਰ ਜੱਸੀ ਨੇ ਵੀ ਸੋਸ਼ਲ ਮੀਡੀਆ ‘ਤੇ ਕੁਮੈਂਟ ਕਰਕੇ ਹੰਸਰਾਜ ਹੰਸ ਦੀਆਂ ਗੱਲਾਂ ਦਾ ਜਵਾਬ ਦਿੱਤਾ। ਜੱਸੀ ਨੇ ਟਿੱਪਣੀ ਕੀਤੀ ਅਤੇ ਲਿਖਿਆ, “ਹੰਸਰਾਜ ਹੰਸ ਜੀ ਕੁਦਰਤ ਦੁਆਰਾ ਬਖਸ਼ੇ ਇੱਕ ਮਹਾਨ ਕਲਾਕਾਰ ਹਨ। ਭਾਜੀ ਨੇ ਰਾਜਨੀਤੀ ਵਿੱਚ ਆ ਕੇ ਆਪਣਾ ਅਤੇ ਮਿਊਜ਼ਿਕ ਇੰਡਸਟਰੀ ਨੂੰ ਬਹੁਤ ਵੱਡਾ ਨੁਕਸਾਨ ਪਹੁੰਚਾਇਆ ਹੈ। ਭਾਜੀ ਸਿਰਫ ਗਾਉਣ ਅਤੇ ਲੋਕਾਂ ਨੂੰ ਸਿਖਾਉਣੀ ਚਾਹੀਦੀ ਹੈ।ਹੁਣ ਦੇਖਣਾ ਇਹ ਹੈ ਕਿ ਸੋਸ਼ਲ ਮੀਡੀਆ ‘ਤੇ ਦੋਵਾਂ ਕਲਾਕਾਰਾਂ ਦੀ ਇਹ ਜੰਗ ਕੀ ਰੂਪ ਧਾਰਨ ਕਰਦੀ ਹੈ। ਹਾਲਾਂਕਿ ਜੱਸੀ ਅਨੁਸਾਰ ਉਹ ਅਜੇ ਵੀ ਆਪਣੇ ਡੇਰੇ ਦੇ ਬਿਆਨ ‘ਤੇ ਕਾਇਮ ਹੈ, ਦੂਜੇ ਪਾਸੇ ਹੰਸਰਾਜ ਹੰਸ ਖੁਦ ਗਾਇਕ ਹੋਣ ਦੇ ਨਾਲ-ਨਾਲ ਨਕੋਦਰ ਸਥਿਤ ਡੇਰਾ ਬਾਪੂ ਲਾਲ ਬਾਦਸ਼ਾਹ ਦਾ ਮੁੱਖ ਸੇਵਾਦਾਰ ਵੀ ਹੈ।