ਡਾਕਟਰ ਦੀ ਹੈਵਾਨੀਅਤ, 10 ਸਾਲ ਦੀ ਬੱਚੀ ਨਾਲ ਜਿਸਮਾਨੀ ਛੇੜਛਾੜ

ਕਪੂਰਥਲਾ, 19 ਅਗਸਤ (ਜਗਜੀਤ ਧੰਜੂ): ਡਾਕਟਰ ਨੂੰ ਲੋਕ ਰੱਬ ਦਾ ਰੂਪ ਸਮਝਦੇ ਹਨ ਪਰ ਜ਼ਿਲ੍ਹਾ ਕਪੂਰਥਲਾ ਦੇ ਅਧਿਨ ਪੈਂਦੇ ਨਡਾਲਾ ‘ਚ ਇਕ ਡਾਕਟਰ ਦੀ ਹੈਵਾਨਿਅਤ ਉਸ ਸਮੇਂ ਵੇਖਣ ਨੂੰ ਮਿਲੀ ਜਦ ਨਿੱਜੀ ਹਸਪਤਾਲ ਚਲਾ ਰਹੇ ਡਾਕਟਰ ਦੇ ਵੱਲੋਂ 10 ਸਾਲ ਦੀ ਬੱਚੀ ਦੇ ਨਾਲ ਜਿਸਮਾਨੀ ਛੇੜਛਾੜ ਕੀਤੀ ਗਈ। ਪੀੜਤ ਬੱਚੀ ਆਪਣੇ ਪਿਤਾ ਨਾਲ ਹਸਪਤਾਲ ਆਈ ਸੀ ਕਿਉਂਕਿ ਉਸ ਦੀ ਬਾਂਹ ‘ਤੇ ਸੱਟ ਲੱਗੀ ਸੀ ਪਰ ਉਸ ਹਸਪਤਾਲ ‘ਚ ਉਸ ਮਾਸੂਮ ਦੇ ਨਾਲ ਡਾਕਟਰ ਵੱਲੋਂ ਗਲਤ ਹਰਕਤ ਕੀਤੀ ਗਈ। ਜਿਸ ਤੋਂ ਬਾਅਦ ਪਰਿਵਾਰ ਮੈਂਬਰਾਂ ਨੇ ਪੁਲਿਸ ਨੂੰ ਸ਼ਿਕਾਇਤ ਦਰਜ ਕਰਵਾਈ ‘ਤੇ ਦੋਸ਼ੀ ਡਾਕਟਰ ਨੁੰ ਪੁਲਿਸ ਨੇ ਕਾਬੂ ਕਰ ਲਿਆ। ਜਿਸਤੋੰ ਬਾਅਦ ਵੱਖੋ-ਵੱਖ ਧਾਰਾਂਵਾਂ ਤਹਿਤ ਮਾਮਲਾ ਦਰਜ ਕਰਕੇ ਕਾਰਵਾਈ ਸ਼ੁਰੂ ਕਰ ਦਿੱਤੀ।