Uncategorized
ਚਿੰਤਪੁਰਨੀ ਤੋਂ ਪਰਤ ਰਹੇ ਇਕ ਪਰਿਵਾਰ ਦੀ ਜ਼ਬਰਦਸਤ ਸੜਕ ਹਾਦਸੇ ‘ਚ 3 ਦੀ ਮੌਤ
ਆਏ ਦਿਨ ਸੜਕੀ ਹਾਦਸਿਆਂ ਦੀਆਂ ਖਬਰਾਂ ਸਾਹਮਣੇ ਆ ਰਹੀਆਂ ਹਨ। ਚਿੰਤਪੁਰਨੀ ਤੋਂ ਵਾਪਿਸ ਆ ਰਹੇ ਇਕ ਪਰਿਵਾਰ ਦੀ ਲੁਧਿਆਣਾ ਬਰਨਾਲਾ ਮੁੱਖ ਮਾਰਗ ‘ਤੇ ਪਿੰਡ ਵਜੀਦਕੇ ਕਲਾਂ ਨੇੜੇ ਦਰਦਨਾਕ ਸੜਕ ਹਾਦਸੇ ‘ਚ ਇਕ ਪਰਿਵਾਰ ਦੇ ਚਾਰ ਮੈਂਬਰ ਵਿੱਚੋਂ ਦੋ ਪਰਿਵਾਰਕ ਮੈਂਬਰਾਂ ਦੀ ਮੌਕੇ ਤੇ ਮੌਤ ਹੋ ਗਈ ਤੇ ਨਾਲ ਹੀ ਤੀਸਰੇ ਵਿਅਕਤੀ ਦੀ ਸਿਵਲ ਹਸਪਤਾਲ ਬਰਨਾਲਾ ਵਿਖੇ ਇਲਾਜ਼ ਦੌਰਾਨ ਮੌਤ ਹੋ ਗਈ। ਇਸ ਪਰਿਵਾਰ ਚੋਂ ਇਕ ਲੜਕੀ ਗੰਭੀਰ ਹੈ ਜਿਸ ਨੂੰ ਚੰਡੀਗੜ੍ਹ ਵਿਖੇ ਪੀਜੀਆਈ ਰੈਫਰ ਕੀਤਾ ਗਿਆ ਹੈ। ਪਰਿਵਾਰ ਮੰਡੀ ਕਾਲਾਂਵਾਲੀ ਹਰਿਆਣਾ ਦਾ ਰਹਿਣ ਵਾਲਾ ਹੈ।
ਮਿਲੀ ਜਾਣਕਾਰੀ ਅਨੁਸਾਰ ਸਾਰੇ ਪਰਿਵਾਰਕ ਮੈਂਬਰ ਤੇ ਉਨ੍ਹਾਂ ਦਾ ਡਰਾਈਵਰ ਚਿੰਤਪੁਰਨੀ ਤੋਂ ਮੱਥਾ ਟੇਕ ਕੇ ਵਾਪਿਸ ਘਰ ਜਾ ਰਹੇ ਸੀ, ਜਿਸ ਦੌਰਾਨ ਉਨ੍ਹਾਂ ਦੀ ਗੱਡੀ ਟਰੱਕ ਨਾਲ ਟਕਰਾ ਗਈ, ਜਿਸ ਨਾਲ ਦੋ ਦੀ ਮੌਕੇ ਤੇ ਮੌਤ ਹੋਈ ਤੇ ਇਕ ਨੂੰ ਗੰਬੀਰ ਹਾਲਤ ਵਿੱਚ ਬਰਨਾਲੇ ਦੇ ਸਿਵਲ ਦੇ ਹਸਪਤਾਲ ‘ਚ ਦਾਖਲ ਕਰਵਾਇਆ ਗਿਆ, ਹਾਲਤ ਇੰਨੀ ਖਰਾਬ ਸੀ ਕਿ ਉਸ ਨੂੰ ਉਥੇਂ ਮੌਤ ਹੋ ਗਈ। ਇਨ੍ਹਾਂ ਸਭ ਵਿੱਚੋਂ ਇਕ ਪਰਿਵਾਰ ਦਾ ਮੈਂਬਰ ਬਚਿਆ ਹੈ। ਜਿਸ ਦੀ ਹਾਲਤ ਗੰਬੀਰ ਹੋਣ ਕਰਕੇ ਉਸ ਨੂੰ ਪੀਜੀਆਈ ਰੈਫਰ ਕੀਤਾ ਗਿਆ ਹੈ। ਮ੍ਰਿਤਕਾਂ ਦੇ ਨਾਮ ਕਮਲਦੀਪ ਪੁੱਤਰ ਜਗਨਨਾਥ ਕਾਲਾਂਵਾਲੀ ਮੰਡੀ ਹਰਿਆਣਾ, ਸੰਜੇ ਸਿੰਗਲਾ ਦੀਵਾਨ ਪੁੱਤਰ ਸਿੰਗਲਾ ਸਥਾਨ ਮਲੋਟ, ਡਾ. ਰਮੇਸ਼ ਪੁੱਤਰ ਬਨਾਰਸੀ ਦਾਸ ਮੰਡੀ ਕਾਲਾਂਵਾਲੀ ਹਰਿਆਣਾ ਹਨ।
