ਕਿਸਾਨ ਜਥੇਬੰਦੀਆਂ ਦੇ ਧਰਨੇ ‘ਤੇ CM ਮਾਨ ਨੇ ਕੀਤਾ ਵੱਡਾ ਹਮਲਾ, ਜਾਣੋ ਵੇਰਵਾ

ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਨੇ ਕਿਸਾਨ ਜਥੇਬੰਦੀਆਂ ਦੇ ਧਰਨੇ ‘ਤੇ ਵੱਡਾ ਹਮਲਾ ਕੀਤਾ ਹੈ। CM ਨੇ ਕਿਹਾ ਕਿ ਅੱਜਕਲ ਕਿਸਾਨ ਬਿਨਾਂ ਕਿਸੇ ਕਾਰਨ ਧਰਨੇ ‘ਤੇ ਬੈਠ ਜਾਂਦੇ ਹਨ। ਪਹਿਲਾਂ ਕਿਸਾਨ ਧਰਨੇ ਦਾ ਕਾਰਨ ਦੇਖਦੇ ਸਨ ਪਰ ਹੁਣ ਉਹ ਥਾਂ ਦੇਖਦੇ ਹਨ। ਉਨ੍ਹਾਂ ਕਿਹਾ ਕਿ ਅਸੀਂ ਗੱਲਬਾਤ ਲਈ ਤਿਆਰ ਹਾਂ, ਫਿਰ ਵਿਰੋਧ ਕਿਸ ਲਈ?

ਦਰਅਸਲ ਮੁੱਖ ਮੰਤਰੀ ਅੱਜ ਸੰਗਰੂਰ ਦੇ ਧੂਰੀ ਵਿਖੇ ‘ਲੋਕ ਮਿਲਨੀ’ ਪ੍ਰੋਗਰਾਮ ਨੂੰ ਸੰਬੋਧਨ ਕਰ ਰਹੇ ਸਨ। ਉਨ੍ਹਾਂ ਕਿਹਾ ਕਿ ਜੇਕਰ ਫੈਕਟਰੀਆਂ ਕਾਰਨ ਪਾਣੀ ਗੰਦਾ ਹੁੰਦਾ ਹੈ ਤਾਂ ਉਹ ਹੜਤਾਲ ’ਤੇ ਚਲੇ ਜਾਂਦੇ ਹਨ। ਕਿਸਾਨ ਪਹਿਲਾਂ ਵੀ ਪਰਾਲੀ ਨੂੰ ਅੱਗ ਲਗਾ ਦਿੰਦੇ ਸਨ, ਹੁਣ ਕਣਕ ਦੀ ਨਾੜ ਨੂੰ ਵੀ ਅੱਗ ਲਗਾ ਰਹੇ ਹਨ। ਟਰੇਨਾਂ ਨੂੰ ਰੋਕ ਕੇ ਕਹਿ ਰਹੇ ਹਨ ਕਿ ਅਸੀਂ ਸੈਂਟਰਲ ਟਰੇਨ ਨੂੰ ਰੋਕ ਰਹੇ ਹਾਂ।

ਇਸ ਦੌਰਾਨ ਮੁੱਖ ਮੰਤਰੀ ਨੇ ਕਿਹਾ ਕਿ ਕੱਲ੍ਹ ਕੁਝ ਨਵਾਂ ਕਰਨ ਜਾ ਰਿਹਾ ਹੈ, ਜੋ ਦੇਸ਼ ਵਿੱਚ ਪਹਿਲਾਂ ਕਦੇ ਨਹੀਂ ਹੋਇਆ। ਇਸ ਸਬੰਧੀ ਭਲਕੇ ਪ੍ਰੈੱਸ ਕਾਨਫਰੰਸ ਕਰਨਗੇ। ਇਸੇ ਟੋਲ ਪਲਾਜ਼ਾ ‘ਤੇ ਬੋਲਦਿਆਂ ਮੁੱਖ ਮੰਤਰੀ ਨੇ ਕਿਹਾ ਕਿ ਸੂਬੇ ‘ਚ ਹੁਣ ਤੱਕ 9 ਬੰਦ ਹੋ ਚੁੱਕੇ ਹਨ, ਹੋਰ ਵੀ ਕੀਤੇ ਜਾਣੇ ਬਾਕੀ ਹਨ।