ਵਪਾਰੀਆਂ ਨੇ ‘NO UPI DAY ਦਾ ਕੀਤਾ ਐਲਾਨ

ਜ ਦੇਸ਼ ਭਰ ਵਿੱਚ ਵਪਾਰੀਆਂ ਵੱਲੋਂ ‘NO UPI DAY’ ਮਨਾਉਣ ਦਾ ਐਲਾਨ ਕੀਤਾ ਗਿਆ ਹੈ। UPI ਪੇਮੈਂਟ ‘ਤੇ MDR ਯਾਨੀ Merchant Discount Rate ਦੇ ਮੁੱਦੇ ਨੂੰ ਲੈ ਕੇ ਵਪਾਰੀਆਂ ਵੱਲੋਂ ਇਹ ਵਿਰੋਧ ਜਤਾਇਆ ਜਾ ਰਿਹਾ ਹੈ।

ਵਪਾਰੀਆਂ ਦੇ ਐਲਾਨ ਮੁਤਾਬਕ ਅੱਜ ਕਈ ਦੁਕਾਨਾਂ ‘ਤੇ UPI ਰਾਹੀਂ ਪੇਮੈਂਟ ਸਵੀਕਾਰ ਨਹੀਂ ਕੀਤੀ ਜਾਵੇਗੀ। ਇਸ ਦੀ ਥਾਂ ਗਾਹਕਾਂ ਤੋਂ ਕੈਸ਼ ਪੇਮੈਂਟ ਲੈਣ ਦੀ ਗੱਲ ਕਹੀ ਗਈ ਹੈ।

UPI ਪੇਮੈਂਟ ਨੂੰ ਲੈ ਕੇ ਅੱਜ ਵਪਾਰੀਆਂ ਵੱਲੋਂ ਵਿਰੋਧ ਦਾ ਦਿਨ ਮਨਾਇਆ ਜਾ ਰਿਹਾ ਹੈ। ‘NO UPI DAY’ ਦੇ ਤਹਿਤ ਕਈ ਦੁਕਾਨਦਾਰ ਆਪਣੇ QR ਕੋਡ ਨੂੰ ਕਾਲੇ ਕੱਪੜੇ ਨਾਲ ਢੱਕ ਕੇ ਆਪਣਾ ਵਿਰੋਧ ਦਰਜ ਕਰਵਾਉਣਗੇ।

ਵਪਾਰੀਆਂ ਦਾ ਕਹਿਣਾ ਹੈ ਕਿ UPI ਟ੍ਰਾਂਜ਼ੈਕਸ਼ਨਾਂ ਨਾਲ ਜੁੜੇ MDR ਦੇ ਮੁੱਦੇ ਨੂੰ ਲੈ ਕੇ ਉਨ੍ਹਾਂ ਦੀਆਂ ਚਿੰਤਾਵਾਂ ਹਨ। ਇਸੇ ਦੇ ਵਿਰੋਧ ਵਿੱਚ ਅੱਜ ਆਨਲਾਈਨ ਪੇਮੈਂਟ ਦੀ ਥਾਂ ਕੈਸ਼ ਪੇਮੈਂਟ ਨੂੰ ਤਰਜੀਹ ਦੇਣ ਦੀ ਅਪੀਲ ਕੀਤੀ ਗਈ ਹੈ।

ਹਾਲਾਂਕਿ, ਇਸ ਦੌਰਾਨ ਗਾਹਕਾਂ ਨੂੰ ਪੇਮੈਂਟ ਦੇ ਤਰੀਕਿਆਂ ਬਾਰੇ ਦੁਕਾਨਦਾਰਾਂ ਨਾਲ ਪਹਿਲਾਂ ਜਾਣਕਾਰੀ ਲੈਣੀ ਪੈ ਸਕਦੀ ਹੈ, ਕਿਉਂਕਿ ਹਰ ਦੁਕਾਨ ‘ਤੇ UPI ਸੇਵਾ ਬੰਦ ਹੋਵੇ, ਇਹ ਜ਼ਰੂਰੀ ਨਹੀਂ।

ਫਿਲਹਾਲ ‘NO UPI DAY’ ਰਾਹੀਂ ਵਪਾਰੀ UPI ਪੇਮੈਂਟ ਅਤੇ MDR ਨਾਲ ਜੁੜੇ ਆਪਣੇ ਮੁੱਦੇ ਉਠਾ ਰਹੇ ਹਨ। ਹੁਣ ਦੇਖਣਾ ਹੋਵੇਗਾ ਕਿ ਇਸ ਵਿਰੋਧ ‘ਤੇ ਸਰਕਾਰ ਅਤੇ ਸਬੰਧਤ ਧਿਰਾਂ ਵੱਲੋਂ ਕੀ ਪ੍ਰਤੀਕਿਰਿਆ ਸਾਹਮਣੇ ਆਉਂਦੀ ਹੈ।