ਲੁਧਿਆਣਾ ਦੇ ਗੰਦੇ ਨਾਲੇ ‘ਚੋਂ ਮਿਲੀ ਲਾਸ਼…

7ਅਕਤੂਬਰ 2023: ਲੁਧਿਆਣਾ ‘ਚ 22 ਦਿਨ ਪਹਿਲਾਂ ਹੋਏ ਨੌਜਵਾਨ ਦੇ ਕਤਲ ਮਾਮਲੇ ‘ਚ ਵੱਡਾ ਖੁਲਾਸਾ ਹੋਇਆ ਹੈ। ਇਸ ਮਾਮਲੇ ਵਿੱਚ ਗ੍ਰਿਫ਼ਤਾਰ ਕੀਤੇ ਗਏ ਦੋ ਵਿਅਕਤੀਆਂ ਵਿੱਚੋਂ ਇੱਕ ਈ-ਰਿਕਸ਼ਾ ਚਲਾਉਂਦਾ ਹੈ। ਮੁਲਜ਼ਮ ਕਾਲੀ ਰੋਡ ਦਾ ਰਹਿਣ ਵਾਲਾ ਹੈ। ਉਸ ਨੇ ਹੀ ਨੌਜਵਾਨ ਦਾ ਕਤਲ ਕਰਨ ਤੋਂ ਬਾਅਦ ਉਸ ਨੂੰ ਨਾਲੇ ‘ਚ ਸੁੱਟ ਦਿੱਤਾ ਸੀ। ਮ੍ਰਿਤਕ ਦੀ ਪਛਾਣ ਲੀਲਨ ਵਜੋਂ ਹੋਈ ਹੈ। ਉਸ ਦੀ ਲਾਸ਼ ਘੋੜੀ ਸਰਕਾਰ ਨੇੜੇ ਇੱਕ ਗੰਦੇ ਨਾਲੇ ਵਿੱਚੋਂ ਮਿਲੀ।

ਈ- ਰਿਕਸ਼ਾ ਚਲਾਉਣਾ ਬੰਦ ਕਰ ਦਿੱਤਾ, ਜੂਸ ਵੇਚਣ ਲੱਗਾ
ਮੁਲਜ਼ਮ ਵਿਕਾਸ ਇੰਨਾ ਜ਼ਾਲਮ ਸੀ ਕਿ ਕਤਲ ਕਰਨ ਦੇ 1-2 ਦਿਨਾਂ ਬਾਅਦ ਹੀ ਉਸ ਨੇ ਰਿਕਸ਼ਾ ਚਲਾਉਣ ਦਾ ਕੰਮ ਛੱਡ ਦਿੱਤਾ ਅਤੇ ਜੂਸ ਦਾ ਸਟਾਲ ਚਲਾਉਣਾ ਸ਼ੁਰੂ ਕਰ ਦਿੱਤਾ, ਤਾਂ ਜੋ ਕਿਸੇ ਨੂੰ ਸ਼ੱਕ ਨਾ ਹੋਵੇ। ਮੁਲਜ਼ਮ ਦਾ ਦੂਜਾ ਸਾਥੀ ਧਰਮਿੰਦਰ ਪਹਿਲਾਂ ਹੀ ਜੂਸ ਵੇਚਣ ਦਾ ਕੰਮ ਕਰਦਾ ਹੈ। ਧਰਮਿੰਦਰ ਦਾ ਭਰਾ ਲੀਲਨ ਨਾਲ ਰਹਿੰਦਾ ਸੀ। ਉਸ ਨੇ ਆਪਣੀ ਕਮਾਈ ਦਾ ਕੋਈ ਪੈਸਾ ਧਰਮਿੰਦਰ ਨੂੰ ਨਹੀਂ ਦਿੱਤਾ। ਇਸ ਕਾਰਨ ਉਸ ਨੂੰ ਲੀਲਨ ਨਾਲ ਨਰਾਜ਼ਗੀ ਸੀ।

ਉਸਨੂੰ ਸ਼ੱਕ ਸੀ ਕਿ ਸ਼ਾਇਦ ਲੀਲਨ ਉਸਦੇ ਭਰਾ ਨੂੰ ਉਸਦੇ ਖਿਲਾਫ ਭੜਕਾ ਰਿਹਾ ਹੈ। ਧਰਮਿੰਦਰ ਆਪਣੇ ਭਰਾ ਨਾਲ ਠੀਕ ਨਹੀਂ ਚੱਲਦੇ ਸਨ। ਇਸ ਕਾਰਨ ਉਸ ਨੇ ਵਿਕਾਸ ਨਾਲ ਮਿਲ ਕੇ ਇਸ ਕਤਲ ਨੂੰ ਅੰਜਾਮ ਦਿੱਤਾ।