ਕਿਸੀ ਕਾ ਭਾਈ ਕਿਸੀ ਕੀ ਜਾਨ ਦਾ ਪ੍ਰਮੋਸ਼ਨ ਕਰ ਦੁਬਈ ਤੋਂ ਪਰਤੇ ਸਲਮਾਨ, ਦੇਖੋ ਭਾਈਜਾਨ ਦਾ ਕੂਲ ਅੰਦਾਜ

ਬਾਲੀਵੁੱਡ ਸੁਪਰਸਟਾਰ ਸਲਮਾਨ ਖਾਨ ਦੀ ਫਿਲਮ ‘ਕਿਸ ਕਾ ਭਾਈ ਕਿਸੀ ਕੀ ਜਾਨ’ 21 ਅਪ੍ਰੈਲ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋ ਗਈ ਹੈ। ਇਸ ਫਿਲਮ ਨਾਲ ‘ਭਾਈਜਾਨ’ ਚਾਰ ਸਾਲ ਬਾਅਦ ਪਰਦੇ ‘ਤੇ ਵਾਪਸੀ ਕੀਤੀ ਹੈ। ਹਾਲਾਂਕਿ ਉਨ੍ਹਾਂ ਦੀ ਫਿਲਮ ਬਾਕਸ ਆਫਿਸ ‘ਤੇ ਕੁਝ ਖਾਸ ਕਮਾਲ ਨਹੀਂ ਦਿਖਾ ਸਕੀ। ਫਰਹਾਦ ਸਾਮਜੀ ਦੁਆਰਾ ਨਿਰਦੇਸ਼ਤ, ਫਿਲਮ ਨੇ ਟਿਕਟ ਖਿੜਕੀ ‘ਤੇ ਪਹਿਲੇ ਦਿਨ ਸਿਰਫ 12.5 ਕਰੋੜ ਰੁਪਏ ਦੀ ਕਮਾਈ ਕੀਤੀ।

ਇਸ ਦੌਰਾਨ ਬਾਲੀਵੁੱਡ ਦੇ ਦਬੰਗ ਖਾਨ ਆਪਣੀ ਤਾਜ਼ਾ ਰਿਲੀਜ਼ ਫਿਲਮ ਦੇ ਪ੍ਰਚਾਰ ਲਈ ਦੁਬਈ ਗਏ। ਅਦਾਕਾਰ ਹਾਲ ਹੀ ‘ਚ ਦੁਬਈ ਤੋਂ ਮੁੰਬਈ ਪਰਤਿਆ ਹੈ। ਇਸ ਦੌਰਾਨ ਸਲਮਾਨ ਨੂੰ ਏਅਰਪੋਰਟ ‘ਤੇ ਸਖਤ ਸੁਰੱਖਿਆ ਵਿਚਕਾਰ ਦੇਖਿਆ ਗਿਆ।

ਉਨ੍ਹਾਂ ਦਾ ਬਾਡੀਗਾਰਡ ਸ਼ੇਰਾ ਹਰ ਸਮੇਂ ਪਰਛਾਵੇਂ ਵਾਂਗ ਉਨ੍ਹਾਂ ਦੇ ਨਾਲ ਮੌਜੂਦ ਰਹਿੰਦਾ ਹੈ, ਤਾਂ ਕਿ ਸਲਮਾਨ ਦੀ ਸੁਰੱਖਿਆ ‘ਚ ਕੋਈ ਗਲਤੀ ਨਾ ਹੋਵੇ। ਭਾਈਜਾਨ ਨੂੰ ਏਅਰਪੋਰਟ ‘ਤੇ ਬਲੈਕ ਸ਼ਰਟ ਅਤੇ ਨੀਲੇ ਡੈਨੀਮ ‘ਚ ਦੇਖਿਆ ਗਿਆ। ਇਸ ਲੁੱਕ ‘ਚ ਐਕਟਰ ਡੈਸ਼ਿੰਗ ਨਜ਼ਰ ਆ ਰਹੇ ਸਨ।

ਦੱਖਣ ਦੀ ਦਿੱਗਜ ਅਦਾਕਾਰਾ ਪੂਜਾ ਹੇਗੜੇ ਆਪਣੀ ਤਾਜ਼ਾ ਰਿਲੀਜ਼ ਫਿਲਮ ‘ਕਿਸ ਕਾ ਭਾਈ ਕਿਸ ਕੀ ਜਾਨ’ ਵਿੱਚ ਸਲਮਾਨ ਖਾਨ ਨਾਲ ਫਲਰਟ ਕਰਦੀ ਨਜ਼ਰ ਆ ਰਹੀ ਹੈ। ਇਸ ਦੇ ਨਾਲ ਹੀ ਸ਼ਹਿਨਾਜ਼ ਗਿੱਲ ਅਤੇ ਪਲਕ ਤਿਵਾਰੀ ਨੇ ਇਸ ਫਿਲਮ ਨਾਲ ਇੰਡਸਟਰੀ ‘ਚ ਐਂਟਰੀ ਕੀਤੀ ਹੈ। ਫਿਲਮ ਨੇ ਭਾਰਤੀ ਬਾਕਸ ਆਫਿਸ ‘ਤੇ ਹੁਣ ਤੱਕ 80 ਕਰੋੜ ਤੋਂ ਵੱਧ ਦੀ ਕਮਾਈ ਕਰ ਲਈ ਹੈ।