Punjab
ਕਿਸਾਨ ਅੰਦੋਲਨ: ਹਰ ਟਰੈਕਟਰ ਨਾਲ ਸਿਲੰਡਰ-ਸਟੋਵ,ਲਗਾਤਾਰ ਚੱਲ ਰਿਹਾ ਲੰਗਰ
17 ਫਰਵਰੀ 2024: ਸ਼ੰਭੂ ਸਰਹੱਦ ‘ਤੇ ਪਿਛਲੇ ਪੰਜ ਦਿਨਾਂ ਤੋਂ ਲਗਾਤਾਰ ਕਿਸਾਨ ਅੰਦੋਲਨ ਚੱਲ ਰਿਹਾ ਹੈ। ਪੰਜਾਬ ਦੇ ਹਜ਼ਾਰਾਂ ਕਿਸਾਨ ਵੱਖ-ਵੱਖ ਸ਼ਹਿਰਾਂ ਅਤੇ ਪਿੰਡਾਂ ਤੋਂ ਪੰਜਾਬ-ਹਰਿਆਣਾ ਸਰਹੱਦ ‘ਤੇ ਆ ਪਹੁੰਚੇ ਹਨ। ਕੇਂਦਰ ਸਰਕਾਰ ਨਾਲ ਤਿੰਨ ਦੌਰ ਦੀ ਗੱਲਬਾਤ ਬੇਸਿੱਟਾ ਰਹੀ ਹੈ। ਸਾਰਿਆਂ ਦੀਆਂ ਨਜ਼ਰਾਂ ਹੁਣ ਐਤਵਾਰ ਨੂੰ ਚੌਥੇ ਦੌਰ ਦੀ ਗੱਲਬਾਤ ‘ਤੇ ਟਿਕੀਆਂ ਹੋਈਆਂ ਹਨ। ਇਸ ਦੌਰਾਨ ਸ਼ੰਭੂ ‘ਤੇ ਅਸਥਾਈ ਸ਼ਹਿਰ ਦੀ ਸਥਾਪਨਾ ਕੀਤੀ ਗਈ ਹੈ।
ਹਰ ਟਰੈਕਟਰ ਨਾਲ ਸਿਲੰਡਰ-ਸਟੋਵ
ਕਿਸਾਨਾਂ ਨੇ ਟਰੈਕਟਰ-ਟਰਾਲੀਆਂ ਅਤੇ ਖੁੱਲ੍ਹੇ ਅਸਮਾਨ ਹੇਠ ਆਪਣੇ ਘਰ ਬਣਾਏ ਹੋਏ ਹਨ। ਹਰ ਟਰੈਕਟਰ ਟਰਾਲੀ ਦੇ ਨੇੜੇ ਗੈਸ ਸਿਲੰਡਰ ਸਟੋਵ ਦੇ ਨਾਲ-ਨਾਲ ਰਾਸ਼ਨ ਦਾ ਵੀ ਪ੍ਰਬੰਧ ਕੀਤਾ ਗਿਆ ਹੈ। ਨੈਸ਼ਨਲ ਹਾਈਵੇਅ ਦੇ ਪੰਜ ਕਿਲੋਮੀਟਰ ਦੇ ਖੇਤਰ ਵਿੱਚ ਅਸਥਾਈ ਸ਼ਹਿਰ ਦੀ ਸਥਾਪਨਾ ਕੀਤੀ ਗਈ ਹੈ। ਕਿਸਾਨਾਂ ਲਈ ਪਾਣੀ ਦੇ ਟੈਂਕਰਾਂ ਦਾ ਪ੍ਰਬੰਧ ਕੀਤਾ ਗਿਆ ਹੈ। ਕਿਸਾਨ ਆਪੋ-ਆਪਣੀਆਂ ਟਰਾਲੀਆਂ ‘ਚ ਤਿਆਰ ਹੋ ਕੇ ਸੜਕ ‘ਤੇ ਹੀ ਇਸ਼ਨਾਨ ਕਰ ਰਹੇ ਹਨ ਅਤੇ ਧਰਨੇ ‘ਚ ਸ਼ਾਮਲ ਹੋ ਰਹੇ ਹਨ।
ਲਗਾਤਾਰ ਲੰਗਰ
ਵੱਡੀ ਪੱਧਰ ‘ਤੇ ਦੁੱਧ, ਖੀਰ, ਜਲੇਬੀ, ਪੁਰੀ ਛੋਲੇ ਅਤੇ ਪੀਣ ਵਾਲੇ ਪਦਾਰਥਾਂ ਤੋਂ ਇਲਾਵਾ ਦਾਲ-ਰੋਟੀ ਦਾ ਲੰਗਰ ਸਾਰਾ ਦਿਨ ਚੱਲਦਾ ਰਹਿੰਦਾ ਹੈ ਅਤੇ ਔਰਤਾਂ ਵੀ ਇਸ ਲਈ ਪੂਰੀ ਤਰ੍ਹਾਂ ਵਚਨਬੱਧ ਹਨ। ਰਾਤ ਸਮੇਂ ਬਹੁਤੇ ਕਿਸਾਨ ਆਪਣੇ ਵਾਹਨਾਂ ਵਿੱਚ ਸੌਂਦੇ ਹਨ ਅਤੇ ਬਾਕੀ ਆਪਣੇ ਮੰਜੇ ਵਿਛਾ ਕੇ ਸੜਕਾਂ ’ਤੇ ਲੇਟ ਜਾਂਦੇ ਹਨ।
