Punjab
ਕੈਬਿਨਟ ਮੰਤਰੀ ਲਾਲਜੀਤ ਭੁੱਲਰ ਪਹੁੰਚੇ ਜ਼ੀਰਾ, ਨਰੇਸ਼ ਕਟਾਰੀਆ ਦੀ ਅਗਵਾਈ ‘ਚ ਕੀਤੀ ਵਰਕਰ ਮਿਲਣੀ
4 ਅਪ੍ਰੈਲ 2024: ਕੈਬਿਨਟ ਮੰਤਰੀ ਅਤੇ ਆਮ ਆਦਮੀ ਪਾਰਟੀ ਵੱਲੋਂ ਹਲਕਾ ਖਡੂਰ ਸਾਹਿਬ ਤੋਂ ਉਮੀਦਵਾਰ ਲਾਲਜੀਤ ਭੁੱਲਰ ਅੱਜ ਜ਼ੀਰਾ ਪਹੁੰਚੇ। ਉੱਥੇ ਉਨਾਂ ਨੇ ਜ਼ੀਰਾ ਦੇ ਅਗਰਵਾਲ ਭਵਨ ਵਿਖੇ ਹਲਕਾ ਜੀਰਾ ਤੋਂ ਵਿਧਾਇਕ ਨਰੇਸ਼ ਕਟਾਰੀਆ ਦੀ ਅਗਵਾਈ ਵਿੱਚ ਵਰਕਰ ਮਿਲਣੀ ਕੀਤੀ। ਇਸ ਵਰਕਰ ਮਿਲਣੀ ਨੇ ਉਸ ਸਮੇਂ ਇੱਕ ਰੈਲੀ ਦਾ ਰੂਪ ਧਾਰਨ ਕਰ ਲਿਆ ਜਦੋਂ ਵੱਡੀ ਗਿਣਤੀ ਦੇ ਵਿੱਚ ਵਰਕਰ ਇਸ ਮਿਲਣੀ ਦੇ ਵਿੱਚ ਪਹੁੰਚੇ।
ਸੰਬੋਧਨ ਦੌਰਾਨ ਲਾਲਜੀਤ ਭੁੱਲਰ ਨੇ ਜਿੱਥੇ ਆਪਣੀ ਪਾਰਟੀ ਵੱਲੋਂ ਕੀਤੇ ਜਾ ਰਹੇ ਕੰਮ ਗਿਣਵਾਏ ਉੱਥੇ ਹੀ ਵਿਰੋਧੀ ਪਾਰਟੀਆਂ ਨੂੰ ਆਪਣੇ ਨਿਸ਼ਾਨੇ ਤੇ ਲੈਂਦਿਆਂ ਤਿੱਖੇ ਸ਼ਬਦੀ ਵਾਰ ਕੀਤੇ। ਸੰਬੋਧਨ ਦੌਰਾਨ ਉਨਾਂ ਨੇ ਹਰ ਇੱਕ ਵਿਰੋਧੀ ਪਾਰਟੀ ਨੂੰ ਆਪਣੇ ਸ਼ਬਦੀ ਵਾਰਾਂ ਨਾਲ ਚੰਗੀ ਤਰ੍ਹਾਂ ਰਗੜੇ ਲਗਾਏ ।
