ਸਮਰਪਨ ਲਾਮਾ ਸ਼ੋਅ ‘ਇੰਡੀਆਜ਼ ਬੈਸਟ ਡਾਂਸਰ 3’ ਦੇ ਬਣੇ ਜੇਤੂ, ਜਾਣੋ ਵੇਰਵਾ

1 ਅਕਤੂਬਰ 2023: ਟੀਵੀ ਦੇ ਡਾਂਸ ਰਿਐਲਿਟੀ ਸ਼ੋਅ ‘ਇੰਡੀਆਜ਼ ਬੈਸਟ ਡਾਂਸਰ 3’ ਨੇ ਆਪਣਾ ਵਿਜੇਤਾ ਪਾ ਲਿਆ ਹੈ। ਪੁਣੇ ਨਿਵਾਸੀ ਸਮਰਪਨ ਲਾਮਾ ਨੇ ਸ਼ੋਅ ਦੀ ਟਰਾਫੀ ਜਿੱਤੀ ਹੈ। ਸਮਰਪਨ ਨੇ ਫਾਈਨਲ ਵਿੱਚ ਸਿਖਰਲੇ 5 ਵਿੱਚ ਰਹੇ ਸ਼ਿਵਾਂਸ਼ੂ ਸੋਨੀ, ਵਿਪੁਲ ਕੰਦਪਾਲ, ਅਨਿਕੇਤ ਚੌਹਾਨ ਅਤੇ ਅੰਜਲੀ ਮਮਗਈ ਨੂੰ ਹਰਾ ਕੇ ਇਹ ਜਿੱਤ ਹਾਸਲ ਕੀਤੀ। ਯੂਜ਼ਰਸ ਇਸ ਜਿੱਤ ਲਈ ਸਮਰਪਨ ਨੂੰ ਵਧਾਈ ਦੇ ਰਹੇ ਹਨ।

‘ਇੰਡੀਆਜ਼ ਬੈਸਟ ਡਾਂਸਰ 3’ ਜਿੱਤਣ ਲਈ ਸਮਰਪਨ ਲਾਮਾ ਨੇ ਵੱਡੀ ਇਨਾਮੀ ਰਾਸ਼ੀ ਦੇ ਨਾਲ ਟਰਾਫੀ ਜਿੱਤੀ ਹੈ। ਉਸ ਨੂੰ ਇਨਾਮੀ ਰਾਸ਼ੀ ਵਜੋਂ 15 ਲੱਖ ਰੁਪਏ ਦਾ ਇਨਾਮ ਮਿਲਿਆ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਦੀ ਕੋਰੀਓਗ੍ਰਾਫਰ ਭਾਵਨਾ ਖੰਡੂਜਾ ਨੂੰ 5 ਲੱਖ ਰੁਪਏ ਦਾ ਚੈੱਕ ਦਿੱਤਾ ਗਿਆ। ਟਰਾਫੀ ਜਿੱਤਣ ਤੋਂ ਬਾਅਦ ਸਮਰਪਣ ਦੀ ਖੁਸ਼ੀ ਦੀ ਕੋਈ ਸੀਮਾ ਨਹੀਂ ਰਹੀ।

ਜਿੱਤਣ ਤੋਂ ਬਾਅਦ ਸਮਰਪਨ ਨੇ ਕਿਹਾ ਕਿ ਉਸ ਨੇ ਸ਼ੋਅ ‘ਚ ਸਫਲਤਾ ਅਤੇ ਅਸਫਲਤਾ ਦੋਵੇਂ ਦੇਖੇ ਹਨ। ਉਸ ਨੇ ਅਸਫਲਤਾ ਤੋਂ ਬਹੁਤ ਕੁਝ ਸਿੱਖਿਆ ਹੈ, ਜਿਸ ਕਾਰਨ ਉਹ ਅੱਜ ਇੱਕ ਬਿਹਤਰ ਡਾਂਸਰ ਹੈ। ਉਸ ਨੇ ਇਹ ਵੀ ਕਿਹਾ ਕਿ ‘ਇੰਡੀਆਜ਼ ਬੈਸਟ ਡਾਂਸਰ 3’ ਉਸ ਲਈ ਬਹੁਤ ਮਾਇਨੇ ਰੱਖਦੀ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਆਪਣੇ ਮਾਤਾ-ਪਿਤਾ ਦੇ ਸਹਿਯੋਗ ਦਾ ਵੀ ਜ਼ਿਕਰ ਕੀਤਾ।

ਤੁਹਾਨੂੰ ਦੱਸ ਦੇਈਏ ਕਿ ਸ਼ੋਅ ‘ਇੰਡੀਆਜ਼ ਬੈਸਟ ਡਾਂਸਰ 3’ ਨੂੰ ਅਦਾਕਾਰਾ ਸੋਨਾਲੀ ਬੇਂਦਰੇ ਅਤੇ ਕੋਰੀਓਗ੍ਰਾਫਰ ਗੀਤਾ ਕਪੂਰ ਅਤੇ ਟੇਰੇਂਸ ਲੁਈਸ ਨੇ ਜੱਜ ਕੀਤਾ ਸੀ, ਜਦੋਂ ਕਿ ਅਭਿਨੇਤਾ ਜੈ ਭਾਨੁਸ਼ਾਲੀ ਨੇ ਸ਼ੋਅ ਨੂੰ ਹੋਸਟ ਕੀਤਾ ਸੀ।