ਲੁਧਿਆਣਾ ਵਾਸੀਆਂ ਲਈ ਅਹਿਮ ਖ਼ਬਰ, ਇਹ ਰਸਤਾ ਰਹੇਗਾ ਬੰਦ

PUNJAB: ਲੁਧਿਆਣਾ ਵਾਸੀਆਂ ਲਈ ਅਹਿਮ ਖ਼ਬਰ ਸਾਹਮਣੇ ਆਈ ਹੈ। ਦਰਅਸਲ ਡੇਹਲੋਂ-ਸਾਹਨੇਵਾਲ ਰੋਡ ‘ਤੇ ਖਾਨਪੁਰ ਸੂਏ ਪੁਲ ਦੀ ਨਵੀਂ ਉਸਾਰੀ ਸ਼ੁਰੂ ਕੀਤੀ ਜਾਣੀ ਹੈ। ਨਹਿਰੀ ਵਿਭਾਗ ਉਸਾਰੀ ਦਾ ਕੰਮ ਦੇਖ ਰਿਹਾ ਹੈ। ਉਸਾਰੀ ਕਾਰਨ ਇੱਕ ਮਹੀਨੇ ਤੱਕ ਇਸ ਮਾਰਗ ’ਤੇ ਆਵਾਜਾਈ ਪ੍ਰਭਾਵਿਤ ਰਹੇਗੀ। ਜਿਸ ਕਾਰਨ ਟਰੈਫਿਕ ਪੁਲਿਸ ਨੇ ਲੋਕਾਂ ਨੂੰ ਹੋਰ ਬਦਲਵੇਂ ਰਸਤਿਆਂ ਦੀ ਵਰਤੋਂ ਕਰਨ ਦੀ ਅਪੀਲ ਕੀਤੀ ਹੈ।

ਪੁਲਿਸ ਵੱਲੋਂ ਜਾਰੀ ਰੂਟ ਪਲਾਨ ਅਨੁਸਾਰ ਕੋਹਾੜਾ, ਸਾਹਨੇਵਾਲ ਤੋਂ ਆਉਣ ਵਾਲੇ ਅਤੇ ਡੇਹਲੋਂ ਜਾਂ ਮਲੇਰਕੋਟਲਾ ਰੋਡ ਵੱਲ ਜਾਣ ਵਾਲੇ ਭਾਰੀ ਵਾਹਨਾਂ ਨੂੰ ਟਿੱਬਾ ਨਹਿਰ ਪੁਲ ਤੋਂ ਸਾਊਥ ਬਾਈਪਾਸ, ਗਿੱਲ ਨਹਿਰ ਦੇ ਪੁਲ ਰਾਹੀਂ ਮਲੇਰਕੋਟਲਾ ਰੋਡ ’ਤੇ ਜਾਣਾ ਚਾਹੀਦਾ ਹੈ। ਇਸੇ ਤਰ੍ਹਾਂ ਡੇਹਲੋਂ-ਮਲੇਰਕੋਟਲਾ ਰੋਡ ਤੋਂ ਸਾਹਨੇਵਾਲ ਜਾਂ ਦੋਰਾਹਾ ਵੱਲ ਜਾਣ ਵਾਲੇ ਭਾਰੀ ਵਾਹਨਾਂ ਨੂੰ ਡੇਹਲੋਂ ਚੌਕ ਤੋਂ ਟਿੱਬਾ ਨਹਿਰ ਪੁਲ, ਸਾਹਨੇਵਾਲ, ਕੋਹੜਾ ਅਤੇ ਚੰਡੀਗੜ੍ਹ ਤੋਂ ਗਿੱਲ ਨਹਿਰ ਪੁਲ ਵੱਲ ਜਾਣਾ ਚਾਹੀਦਾ ਹੈ।

ਦੋਰਾਹਾ ਤੋਂ ਆਉਣ ਵਾਲੇ ਅਤੇ ਡੇਹਲੋਂ-ਮਲੇਰਕੋਟਲਾ ਰੋਡ ‘ਤੇ ਜਾਣ ਵਾਲੇ ਭਾਰੀ ਵਾਹਨਾਂ ਨੂੰ ਗਿੱਲ ਨਹਿਰ ਦੇ ਪੁਲ ਤੋਂ ਦੱਖਣੀ ਬਾਈਪਾਸ ਰਾਹੀਂ ਮਲੇਰਕੋਟਲਾ ਰੋਡ ਵੱਲ ਜਾਣਾ ਚਾਹੀਦਾ ਹੈ। ਜਦੋਂਕਿ ਹਲਕੇ ਵਾਹਨ ਖਾਨਪੁਰ ਪਿੰਡ ਵਿੱਚੋਂ ਲੰਘਦੇ ਹੋਏ ਅੱਗੇ ਜਾ ਸਕਣਗੇ। ਲੋਕਾਂ ਨੂੰ ਜਾਗਰੂਕ ਕਰਨ ਲਈ ਟਰੈਫਿਕ ਪੁਲੀਸ ਵੱਲੋਂ ਵੱਖ-ਵੱਖ ਥਾਵਾਂ ’ਤੇ ਬੋਰਡ ਲਾਏ ਗਏ ਹਨ ਅਤੇ ਕੁਝ ਮੁਲਾਜ਼ਮ ਵੀ ਡਿਊਟੀ ’ਤੇ ਤਾਇਨਾਤ ਕੀਤੇ ਗਏ ਹਨ।