Punjab
ਮਾਂ ਚਿੰਤਪੁਰਨੀ ਦੇ ਦਰਬਾਰ ਪਹੁੰਚੇ ਨਵਜੋਤ ਸਿੱਧੂ, ਪਤਨੀ ਨਵਜੋਤ ਕੌਰ ਸਿੱਧੂ ਨਾਲ ਲਿਆ ਮਾਂ ਦਾ ਆਸ਼ੀਰਵਾਦ…
![](https://worldpunjabi.tv/wp-content/uploads/2023/06/FzOR1nNWcAEZqJ7.jpg)
ਪੰਜਾਬ ਕਾਂਗਰਸ ਦੇ ਸਾਬਕਾ ਪ੍ਰਧਾਨ ਅਤੇ ਕਾਂਗਰਸੀ ਆਗੂ ਨਵਜੋਤ ਸਿੰਘ ਸਿੱਧੂ ਪਰਿਵਾਰ ਸਣੇ ਮਾਤਾ ਚਿੰਤਪੁਰਨੀ ਦੇ ਦਰਬਾਰ ਪਹੁੰਚੇ ਹਨ, ਜਿਥੇ ਉਹਨਾਂ ਮਾਤਾ ਦੇ ਦਰਸ਼ਨ ਕੀਤੇ ‘ਤੇ ਮਾਂ ਦਾ ਆਸ਼ੀਰਵਾਦ ਲਿਆ। ਚਿੰਤਪੁਰਨੀ ਮੰਦਰ ਪਹੁੰਚਣ ‘ਤੇ ਮੰਦਰ ਟਰੱਸਟ ਦੇ ਅਧਿਕਾਰੀਆਂ ਅਤੇ ਪੁਜਾਰੀਆਂ ਵੱਲੋਂ ਉਨ੍ਹਾਂ ਦਾ ਸਵਾਗਤ ਕੀਤਾ ਗਿਆ।
ਇਸ ਮੌਕੇ ਚਿੰਤਪੁਰਨੀ ਮੰਦਿਰ ਦੇ ਪੁਜਾਰੀ ਅਤੇ ਕਾਂਗਰਸ ਸਕੱਤਰ ਸੰਜੀਵ ਕਾਲੀਆ ਨੇ ਵੈਦਿਕ ਮੰਤਰਾਂ ਦਾ ਜਾਪ ਕਰਕੇ ਪੂਜਾ ਅਰਚਨਾ ਕੀਤੀ ਅਤੇ ਮਾਤਾ ਦੇ ਦਰਬਾਰ ਵਿੱਚ ਹਾਜ਼ਰੀ ਲਗਵਾਈ। ਮੰਦਰ ਟਰੱਸਟ ਚਿੰਤਪੁਰਨੀ ਅਤੇ ਪੁਜਾਰੀਆਂ ਵੱਲੋਂ ਮਾਤਾ ਰਾਣੀ ਦੀ ਚੁੰਨੀ ਮੰਦਰ ਦੇ ਅਧਿਕਾਰੀ ਬਲਵੰਤ ਸਿੰਘ ਵੱਲੋਂ ਭੇਟ ਕੀਤੀ ਗਈ। ਇਸ ਮੌਕੇ ਸੂਬਾ ਕਾਂਗਰਸ ਸਕੱਤਰ ਸੰਜੀਵ ਕਾਲੀਆ, ਪੁਜਾਰੀ ਬਾੜੀਦਾਰ ਸਭਾ ਦੇ ਪ੍ਰਧਾਨ ਰਵਿੰਦਰ ਛਿੰਦਾ, ਗੁਰਚਰਨ ਸਿੰਘ, ਏ.ਐਸ.ਆਈ. ਵਚਿਤਰਾ ਸਿੰਘ, ਮੰਦਰ ਅਧਿਕਾਰੀ ਬਲਵੰਤ ਸਿੰਘ ਸਮੇਤ ਹੋਰ ਹਾਜ਼ਰ ਸਨ।