ਰਾਤ ਨੂੰ ਸੁਰੱਖਿਆ ਵਿੰਗ ਦੇ ਪਹਿਰੇਦਾਰ
ਕਿਸਾਨਾਂ ਦਾ ਇੱਕ ਸੁਰੱਖਿਆ ਵਿੰਗ ਵੀ ਬਣਾਇਆ ਗਿਆ ਹੈ ਜੋ ਦਿਨ ਵੇਲੇ ਸਫਾਈ ਦਾ ਧਿਆਨ ਰੱਖਦੇ ਹਨ ਅਤੇ ਰਾਤ ਨੂੰ ਪਹਿਰਾ ਦਿੰਦੇ ਹਨ।
ਅਸਥਾਈ ਕਲੀਨਿਕ ਸਥਾਪਤ
ਸ਼ੰਭੂ ਬਾਰਡਰ ‘ਤੇ ਹੀ ਆਰਜ਼ੀ ਕਲੀਨਿਕ ਤਿਆਰ ਕੀਤੇ ਗਏ ਹਨ, ਜਿਸ ਵਿਚ ਹਰ ਸਹੂਲਤ ਮੁਹੱਈਆ ਕਰਵਾਈ ਗਈ ਹੈ। ਜੇਕਰ ਕਿਸੇ ਕਿਸਾਨ ਦੀ ਤਬੀਅਤ ਖ਼ਰਾਬ ਹੋ ਜਾਂਦੀ ਹੈ ਤਾਂ ਉੱਥੇ 10 ਤੋਂ ਵੱਧ ਐਂਬੂਲੈਂਸਾਂ ਮੌਜੂਦ ਹਨ ਜੋ ਤੁਰੰਤ ਮਰੀਜ਼ ਨੂੰ ਇਲਾਜ ਲਈ ਵੱਡੇ ਹਸਪਤਾਲ ਲੈ ਜਾਂਦੀਆਂ ਹਨ।
ਪਟਿਆਲਾ ਪ੍ਰਸ਼ਾਸਨ ਦਾ ਰੂਟ ਪਲਾਨ
ਅੰਬਾਲਾ ਤੋਂ ਦਿੱਲੀ ਜਾਣ ਵਾਲੇ ਰਸਤੇ ਨੂੰ ਨੈਸ਼ਨਲ ਹਾਈਵੇਅ ਸ਼ੰਭੂ ਟੋਲ ਪਲਾਜ਼ਾ ਤੋਂ ਮੋੜ ਦਿੱਤਾ ਗਿਆ ਹੈ। ਪਹਿਲਾ ਰੂਟ – ਸ਼ੰਭੂ-ਰਾਜਪੁਰਾ ਵਾਇਆ ਬਨੂੜ ਏਅਰਪੋਰਟ ਰੋਡ ਵਾਇਆ ਡੇਰਾਬੱਸੀ ਤੋਂ ਅੰਬਾਲਾ, ਦੂਸਰਾ ਰੂਟ – ਬਨੂੜ ਤੋਂ ਪੰਚਕੂਲਾ ਵਾਇਆ ਨਾਡਾ ਸਾਹਿਬ ਬਰਵਾਲਾ ਵਾਇਆ ਅੰਬਾਲਾ ਅਤੇ ਦਿੱਲੀ, ਤੀਜਾ ਰੂਟ-ਰਾਜਪੁਰਾ ਵਾਇਆ ਪਟਿਆਲਾ ਵਾਇਆ ਪਿਹੋਵਾ ਵਾਇਆ ਦਿੱਲੀ, ਚੌਥਾ ਰੂਟ-ਰਾਜਪੁਰਾ ਵਾਇਆ ਪਟਿਆਲਾ ਤੋਂ। 152 ਡੀ ਐਕਸਪ੍ਰੈਸ ਰੋਹਤਕ ਦਿੱਲੀ ਦਾ ਰੂਟ ਅਪਣਾਇਆ ਜਾ ਸਕਦਾ ਹੈ। ਇਸ ਲਈ ਸ਼ੰਭੂ ਸਰਹੱਦ ਤੋਂ ਪਹਿਲਾਂ ਬਨੂੜ ਤੇਪਲਾ ਵਾਲੇ ਰਸਤੇ ਤੋਂ ਇਲਾਵਾ ਘਨੌਰ ਬਹਾਦਰਗੜ੍ਹ ਦਾ ਰਸਤਾ ਵੀ ਅਪਣਾਇਆ ਜਾ ਸਕਦਾ ਹੈ। ਇਸ ਦੇ ਲਈ ਸ਼ੰਭੂ ਪੁਲਿਸ ਵੀ ਹਰ ਯਾਤਰੀ ਦੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਅਤੇ ਉਨ੍ਹਾਂ ਨੂੰ ਉਨ੍ਹਾਂ ਦੀ ਮੰਜ਼ਿਲ ਤੱਕ ਪਹੁੰਚਾਉਣ ਲਈ ਸੇਵਾ ਕਰ ਰਹੀ ਹੈ।
