GST ਹੋ ਗਿਆ ਘੱਟ! ਆਮ ਆਦਮੀ ਨੂੰ ਵੱਡੀ ਰਾਹਤ

ਕੇਂਦਰ ਸਰਕਾਰ ਨੇ ਆਮ ਆਦਮੀ ਨੂੰ ਵੱਡੀ ਰਾਹਤ ਦਿੱਤੀ ਹੈ।  ਸਰਕਾਰ ਨੇ ਹੁਣ GST ਘਟਾ ਦਿੱਤਾ ਹੈ। GST ਸਲੈਬ ਵਿੱਚ ਬਦਲਾਅ ਕਾਰਨ ਰੋਜ਼ਾਨਾ ਦੀਆਂ ਕਈ ਚੀਜ਼ਾਂ ਸਸਤੀਆਂ ਹੋ ਜਾਣਗੀਆਂ। GST ਕੌਂਸਲ ਦੀ ਮੀਟਿੰਗ  ਦਿੱਲੀ ਵਿੱਚ ਹੋਈ। ਇਸ ਮੀਟਿੰਗ ਵਿੱਚ ਹੀ ਕਈ ਇਸ ਪ੍ਰਸਤਾਵਾਂ ਨੂੰ ਮਨਜ਼ੂਰੀ ਦਿੱਤੀ ਗਈ। ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਦੇ ਅਨੁਸਾਰ, ਹੁਣ ਸਿਰਫ਼ ਦੋ GST ਸਲੈਬ 5 ਪ੍ਰਤੀਸ਼ਤ ਅਤੇ 18 ਪ੍ਰਤੀਸ਼ਤ ਹੋਣਗੇ। ਹੁਣ GST ਸਲੈਬ 12 ਪ੍ਰਤੀਸ਼ਤ ਅਤੇ 28 ਪ੍ਰਤੀਸ਼ਤ ਨੂੰ ਖਤਮ ਕਰ ਦਿੱਤਾ ਗਿਆ ਹੈ। ਇਨ੍ਹਾਂ ਸਲੈਬਾਂ ਵਿੱਚ ਜ਼ਿਆਦਾਤਰ ਜ਼ਰੂਰੀ ਚੀਜ਼ਾਂ ਸ਼ਾਮਲ ਹਨ।  ਨੁਕਸਾਨਦੇਹ ਵਸਤੂਆਂ ਲਈ ਇੱਕ ਵੱਖਰਾ ਸਲੈਬ ਹੋਵੇਗਾ, ਜੋ ਕਿ 40 ਪ੍ਰਤੀਸ਼ਤ ਹੈ। GST ਬਦਲਣ ਦਾ ਫੈਸਲਾ 22 ਸਤੰਬਰ ਤੋਂ ਦੇਸ਼ ਭਰ ਵਿੱਚ ਲਾਗੂ ਕੀਤਾ ਜਾਵੇਗਾ। ਆਓ ਜਾਣਦੇ ਹਾਂ GST ਘਟਾਉਣ ਤੋਂ ਬਾਅਦ ਕੀ ਸਸਤਾ ਹੋਵੇਗਾ ਅਤੇ ਕੀ ਮਹਿੰਗਾ ਹੋਵੇਗਾ?

Gst ਘੱਟਣ ਨਾਲ ਕੀ ਕੁਝ ਸਸਤਾ ਹੋਵੇਗਾ

ਜਿਨ੍ਹਾਂ ਵਸਤਾਂ ‘ਤੇ GST 5 ਪ੍ਰਤੀਸ਼ਤ ਤੱਕ ਘਟਾ ਦਿੱਤਾ ਗਿਆ ਹੈ, ਉਨ੍ਹਾਂ ਵਿੱਚ ਵਾਲਾਂ ਦਾ ਤੇਲ, ਟਾਇਲਟ ਸਾਬਣ, ਸਾਬਣ ਦੀਆਂ ਪੱਟੀਆਂ, ਸ਼ੈਂਪੂ, ਟੁੱਥਬ੍ਰਸ਼, ਟੁੱਥਪੇਸਟ, ਸਾਈਕਲ, ਟੇਬਲਵੇਅਰ, ਰਸੋਈ ਦੇ ਸਾਮਾਨ ਅਤੇ ਹੋਰ ਘਰੇਲੂ ਸਮਾਨ ਸ਼ਾਮਲ ਹਨ।

ਜਿਨ੍ਹਾਂ ਵਸਤਾਂ ‘ਤੇ GST 5 ਪ੍ਰਤੀਸ਼ਤ ਤੋਂ ਘਟਾ ਕੇ ਜ਼ੀਰੋ ਕੀਤਾ ਗਿਆ ਹੈ, ਉਹ ਹਨ ਦੁੱਧ, ਬਰੈੱਡ, ਅਤੇ ਪਨੀਰ। ਯਾਨੀ, ਰੋਟੀ ਜਾਂ ਪਰਾਠਾ ਇਨ੍ਹਾਂ ਸਾਰਿਆਂ ‘ਤੇ GST ਜ਼ੀਰੋ ਹੋਵੇਗਾ।

GST 12 ਪ੍ਰਤੀਸ਼ਤ ਨੂੰ ਹਟਾ ਕੇ 5 ਪ੍ਰਤੀਸ਼ਤ ਕਰ ਦਿੱਤਾ ਗਿਆ ਹੈ। ਉਹ ਨਮਕੀਨ, ਭੁਜੀਆ, ਸਾਸ, ਪਾਸਤਾ, ਇੰਸਟੈਂਟ ਨੂਡਲਜ਼, ਚਾਕਲੇਟ, ਕੌਫੀ, ਸੁਰੱਖਿਅਤ ਮੀਟ, ਕੌਰਨਫਲੇਕਸ, ਮੱਖਣ, ਘਿਓ ਵਰਗੀਆਂ ਖਾਣ-ਪੀਣ ਦੀਆਂ ਵਸਤਾਂ 5 ਪ੍ਰਤੀਸ਼ਤ GST ਦੇ ਦਾਇਰੇ ਵਿੱਚ ਹਨ।

GST 28 ਪ੍ਰਤੀਸ਼ਤ ਤੋਂ ਘਟਾ ਕੇ 18 ਪ੍ਰਤੀਸ਼ਤ ਕਰਨ ਵਿੱਚ ਏਅਰ ਕੰਡੀਸ਼ਨਿੰਗ ਮਸ਼ੀਨਾਂ, ਟੀਵੀ, ਡਿਸ਼ਵਾਸ਼ਿੰਗ ਮਸ਼ੀਨਾਂ, ਛੋਟੀਆਂ ਕਾਰਾਂ, ਮੋਟਰਸਾਈਕਲ ਸ਼ਾਮਲ ਹਨ।

ਦਵਾਈਆਂ ‘ਤੇ ਵੀ GST 12 ਪ੍ਰਤੀਸ਼ਤ ਤੋਂ ਘਟਾ ਕੇ ਜ਼ੀਰੋ ਕਰ ਦਿੱਤਾ ਗਿਆ ਹੈ।