ਇਟਲੀ ਦੇ ਪੀਐਮ ਮੇਲੋਨੀ ਨੇ PM ਨਰੇਂਦਰ ਮੋਦੀ ਨਾਲ ਲਈ ਸੈਲਫੀ

2 ਦਸੰਬਰ 2023: ਪ੍ਰਧਾਨ ਮੰਤਰੀ ਨਰੇਂਦਰ ਮੋਦੀ ਸ਼ੁੱਕਰਵਾਰ ਨੂੰ ਦੁਬਈ ‘ਚ ਸਨ। ਇੱਕ ਦਿਨ ਦੇ ਦੌਰੇ ਦੌਰਾਨ COP28 ਸੰਮੇਲਨ ਵਿੱਚ ਇਟਲੀ ਦੇ ਪ੍ਰਧਾਨ ਮੰਤਰੀ ਜਾਰਜੀਆ ਮੇਲੋਨੀ ਨਾਲ ਮੁਲਾਕਾਤ ਕੀਤੀ। ਇਸ ਦੌਰਾਨ ਦੋਵਾਂ ਨੇਤਾਵਾਂ ਨੇ ਸੈਲਫੀ ਵੀ ਲਈ। ਇਟਲੀ ਦੇ ਪ੍ਰਧਾਨ ਮੰਤਰੀ ਨੇ ਇਸ ਨੂੰ ਸੋਸ਼ਲ ਮੀਡੀਆ ‘ਤੇ ਸਾਂਝਾ ਕੀਤਾ ਹੈ। ਮੇਲੋਨੀ ਨੇ ਸੈਲਫੀ ਸਾਂਝੀ ਕੀਤੀ। ਹੈਸ਼ਟੈਗ ਅਤੇ ਕੈਪਸ਼ਨ ‘COP28 ‘ਤੇ ਚੰਗੇ ਦੋਸਤ’ #melody ਲਿਖਿਆ। ਇਸ ਨੂੰ ਮੋਦੀ ਅਤੇ ਮੇਲੋਨੀ ਦੇ ਨਾਵਾਂ ਨੂੰ ਜੋੜ ਕੇ ਦੇਖਿਆ ਜਾ ਰਿਹਾ ਹੈ। ਤਸਵੀਰ ਸ਼ੇਅਰ ਹੁੰਦੇ ਹੀ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਗਈ। ਐਕਸ ‘ਤੇ ਇਸ ਤਸਵੀਰ ਕਾਰਨ ‘ਮੇਲੋਡੀ’ ਟ੍ਰੈਂਡ ਬਣ ਗਈ।