ਅਜੇ ਦੇਵਗਨ ਦੀ ਫਿਲਮ ‘ਭੋਲਾ’ ਦਾ Trailer ਰਿਲੀਜ਼, ਦੇਖੋ ਫਿਲਮ ਦੀਆਂ ਖਾਸ ਗੱਲਾਂ

ਜੇਕਰ ਬਾਲੀਵੁੱਡ ਦੇ ਦਮਦਾਰ ਅਭਿਨੇਤਾ ਦੀ ਗੱਲ ਕਰੀਏ ਤਾਂ ਇਸ ‘ਚ ਅਜੇ ਦੇਵਗਨ ਦਾ ਨਾਂ ਜ਼ਰੂਰ ਸ਼ਾਮਲ ਹੋਵੇਗਾ। ਅਜੇ ਦੇਵਗਨ ਨੇ ਆਪਣੀ ਦਮਦਾਰ ਭੂਮਿਕਾ ਨਾਲ ਫੈਨਜ਼ ਦੇ ਦਿਲ ਤੇ ਰਾਜ ਕੀਤਾ। ਹੁਣ ਫੇਰ ਆਉਣ ਵਾਲੇ ਸਮੇਂ ‘ਚ ਅਜੇ ਦੇਵਗਨ ਫਿਲਮ ‘ਭੋਲਾ’ ‘ਚ ਧਮਾਲਾਂ ਪਾਉਂਦੇ ਨਜ਼ਰ ਆਉਣਗੇ। ਸੋਮਵਾਰ 6 ਮਾਰਚ ਨੂੰ ਅਜੇ ਦੇਵਗਨ ਦੀ ਫਿਲਮ ‘ਭੋਲਾ’ ਦਾ 3ਡੀ ‘ਚ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। । ਫਿਲਮ ‘ਭੋਲਾ’ ‘ਚ ਅਜੇ ਤੋਂ ਇਲਾਵਾ ਸੁਪਰਸਟਾਰ ਤੱਬੂ ਮੁੱਖ ਭੂਮਿਕਾ ‘ਚ ਹੈ। ਇਥੇ ਇਹ ਦੱਸ ਦੇਈਏ ਐਤਵਾਰ ਨੂੰ ਅਜੇ ਦੇਵਗਨ ਨੇ ਸੋਸ਼ਲ ਮੀਡੀਆ ‘ਤੇ ਆਪਣੀ ਆਉਣ ਵਾਲੀ ਫਿਲਮ ‘ਭੋਲਾ’ ਦੇ ਟ੍ਰੇਲਰ ਰਿਲੀਜ਼ ਹੋਣ ਦੀ ਜਾਣਕਾਰੀ ਦਿੱਤੀ ਸੀ । ਪ੍ਰਸ਼ੰਸਕ ਫਿਲਮ ‘ਭੋਲਾ’ ਦੇ ਟ੍ਰੇਲਰ ਦਾ ਇੰਤਜ਼ਾਰ ਕਰ ਰਹੇ ਸਨ। ‘ਭੋਲਾ’ ਦੇ ਇਸ ਸ਼ਾਨਦਾਰ ਟ੍ਰੇਲਰ ‘ਚ ਤੁਸੀਂ ਦੇਖੋਗੇ ਕਿ ਅਜੇ ਦੇਵਗਨ ਬੁਰਾਈ ਦਾ ਨਾਸ਼ ਕਰਦੇ ਨਜ਼ਰ ਆ ਰਹੇ ਹਨ। ਇਸ ਦੇ ਨਾਲ ਹੀ ਅਜੇ ਮੱਥੇ ‘ਤੇ ਭਸਮ ਲਗਾ ਕੇ ਦੁਸ਼ਮਣਾਂ ਨੂੰ ਸਬਕ ਸਿਖਾਉਂਦੇ ਨਜ਼ਰ ਆ ਰਹੇ ਹਨ। ‘ਭੋਲਾ’ ਪਿਤਾ-ਧੀ ਦੇ ਰਿਸ਼ਤੇ ਦੀ ਸ਼ਾਨਦਾਰ ਕਹਾਣੀ ਹੈ, ਜੋ ਅਜੇ ਦੇਵਗਨ ਦੀ ਫਿਲਮ ਨੂੰ ਖਾਸ ਬਣਾਉਂਦੀ ਹੈ।

‘ਭੋਲਾ’ ‘ਚ ਬਾਲੀਵੁੱਡ ਅਭਿਨੇਤਰੀ ਤੱਬੂ ਇਕ ਵਾਰ ਫਿਰ ਪੁਲਸ ਵਾਲੇ ਦੇ ਕਿਰਦਾਰ ‘ਚ ਆਪਣਾ ਦਮ ਦਿਖਾਉਂਦੀ ਨਜ਼ਰ ਆ ਰਹੀ ਹੈ। ਕੁੱਲ ਮਿਲਾ ਕੇ ‘ਭੋਲਾ’ ਦਾ ਟ੍ਰੇਲਰ ਐਕਸ਼ਨ ਅਤੇ ਐਡਵੈਂਚਰ ਨਾਲ ਭਰਪੂਰ ਹੋਣ ਜਾ ਰਿਹਾ ਹੈ। ਦੱਸਣਯੋਗ ਹੈ ਕਿ ਅਜੇ ਦੇਵਗਨ ਦੀ ‘ਭੋਲਾ’ ਦੱਖਣੀ ਸੁਪਰਸਟਾਰ ਕਾਰਤੀ ਦੀ ਸੁਪਰਹਿੱਟ ਫਿਲਮ ‘ਕੈਥੀ’ ਦਾ ਅਧਿਕਾਰਤ ਰੀਮੇਕ ਹੈ।

‘ਦ੍ਰਿਸ਼ਮ 2’ ਦੀ ਜ਼ਬਰਦਸਤ ਸਫਲਤਾ ਤੋਂ ਬਾਅਦ ਪ੍ਰਸ਼ੰਸਕ ਅਜੇ ਦੇਵਗਨ ਦੀ ‘ਭੋਲਾ’ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਅਜਿਹੇ ‘ਚ ਹੁਣ ‘ਭੋਲਾ’ ਦੇ ਟ੍ਰੇਲਰ ਨੇ ਵੀ ਪ੍ਰਸ਼ੰਸਕਾਂ ਦਾ ਉਤਸ਼ਾਹ ਵਧਾ ਦਿੱਤਾ ਹੈ। ਦੱਸਣਯੋਗ ਹੈ ਕਿ ‘ਭੋਲਾ’ ਦੀ ਰਿਲੀਜ਼ ਡੇਟ ਬਾਰੇ ਤਾਂ ਦੱਸ ਦੇਈਏ ਕਿ ਅਜੇ ਦੇਵਗਨ ਅਤੇ ਤੱਬੂ ਸਟਾਰਰ ਇਹ ਫਿਲਮ ਇਸ ਮਹੀਨੇ 30 ਮਾਰਚ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗੀ