ਰਾਸ਼ਟਰੀ ਸਿਨੇਮਾ ਦਿਵਸ ‘ਤੇ ਮਿਲੇਗਾ 100 ਰੁਪਏ ਤੋਂ ਘੱਟ ‘ਚ ਫਿਲਮ ਦੇਖਣ ਦਾ ਮੌਕਾ

21ਸਤੰਬਰ 2023:  ਮਲਟੀਪਲੈਕਸ ਐਸੋਸੀਏਸ਼ਨ ਆਫ ਇੰਡੀਆ ਦੇਸ਼ ਭਰ ਦੇ ਸਾਰੇ ਸਿਨੇਮਾਘਰਾਂ ਵਿੱਚ 13 ਅਕਤੂਬਰ ਨੂੰ ਰਾਸ਼ਟਰੀ ਸਿਨੇਮਾ ਦਿਵਸ ਵਜੋਂ ਮਨਾਏਗੀ। ਇਸ ਦਿਨ ਪ੍ਰਤੀ ਫਿਲਮ ਟਿਕਟ ਦੀ ਕੀਮਤ ਸਿਰਫ 99 ਰੁਪਏ ਹੋਵੇਗੀ। ਪਿਛਲੇ ਸਾਲ ਵੀ ਸਿਨੇਮਾ ਦਾ ਇਹ ਤਿਉਹਾਰ ਮਨਾਇਆ ਗਿਆ ਸੀ। ਹੁਣ ਇੱਕ ਵਾਰ ਫਿਰ ਇਹ ਦਿਨ ਸਿਨੇਮਾ ਪ੍ਰੇਮੀਆਂ ਲਈ ਮਨਾਇਆ ਜਾਵੇਗਾ। , ਇਸ ਦੇ ਨਾਲ ਹੀ ਸਾਰੀਆਂ ਫਿਲਮਾਂ ਦੀਆਂ ਟਿਕਟਾਂ ਦੀਆਂ ਕੀਮਤਾਂ ‘ਤੇ ਭਾਰੀ ਛੋਟ ਮਿਲੇਗੀ, ਚਾਹੇ ਉਹ ਜਵਾਨ ਹੋਵੇ ਜਾਂ ਗਦਰ 2।

ਮਲਟੀਪਲੈਕਸ ਐਸੋਸੀਏਸ਼ਨ ਆਫ ਇੰਡੀਆ (MAI) ਨੇ ਰਾਸ਼ਟਰੀ ਸਿਨੇਮਾ ਦਿਵਸ ਦਾ ਐਲਾਨ ਕੀਤਾ ਹੈ। ਇਸ ਸਾਲ ਵੀ ਮਲਟੀਪਲੈਕਸ ਐਸੋਸੀਏਸ਼ਨ ਆਫ ਇੰਡੀਆ ਇਕ ਵਾਰ ਫਿਰ ਇਹ ਆਫਰ ਲੈ ਕੇ ਆਈ ਹੈ। ਰਾਸ਼ਟਰੀ ਸਿਨੇਮਾ ਦਿਵਸ 13 ਅਕਤੂਬਰ 2023 ਨੂੰ ਮਨਾਇਆ ਜਾਵੇਗਾ। ਇੱਕ ਦਿਨ ਲਈ ਦੇਸ਼ ਭਰ ਵਿੱਚ ਸਾਰੀਆਂ ਫਿਲਮਾਂ ਦੀਆਂ ਟਿਕਟਾਂ ਦੀ ਕੀਮਤ ਸਿਰਫ 99 ਰੁਪਏ ਰਹਿ ਜਾਵੇਗੀ। ਜਵਾਨ ਹੋਵੇ ਜਾਂ ਗਦਰ 2, ਜਾਂ ਨਵੀਆਂ ਰਿਲੀਜ਼ ਹੋਈਆਂ ਫਿਲਮਾਂ, ਦਰਸ਼ਕ ਹੁਣ ਕੋਈ ਵੀ ਫਿਲਮ 100 ਰੁਪਏ ਤੋਂ ਘੱਟ ਵਿੱਚ ਦੇਖ ਸਕਣਗੇ।