Uncategorized
ਬਾਦਸ਼ਾਹ ਨੇ ‘ਬਚਪਨ ਕਾ ਪਿਆਰ’ ਫ਼ੇਮ ਸਹਿਦੇਵ ਨੂੰ ਦਿੱਤਾ ਸ਼ੂਟਿੰਗ ਲਈ ਚੰਡੀਗੜ੍ਹ ਤੋਂ ਸੱਦਾ

ਇਨ੍ਹੀਂ ਦਿਨੀਂ ਸੋਸ਼ਲ ਮੀਡੀਆ ‘ਤੇ ਇਕ ਗੀਤ ‘ਬਚਪਨ ਕਾ ਪਿਆਰ’ ਸੋਸ਼ਲ ਮੀਡੀਆ’ ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਿਹਾ ਹੈ। ਲੋਕ ਇਸ ਵਾਇਰਲ ਵੀਡੀਓ ਨੂੰ ਜ਼ਬਰਦਸਤ ਤਰੀਕੇ ਸ਼ੇਅਰ ਕਰ ਰਹੇ ਹਨ। ਸੋਸ਼ਲ ਮੀਡੀਆ ਵਰਤੋਂਕਾਰਾਂ ਨਾਲ, ਬਾਲੀਵੁੱਡ ਦੇ ਕਈ ਮਸ਼ਹੂਰ ਲੋਕ ਵੀ ਇਸ ਗਾਣੇ ‘ਤੇ ਨਾਚ ਕਰਦੇ ਦਿਖਾਈ ਦਿੱਤੇ ਹਨ। ਲੋਕ ਇਸ ਵੀਡੀਓ ਨੂੰ ਬਹੁਤ ਪਸੰਦ ਕਰ ਰਹੇ ਹਨ। ਹਾਲ ਹੀ ‘ਚ ਬਾਲੀਵੁੱਡ ਗਾਇਕ ਬਾਦਸ਼ਾਹ ਨੇ ਵੀ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਇੱਕ ਵੀਡੀਓ ਸ਼ੇਅਰ ਕੀਤਾ ਹੈ। ਇਸ ਵੀਡੀਓ ਵਿੱਚ ਉਨ੍ਹਾਂ ਨਾਲ ਆਸ਼ਾ ਗਿੱਲ ਵੀ ਨਜ਼ਰ ਆ ਰਹੇ ਹਨ। ਇਸ ਵੀਡੀਓ ‘ਚ ਸਕੂਲ ਦੀ ਵਰਦੀ ਪਾਈ ਇਕ ਬੱਚੀ ਅਧਿਆਪਕਾਂ ਦੇ ਸਾਮ੍ਹਣੇ ‘ਬਚਪਨ ਕਾ ਪਿਆਰ ਭੂਲ ਨਹੀਂ ਜਾਨਾ ਰੇ’ ਗਾਉਂਦੀ ਦਿਸ ਰਹੀ ਹੈ। ਇਸ ਬੱਚੇ ਦਾ ਨਾਮ ਸਹਿਦੇਵ ਹੈ, ਜੋ ਛੱਤੀਸਗੜ੍ਹ ਦੇ ਸੁਕਮਾ ਦੇ ਛਿੰਦਗੜ੍ਹ ਬਲਾਕ ਵਿੱਚ ਰਹਿੰਦਾ ਹੈ। ਵਾਇਰਲ ਹੋ ਰਹੀ ਵੀਡੀਓ ਦੋ ਸਾਲ ਪੁਰਾਣੀ ਹੈ। ਹੁਣ ਬਾਦਸ਼ਾਹ ਨੇ ਇਸ ਬੱਚੇ ਨਾਲ ਵੀਡੀਓ ਕਾਲ ‘ਤੇ ਗੱਲ ਕੀਤੀ ਤੇ ਉਸ ਨੂੰ ਮਿਲਣ ਲਈ ਚੰਡੀਗੜ੍ਹ ਬੁਲਾਇਆ। ਇਸ ਤੋਂ ਬਾਅਦ ਇਹ ਉਮੀਦ ਕੀਤੀ ਜਾ ਰਹੀ ਹੈ ਕਿ ਬਾਦਸ਼ਾਹ ਸਹਿਦੇਵ ਨਾਲ ਗਾਣੇ ਦੀ ਸ਼ੂਟਿੰਗ ਕਰ ਸਕਦੇ ਹਨ।