ਸਭ ਤੋਂ ਸ਼ਕਤੀਸ਼ਾਲੀ ਰਾਕੇਟ ਅੱਜ ਹੋਵੇਗਾ ਲਾਂਚ..

18 ਨਵੰਬਰ 2023: ਸਪੇਸਐਕਸ ਦੇ ਮਾਲਕ ਐਲੋਨ ਮਸਕ ਸ਼ਨੀਵਾਰ ਨੂੰ ਭਾਰਤੀ ਸਮੇਂ ਅਨੁਸਾਰ ਸ਼ਾਮ 6:30 ਵਜੇ ਦੁਨੀਆ ਦੇ ਸਭ ਤੋਂ ਸ਼ਕਤੀਸ਼ਾਲੀ ਸਟਾਰਸ਼ਿਪ ਵਾਹਨ ਦਾ ਦੂਜਾ ਪ੍ਰੀਖਣ ਕਰਨਗੇ। ਪਹਿਲਾਂ ਇਸ ਨੂੰ 17 ਨਵੰਬਰ ਨੂੰ ਲਾਂਚ ਕੀਤਾ ਜਾਣਾ ਸੀ ਪਰ ਗਰਿੱਡ ਫਿਨ ‘ਚ ਖਰਾਬੀ ਕਾਰਨ ਇਸ ਨੂੰ ਇਕ ਦਿਨ ਲਈ ਟਾਲ ਦਿੱਤਾ ਗਿਆ ਸੀ।

ਮਸਕ ਨੇ ਕਿਹਾ, ‘ਗਰਿੱਡ ਫਿਨ ਐਕਚੁਏਟਰ ਨੂੰ ਬਦਲਣਾ ਹੋਵੇਗਾ, ਇਸ ਲਈ ਲਾਂਚ ਨੂੰ ਸ਼ਨੀਵਾਰ ਤੱਕ ਮੁਲਤਵੀ ਕਰ ਦਿੱਤਾ ਗਿਆ ਹੈ।’ ਗਰਿੱਡ ਫਿਨਸ ਰਾਕੇਟ ਬੂਸਟਰ ਨੂੰ ਧਰਤੀ ‘ਤੇ ਵਾਪਸ ਆਉਣ ਵਿੱਚ ਮਦਦ ਕਰਦੇ ਹਨ। ਸਟਾਰਸ਼ਿਪ ਪੁਲਾੜ ਯਾਨ ਅਤੇ ਸੁਪਰ ਹੈਵੀ ਰਾਕੇਟ ਨੂੰ ਸਮੂਹਿਕ ਤੌਰ ‘ਤੇ ‘ਸਟਾਰਸ਼ਿਪ’ ਕਿਹਾ ਜਾਂਦਾ ਹੈ।