ਚੇਨਈ ‘ਚ ਵੈਜਯੰਤੀਮਾਲਾ ਨੂੰ ਮਿਲੇ PM ਮੋਦੀ, ਸਿਨੇਮਾਂ ‘ਚ ਮਿਸਾਲੀ ਯੋਗਦਾਨ ਦੀ ਕੀਤੀ ਤਾਰੀਫ਼

5 ਮਾਰਚ 2024: ਬੀਤੇ ਦਿਨੀਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅਭਿਨੇਤਰੀ ਵੈਜਯੰਤੀਮਾਲਾ ਨਾਲ ਮੁਲਾਕਾਤ ਕੀਤੀ | ਉਨ੍ਹਾਂ ਨਾਲ ਮੁਲਾਕਾਤ ਦੀਆਂ ਕੁੱਝ ਤਸਵੀਰਾਂ ਵੀ ਸਾਂਝੀਆਂ ਕੀਤੀਆਂ ਗਿਆ ਹਨ। PM ਨਰਿੰਦਰ ਮੋਦੀ ਦੇ ਵੱਲੋਂ ਅਭਿਨੇਤਰੀ ਵੈਜਯੰਤੀਮਾਲਾਦਾ ਦਾ ਹੱਥ ਜੋੜ ਕੇ ਸਵਾਗਤ ਕੀਤਾ ਗਿਆ ਹੈ। ਵੈਜਯੰਤੀਮਾਲਾ ਦੀ ਤਾਰੀਫ਼ ਕਰਦੇ ਹੋਏ PM MODI ਨੇ ਕਿਹਾ ਹੈ ਕਿ ਮਹਾਨ ਅਭਿਨੇਤਰੀ ਦੀ ਭਾਰਤੀ ਸਿਨੇਮਾ ਦੀ ਦੁਨੀਆ ਵਿੱਚ ਮਿਸਾਲੀ ਯੋਗਦਾਨ ਲਈ ਪ੍ਰਸ਼ੰਸਾ ਕੀਤੀ ਜਾਂਦੀ ਹੈ। ਉਨ੍ਹਾਂ ਨੇ ਲਿਖਿਆ, ‘ਚੇਨਈ ਵਿੱਚ ਵੈਜਯੰਤੀਮਾਲਾ ਜੀ ਨੂੰ ਮਿਲ ਕੇ ਖੁਸ਼ੀ ਹੋਈ। ਉਸਨੂੰ ਹਾਲ ਹੀ ਵਿੱਚ ਪਦਮ ਵਿਭੂਸ਼ਣ ਨਾਲ ਸਨਮਾਨਿਤ ਕੀਤਾ ਗਿਆ ਹੈ ਅਤੇ ਭਾਰਤੀ ਸਿਨੇਮਾ ਦੀ ਦੁਨੀਆ ਵਿੱਚ ਉਸਦੇ ਮਿਸਾਲੀ ਯੋਗਦਾਨ ਲਈ ਭਾਰਤ ਭਰ ਵਿੱਚ ਪ੍ਰਸ਼ੰਸਾ ਕੀਤੀ ਗਈ ਹੈ।

16 ਸਾਲ ਦੀ ਉਮਰ ‘ਚ ਤਾਮਿਲ ਫਿਲਮ ਵਜ਼ਾਕਾਈ ਨਾਲ ਕੀਤਾ ਕੰਮ ਸ਼ੁਰੂ
ਵੈਜਯੰਤੀਮਾਲਾ ਨੇ 16 ਸਾਲ ਦੀ ਉਮਰ ਵਿੱਚ ਤਾਮਿਲ ਫਿਲਮ ਵਜ਼ਾਕਾਈ (1949) ਨਾਲ ਕੰਮ ਕਰਨਾ ਸ਼ੁਰੂ ਕੀਤਾ। ਉਨ੍ਹਾਂ ਦੀ ਪਹਿਲੀ ਹਿੰਦੀ ਫਿਲਮ ਬਹਾਰ ਸੀ, ਜੋ 1951 ਵਿੱਚ ਰਿਲੀਜ਼ ਹੋਈ ਸੀ। ਬਾਅਦ ਵਿੱਚ ਉਸਨੇ 1950 ਅਤੇ 1960 ਦੇ ਦਹਾਕੇ ਦੀਆਂ ਕਈ ਫਿਲਮਾਂ ਵਿੱਚ ਵੀ ਕੰਮ ਕੀਤਾ, ਜਿਸ ਵਿੱਚ ਦੇਵਦਾਸ, ਨਵਾਂ ਦੌਰ, ਆਸ਼ਾ, ਸਾਧਨਾ, ਗੂੰਗਾ ਜਮਨਾ, ਸੰਗਮ ਅਤੇ ਜਵੇਲ ਥੀਫ ਸ਼ਾਮਲ ਹਨ। ਦਿਲਚਸਪ ਗੱਲ ਇਹ ਹੈ ਕਿ ਉਨ੍ਹਾਂ ਨੂੰ ਸਾਲ 1968 ਵਿੱਚ ਪਦਮਸ਼੍ਰੀ ਨਾਲ ਵੀ ਸਨਮਾਨਿਤ ਕੀਤਾ ਗਿਆ ਸੀ।