ਫਿਰੋਜ਼ਪੁਰ: ਸਤਲੁਜ ਦੇ ਪਾਣੀ ‘ਚ ਆਏ ਸੱਪ ਨੇ 16 ਸਾਲਾਂ ਲੜਕੀ ਨੂੰ ਡੰਗਿਆ,ਲੜਕੀ ਦੀ ਹੋਈ ਮੌਤ

ਪਿੰਡ ਵਿੱਚ ਪਾਣੀ ਆਉਣ ਕਾਰਨ ਦੂਸਰੇ ਪਿੰਡ ਕੀਤਾ ਜਾਵੇਗਾ ਬੱਚੀ ਦਾ ਅੰਤਿਮ ਸੰਸਕਾਰ

26 JULY 2023: ਫਿਰੋਜ਼ਪੁਰ ਦੇ ਪਿੰਡ ਨਿਹਾਲਾ ਲਿਵੇਰਾ ਵਿਖੇ ਸਤਲੁਜ ਦੇ ਪਾਣੀ ਵਿੱਚ ਆਏ ਇੱਕ ਸੱਪ ਨੇ ਗਰੀਬ ਪਰਿਵਾਰ ਦੀ ਧੀ ਨੂੰ ਡੰਗ ਲਿਆ ਹੈ। ਜਿਸ ਦੌਰਾਨ ਉਸਦੀ ਮੌਤ ਹੋ ਜਾਂਦੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਮ੍ਰਿਤਕ ਲੜਕੀ ਗੀਤਾਂ ਜੋ ਬੋਲ ਨਹੀਂ ਸਕਦੀ ਸੀ ਅਤੇ ਉਹ ਘਰ ਅੰਦਰ ਮੰਜੇ ਤੇ ਪਈ ਹੋਈ ਸੀ ਕਿ ਪਾਣੀ ਵਿੱਚ ਆਏ ਸੱਪ ਨੇ ਉਸਨੂੰ ਡੰਗ ਲਿਆ ਅਤੇ ਪਤਾ ਚੱਲਣ ਤੇ ਜਦ ਉਸਨੂੰ ਹਸਪਤਾਲ ਲਿਜਾਇਆ ਜਾ ਰਿਹਾ ਸੀ। ਤਾਂ ਰਸਤੇ ਵਿੱਚ ਉਸਦੀ ਮੌਤ ਹੋ ਜਾਂਦੀ ਹੈਂ,ਪਿੰਡ ਵਾਸੀਆਂ ਨੇ ਦੱਸਿਆ ਲੜਕੀ ਦਾ ਪਰਿਵਾਰ ਬਹੁਤ ਗਰੀਬ ਹੈ। ਇਸ ਲਈ ਉਨ੍ਹਾਂ ਮੰਗ ਕੀਤੀ ਹੈ ਕਿ ਸਰਕਾਰ ਇਸ ਪਰਿਵਾਰ ਦੀ ਵੱਧ ਤੋਂ ਵੱਧ ਮਦਦ ਕਰੇਂ। ਪਿੰਡ ਵਿੱਚ ਪਾਣੀ ਦਾਖਲ ਹੋਣ ਕਾਰਨ ਮ੍ਰਿਤਕ ਲੜਕੀ ਦਾ ਅੰਤਿਮ ਸੰਸਕਾਰ ਵੀ ਦੂਸਰੇ ਪਿੰਡ ਵਿੱਚ ਕੀਤਾ ਜਾਣਾ ਹੈ।