ਸੰਨੀ ਦਿਓਲ ਨੇ ਬਾਕਸ ਆਫਿਸ ‘ਤੇ ਮਚਾਈ ਖੂਬ ਧਮਾਲ, ਪਹਿਲੇ ਦਿਨ ਹੀ ਕਰ ਦਿੱਤੀ ਕਮਾਲ

12AUGUST 2023: ਸੰਨੀ ਦਿਓਲ ਸਟਾਰਰ ਫਿਲਮ ‘ਗਦਰ 2’ ਇਕ ਵਾਰ ਫਿਰ ਵੱਡੇ ਪਰਦੇ ‘ਤੇ ਆ ਗਈ ਹੈ। ‘ਗਦਰ 2’ ਇੱਕ ਐਕਸ਼ਨ ਡਰਾਮਾ ਫਿਲਮ ਹੈ ਜੋ ਅਨਿਲ ਸ਼ਰਮਾ ਨਿਰਦੇਸ਼ਤ ਅਤੇ ਨਿਰਮਿਤ ਹੈ, ਅਤੇ ਸ਼ਕਤੀਮਾਨ ਤਲਵਾਰ ਦੁਆਰਾ ਲਿਖੀ ਗਈ ਹੈ।

ਸੰਨੀ ਦਿਓਲ ਦੀ ਤਾਰਾ ਸਿੰਘ ਅਵਤਾਰ ਦੀ ਵਾਪਸੀ ਨੇ ਇੱਕ ਵਾਰ ਫਿਰ ਸਿਨੇਮਾਘਰਾਂ ਵਿੱਚ ਸ਼ਾਨਦਾਰ ਕਮਾਈ ਦੇ ਦਿਨ ਦਿਖਾਉਣੇ ਸ਼ੁਰੂ ਕਰ ਦਿੱਤੇ ਹਨ। ਗਦਰ-2 ਨਾਲ 22 ਸਾਲ ਬਾਅਦ ਵੱਡੇ ਪਰਦੇ ‘ਤੇ ਵਾਪਸੀ ਕਰਨ ਵਾਲੇ ਸੰਨੀ ਦਿਓਲ ਨੇ ਪਹਿਲੇ ਦਿਨ ਤੋਂ ਹੀ ਬਾਕਸ ਆਫਿਸ ‘ਤੇ ਧਮਾਲ ਮਚਾਉਣੀ ਸ਼ੁਰੂ ਕਰ ਦਿੱਤੀ ਹੈ। 2001 ‘ਚ ਰਿਲੀਜ਼ ਹੋਈ ‘ਗਦਰ’ ਦਾ ਸੀਕਵਲ 22 ਸਾਲਾਂ ਬਾਅਦ ਆਇਆ ਹੈ। ‘ਗਦਰ 2’ ਤੋਂ ਲੋਕਾਂ ਨੂੰ ਜ਼ਬਰਦਸਤ ਕਮਾਈ ਦੀ ਉਮੀਦ ਹੈ।

ਸ਼ੁੱਕਰਵਾਰ 11 ਅਗਸਤ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਈ ‘ਗਦਰ 2’ ਨੂੰ ਲੋਕ ਕਾਫੀ ਪਿਆਰ ਦੇ ਰਹੇ ਹਨ। ਪੰਜਾਬ ‘ਚ ਫਿਲਮ ਦੇਖਣ ਲਈ ਸਿਨੇਮਾਘਰਾਂ ਦੇ ਬਾਹਰ ਲੰਬੀਆਂ ਕਤਾਰਾਂ ਲੱਗ ਗਈਆਂ। ਦਿੱਲੀ-ਮੁੰਬਈ ਵਰਗੇ ਸ਼ਹਿਰਾਂ ਵਿੱਚ ਮਲਟੀਪਲੈਕਸ ਭਰੇ ਪਏ ਹਨ। ਵੀਕੈਂਡ ਹੋਣ ਕਾਰਨ ਗਦਰ-2 ਨੂੰ ਚੰਗਾ ਹੁੰਗਾਰਾ ਮਿਲ ਰਿਹਾ ਹੈ। ਵਪਾਰਕ ਰਿਪੋਰਟਾਂ ਦੱਸਦੀਆਂ ਹਨ ਕਿ ‘ਗਦਰ 2’ ਨੇ ਪਹਿਲੇ ਦਿਨ ਹੀ ਇਸ ਸਾਲ ਦਾ ਦੂਜਾ ਸਭ ਤੋਂ ਉੱਚਾ ਓਪਨਿੰਗ ਕਲੈਕਸ਼ਨ ਬਣਾ ਲਿਆ ਹੈ।

ਅੰਕੜਿਆਂ ਦੀ ਗੱਲ ਕਰੀਏ ਤਾਂ ‘ਗਦਰ 2’ ਦੀ ਪਹਿਲੇ ਦਿਨ ਦੀ ਐਡਵਾਂਸ ਬੁਕਿੰਗ ਸਿਰਫ ਨੈਸ਼ਨਲ ਚੇਨਜ਼ ‘ਚ 2 ਲੱਖ 80 ਹਜ਼ਾਰ ਤੋਂ ਵੱਧ ਸੀ ਅਤੇ ‘ਗਦਰ 2’ ਦੇ ਸਿਨੇਮਾਘਰਾਂ ‘ਚ ਕੁੱਲ 7 ਲੱਖ ਤੋਂ ਵੱਧ ਐਡਵਾਂਸ ਟਿਕਟਾਂ ਜਾਰੀ ਕੀਤੀਆਂ ਗਈਆਂ ਸਨ। ਖਬਰਾਂ ਮੁਤਾਬਕ ‘ਗਦਰ 2’ ਨੇ ਪਹਿਲੇ ਦਿਨ 38 ਤੋਂ 40 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ।