Punjab
ਪਿਆਰ ਦੀ ਖਾਤਿਰ ਵਿਅਕਤੀ ਨੇ ਬਦਲਿਆ ਲਿੰਗ,
ਅੰਮ੍ਰਿਤਸਰ: ਪਿਆਰ ਵਿੱਚ ਲੋਕ ਸਾਰੀਆਂ ਹੱਦਾਂ ਪਾਰ ਕਰ ਜਾਂਦੇ ਹਨ। ਅਜਿਹਾ ਹੀ ਇੱਕ ਮਾਮਲਾ ਅੰਮ੍ਰਿਤਸਰ ਵਿੱਚ ਸਾਹਮਣੇ ਆਇਆ ਹੈ,
ਜਿੱਥੇ ਇੱਕ ਵਿਅਕਤੀ ਪ੍ਰੇਮ ਸਬੰਧਾਂ ਵਿੱਚ ਰਵੀ ਤੋਂ ਰੀਆ ਬਣ ਗਿਆ। ਦੱਸ ਦੇਈਏ ਕਿ ਰਵੀ ਉਰਫ਼ ਰਿਆ ਨੇ ਪੁਲਿਸ ਤੋਂ ਮਦਦ ਦੀ ਅਪੀਲ ਕੀਤੀ ਹੈ।
ਰਵੀ ਨੇ ਦੱਸਿਆ ਕਿ ਉਸ ਨੇ ਜਲੰਧਰ ਦੇ ਰਹਿਣ ਵਾਲੇ ਅਰਜੁਨ ਦੇ ਕਹਿਣ ‘ਤੇ ਲਿੰਗ ਬਦਲਿਆ ਸੀ ਪਰ ਹੁਣ ਅਰਜੁਨ ਆਪਣਾ ਨਹੀਂ ਰਿਹਾ। ਰੀਆ ਨੇ ਦੱਸਿਆ ਕਿ ਕੁਝ ਸਾਲ ਪਹਿਲਾਂ ਉਸ ਦੀ ਮੁਲਾਕਾਤ ਅਰਜੁਨ ਨਾਲ ਹੋਈ ਸੀ।
ਦੋਵਾਂ ਵਿਚ ਪਿਆਰ ਹੋ ਗਿਆ ਅਤੇ ਉਨ੍ਹਾਂ ਦਾ ਸਮਲਿੰਗੀ ਸਬੰਧ ਬਣ ਗਿਆ। ਰਵੀ ਨੇ ਆਪਣਾ ਲਿੰਗ ਬਦਲਿਆ ਤਾਂ ਜੋ ਸਮਾਜ ਵਿੱਚ ਬਦਨਾਮੀ ਨਾ ਹੋਵੇ।
ਇਸ ਮਾਮਲੇ ‘ਚ ਰੀਆ ਨੇ ਦੱਸਿਆ ਕਿ ਕਰੀਬ 3 ਸਾਲ ਪਹਿਲਾਂ ਉਨ੍ਹਾਂ ਦਾ ਵਿਆਹ ਹੋਇਆ ਸੀ ਅਤੇ ਉਹ ਇਕੱਠੇ ਰਹਿੰਦੇ ਸਨ ਪਰ ਹੁਣ ਅਰਜੁਨ ਉਸ ਨੂੰ ਆਪਣਾ ਨਹੀਂ ਰਿਹਾ। ਪੁਲਿਸ ਨੇ ਸ਼ਿਕਾਇਤ ਮਿਲਣ ਤੋਂ ਬਾਅਦ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
