ਜਲੰਧਰ ‘ਚ ਅਕਾਲੀ ਦਲ ਦੀ ਅਗਵਾਈ ਹੇਠ ਕੀਤੇ ਗਏ ਰੋਸ ਪ੍ਰਦਰਸ਼ਨ

• ਜਲੰਧਰ ‘ਚ ਅੱਜ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਦੇ ਆਦੇਸ਼ਾਂ ਅਨੁਸਾਰ ਅਕਾਲੀ ਦਲ ਜਲੰਧਰ ਸ਼ਹਿਰੀ ਵਲੋਂ ਜੱਥੇਦਾਰ ਕੁਲਵੰਤ ਸਿੰਘ ਮੰਨਣ ਪ੍ਰਧਾਨ ਜ਼ਿਲ੍ਹਾ ਅਕਾਲੀ ਦਲ ਦੀ ਅਗਵਾਈ ਹੇਠ ਰੋਸ ਪ੍ਰਦਰਸ਼ਨ ਕੀਤੇ ਗਏ ।

ਜਲੰਧਰ, 07 ਜੁਲਾਈ (ਪਰਮਜੀਤ ਰੰਗਪੁਰੀ): ਅਕਾਲੀ ਦਲ ਦੀ ਜਲੰਧਰ ਟੀਮ ਵੱਲੋਂ ਅੱਜ ਤੇਲ ਦੀਆਂ ਵਧੀਆਂ ਕੀਮਤਾਂ ਕਾਰਨ ਆਮ ਇਨਸਾਨ ਤੇ ਕਿਸਾਨਾਂ ਤੇ ਪੈ ਰਹੇ ਵਾਧੂ ਬੋਝ, ਕਾਂਗਰਸ ਸਰਕਾਰ ਵਲੋਂ ਪੰਜਾਬ ਅੰਦਰ ਲੋੜਵੰਦ ਗਰੀਬ ਪਰਿਵਾਰ ਦੇ ਕੱਟੇ ਨੀਲੇ ਰਾਸ਼ਨ ਕਾਰਡ ਮੁੜ ਬਨਵਾਉਣ ਲਈ, ਕਾਂਗਰਸੀਆਂ ਵੱਲੋਂ ਕੀਤੇ ਰਾਸ਼ਨ ਘੁਟਾਲਾ, ਸ਼ਰਾਬ ਘੁਟਾਲਾ,ਰੇਤ ਘੁਟਾਲਾ, ਬੀਜ਼ ਘੁਟਾਲਿਆਂ ਦੇ ਵਿਰੁੱਧ ਵਿਚ ਵੱਖ ਵੱਖ ਥਾਵਾਂ ਤੇ ਰੋਸ ਪ੍ਰਦਰਸ਼ਨ ਕੀਤੇ ਗਏ। ਇਸ ਮੌਕੇ ਜਲੰਧਰ ਦੇ ਮਕਸੂਦਾਂ ਚੌਂਕ, ਸੋਡਲ ਚੌਂਕ ,ਦੁਆਬਾ ਚੌਕ, ਕਿਸ਼ਨਪੁਰਾ ਚੌਕ, ਲੰਮਾ ਪਿੰਡ ਚੌਂਕ, ਪਠਾਨਕੋਟ ਚੌਂਕ, ਗੁਰੂ ਨਾਨਕਪੁਰਾ, ਰਾਮਾਂਮੰਡੀ ਚੌਂਕ,ਕਾਕੀ ਪਿੰਡ,ਨੰਗਲ ਸ਼ਾਮਾਂ ਚੌਂਕ, ਕੰਪਨੀ ਬਾਗ, ਰਵੀਦਾਸ ਚੌਂਕ,ਬਵਰੀਕ ਚੌਂਕ, ਮਿੱਠੂ ਬਸਤੀ, ਕਪੂਰਥਲਾ ਰੋਡ, ਵਰਕਸ਼ਾਪ ਚੌਂਕ, ਆਦਿ ਥਾਵਾਂ ਤੇ ਰੋਸ ਪ੍ਰਦਰਸ਼ਨ ਕੀਤੇ ਗਏ।